AQI
TV9 Network
User
Sign In

By signing in or creating an account, you agree with Associated Broadcasting Company's Terms & Conditions and Privacy Policy.

आता तरी मला माफ करा..; त्या वादग्रस्त वक्तव्याबद्दल शाहिद कपूरच्या पत्नीची विनंती

अभिनेता शाहिद कपूरची पत्नी मीरा राजपूतने तिच्या एका जुन्या वादग्रस्त वक्तव्याबद्दल पश्चात्ताप व्यक्त केला आहे. 2017 मध्ये मीराने 'वर्किंग आई'बद्दल हे वक्तव्य केलं होतं. मुलांसोबत वेळ घालवू शकत नाही मग त्यांना जन्मालाच का घालता, असा सवाल तिने केला होता.

आता तरी मला माफ करा..; त्या वादग्रस्त वक्तव्याबद्दल शाहिद कपूरच्या पत्नीची विनंती
अभिनेता शाहिद कपूर आणि त्याची पत्नी मीरा राजपूतImage Credit source: Instagram
| Updated on: Jun 21, 2024 | 5:05 PM
Share

अभिनेता शाहीद कपूरची पत्नी मीरा राजपूतवर तिच्या एका कमेंटमुळे 2017 मध्ये बरीच टीका झाली होती. वर्किंग आईंचा अपमान करणारं वक्तव्य तिने केलं होतं. “माझी मुलगी पपी (कुत्र्याचं पिल्लू) नाही. आपल्या मुलाबाळांसोबत वेळ घालवता येत नसेल तर त्यांना महिलांनी जन्मच का द्यावा”, असा सवाल तिने केला होता. आता त्या वक्तव्याबद्दल मीराने नुकत्याच दिलेल्या एका मुलाखतीत पश्चात्ताप व्यक्त केला आहे. काम करणाऱ्या आईंबद्दल मनात गैरसमज बाळगला होता, अशी कबुली तिने दिली आहे.

‘फिल्म कम्पॅनियन’ला दिलेल्या मुलाखतीत मीरा म्हणाली, “माझ्यासारख्या सुशिक्षित महिलेनं लग्नानंतर घरी राहण्यास का निवडलं, घरी राहणारी आई हाच पर्याय का निवडला.. अशा प्रश्नांचा भडीमार करत मला त्यावेळी एका कोपऱ्यात ढकललं होतं. मला ती विचारसरणी अयोग्य वाटली होती. मला त्यावेळी माझ्या मुलांना वेळ द्यायचा होता. माझे विचार जुनाट असल्याचं ठरवून मला एका कोपऱ्याच ढकलण्यात आलं होतं. त्या रागातून मी तसं वक्तव्य केलं होतं. पण मी आता त्या मतांनी सहमत नाही. मला असं वाटतं की मी आता त्या गोष्टीच्या बरीच पुढे निघून आली आहे.”

“माझ्या वक्तव्याकडे सकारात्मक दृष्टीकोनातून का पाहिलं गेलं नाही, हे मी समजू शकते. त्यावेळी मी भावनिक होऊन तसं म्हणाले होते. माझ्या मते त्यावेळी मी फक्त स्वत:ची बाजू मांडण्याचा प्रयत्न करत होते. मी जो पर्याय निवडलाय, तो कसा योग्य आहे हे पटवून देण्याचा प्रयत्न करत होते. पण माझ्या वक्तव्यामुळे बऱ्याच लोकांची मनं दुखावली गेली. त्यामुळे मला त्याचं खूप वाईट वाटतं”, असं ती पुढे म्हणाली.

मीराने वयाच्या विसाव्या वर्षी शाहिद कपूरशी लग्न केलं. कलाविश्वाची कोणतीही पार्श्वभूमी नसलेली मीरा शाहिदसोबत लग्न केल्यानंतर प्रकाशझोतात आली. मात्र एका मुलाखतीत काम करणाऱ्या महिलांबद्दल केलेल्या वादग्रस्त वक्तव्यांमुळे मीरा टीकाकारांच्या निशाण्यावर आली होती. ही घटना आयुष्यातील टर्निंग पॉईंट असल्याचं सांगत त्याने मोठा धक्का बसल्याचं मीराने म्हटलंय. आजही त्या वक्तव्यामुळे नकारात्मक टिप्पण्यांचा सामना करावा लागतो, असं मीरा म्हणाली. त्या वक्तव्यानंतर शाहिदकडून खूप पाठिंबा मिळाल्याचा खुलासाही तिने केला. “मला असं वाटतं की मला त्याबद्दल आता माफ करण्याची वेळ आली आहे. कारण आयुष्य म्हणजे एक वर्तुळ असतं आणि इथे तुम्ही तुमच्या चुकांमधूनच शिकता”, अशी भावना मीराने व्यक्त केली.

