Video: सिंहाला रुममध्ये पाहून शहनाझ गिलची उडाली घाबरगुंडी; व्हिडीओ व्हायरल
दिया मिर्झाची शहनाझला व्हिडीओ डिलिट करण्याची विनंती; असं नेमकं काय घडलं?
दुबई: बिग बॉस फेम अभिनेत्री शहनाझ गिल एका कार्यक्रमानिमित्त सध्या दुबईत आहे. तिथले फोटो आणि व्हिडिओ ती चाहत्यांनासोबत शेअर करतेय. दुबईत पार पडलेल्या ‘मिडल ईस्ट अचिवर्स नाईट 2022’ या कार्यक्रमाला तिने हजेरी लावली होती. जान्हवी कपूर, सनी लिओनी, रणवीर सिंग, गोविंदा, हेमा मालिनी यांसारखे सेलिब्रिटीसुद्धा या कार्यक्रमाला उपस्थित होते. सोशल मीडियावर पोस्ट केलेल्या एका व्हिडिओमध्ये शहनाझ एका सिंहाच्या पिल्लाला रुममध्ये पाहून घाबरताना दिसत आहे. तिच्या या व्हिडिओवर चाहत्यांनी लाईक्स आणि कमेंट्सचा वर्षाव केला आहे.
शहनाझने शेअर केलेल्या या व्हिडिओमध्ये सिंहाचा छावा आणि त्याच्या आजबाजूला बरीच लोकं दिसत आहेत. एका रूममध्ये तो आरामात इकडे तिकडे फिरताना दिसतोय आणि त्याला असं मोकळं फिरताना पाहून शहनाझ प्रचंड घाबरली आहे.
एक व्यक्ती शहनाझला रूममध्ये बोलवतो. धाडस करून ती आत जायला तयार होते. मात्र जेव्हा ते सिंहाचं पिल्लू तिच्या जवळ येऊ लागतं, तेव्हा ती “वाहेगुरू, वाहेगुरु” असं ओरडत रूमच्या बाहेर पळून जाते.
View this post on Instagram
शहनाझच्या या व्हिडिओवर चाहत्यांकडून लाईक्स आणि कमेंट्सचा वर्षाव होतोय. ‘ ती रूममध्ये गेली हीच मोठी गोष्ट आहे ,’ असं एकाने म्हटलं आहे. तर ‘ तू स्वतःच सिंहीण आहेस ,’ अशी कमेंट दुसऱ्या युजरने केली. विशेष म्हणजे अभिनेत्री दिया मिर्झाने शहनाझला हा व्हिडीओ डिलिट करण्याची विनंती केली आहे. ‘वन्य प्राण्यांनी जंगलातच राहावं, लोकांच्या घरात नाही’, असं तिने म्हणत तिने व्हिडीओ डिलिट करण्याची विनंती केली.
शहनाझला पंजाबची कतरिना कैफ असंही म्हटलं जातं. तिने बरीच पंजाबी गाणी गायली आहेत. तर काही म्युझिक व्हिडिओमध्येही ती झळकली आहे. बिग बॉसमध्ये हजेरी लावल्यानंतर तिची लोकप्रियता अधिक वाढली. बिग बॉसमध्ये अभिनेता सिद्धार्थ शुक्लाशी शहनाझची खूप चांगली मैत्री झाली. सिद्धार्थच्या निधनानंतर ती खूप खचली होती. शहनाझ लवकरच सलमान खानच्या किसी का भाई किसी को जान या चित्रपटातून बॉलिवूड मध्ये पदार्पण करणार आहे.