2017 मध्ये ‘वुमन्स डे’निमित्त आयोजित केलेल्या एका कार्यक्रमात मीरा म्हणाली होती, “तुम्हाला माहितीये की मी माझ्या मुलीचं संगोपन करू शकते. मी एक चांगली पत्नी बनू शकते. त्यामुळे मला कोणीही अडवू शकत नाही. मला घरी राहायला आवडतं, मला माझ्या मुलीची आई व्हायला आवडतं. माझ्या मुलाबाळांसोबत मी एक तास घालवून ऑफिससाठी पळापळ करू शकत नाही. मग मी तिला जन्माला का घातलं? ती काही पपी (कुत्र्याचं पिल्लू) नाही. तिच्याजवळ मला तिची आई बनून राहायचंय. तिला मोठं होताना पाहायचंय.”

Follow Us
पुण्यात अमित शाह आणि देवेंद्र फडणवीस यांची भेट? राजकीय वर्तुळात चर्चां
पुण्यात अमित शाह आणि देवेंद्र फडणवीस यांची भेट? राजकीय वर्तुळात चर्चांना उधाण!
आंबेगावात कामगारांचं बचावकार्य सुरु असतानाच भाजप नेत्यांकडून धक्कादायक
Solapur : आंबेगावात कामगारांचं बचावकार्य सुरु असतानाच भाजप नेत्यांकडून श्रद्धांजलीच्या पोस्ट
कर्जतमध्ये टोरेंट प्रकल्पावरून संघर्षाची ठिणगी! 226 शेतकऱ्यांना...
कर्जतमध्ये टोरेंट प्रकल्पावरून संघर्षाची ठिणगी! 226 शेतकऱ्यांना भूसंपादनाच्या नोटिसा; संजय राऊतांचा इशारा
टायगर श्रॉफ प्रकरणाला नवं वळण; गणेश लांडगेच्या कुटुंबीयांचा खुलासा
टायगर श्रॉफ प्रकरणाला नवं वळण; गणेश लांडगेच्या कुटुंबीयांचा मोठा खुलासा, म्हणाले...
महाराष्ट्र एपस्टीन फाईल्सवरून वाद पेटला! दिग्दर्शक स्वरूप सावंतांनी...
महाराष्ट्र एपस्टीन फाईल्स' चित्रपटावरून वाद पेटला! दिग्दर्शक स्वरूप सावंतांनी अखेर मौन सोडलं, थेट केलं मोठं विधान...
अर्शदीप, सिराज अन् अक्षरची कमाल! भारताने न्यूझीलंडविरुद्ध 22 धावांनी..
IND vs NZ: अर्शदीप, सिराज अन् अक्षरची कमाल! भारताने न्यूझीलंडविरुद्ध 22 धावांनी सामना जिंकला
केंद्रीय गृहमंत्री अमित शाह आणि शरद पवार एकाच मंचावर? कारण काय?
केंद्रीय गृहमंत्री अमित शाह आणि शरद पवार एकाच मंचावर? अजित पवारांच्या पुतळ्याच्या अनावरण सोहळ्यात शरद पवारांना निमंत्रण
कर्जाचे हप्ते थकल्याने मायक्रो फायनान्स कंपनीने शेतमजुराचे घर सील...
कर्जाचे हप्ते थकल्याने मायक्रो फायनान्स कंपनीने शेतमजुराचे घर सील, दुष्काळी परिस्थितीमुळे जीवन विस्कळीत
500 कोटींच्या ऑडिओ क्लिपवरून मनोज जरांगे आक्रमक; थेट बड्या नेत्यांना इ
Manoj Jarange Patil : 500 कोटींच्या ऑडिओ क्लिपवरून मनोज जरांगे आक्रमक; थेट बड्या नेत्यांना इशारा
खासदार शोधा रे, शोधणाऱ्याला बक्षीस... रवी राणा असं का म्हणाले?
खासदार शोधा रे, शोधणाऱ्याला बक्षीस... रवी राणा असं का म्हणाले? अमरावतीतील राजकाणात मोठ्या घडामोडी