Jhimma | कोरोनाचा मराठी मनोरंजन विश्वालाही मोठा फटका, बहुचर्चित ‘झिम्मा’चे प्रदर्शनही लांबणीवर!
पुन्हा एकदा राज्यात लॉकडाऊन घोषित करण्यात आल्याने ‘झिम्मा’चे प्रदर्शन लांबणीवर टाकण्यात आले आहे. त्यामुळे प्रेक्षकांचीही मोठी निराशा झाली आहे.
मुंबई : देशभरात पुन्हा एकदा कोरोनाचा कहर पाहायला मिळतोय. गेल्यावर्षीपेक्षा अधिक झपाट्याने रुग्णांची संख्या वाढत आहे. जवळपास वर्षभराच्या कालावधीनंतर अनलॉक नियमांतर्गत चित्रपट गृहे सुरु झाली होती. शिवाय नवे चित्रपट मोठ्या आशेने प्रेक्षकांच्या भेटीला आले होते. मात्र, पुन्हा एकदा कोरोनाने डोकं वर काढल्याने सगळ्यांना परत ‘बंदिस्त’ व्हावं लागणार आहे. याचा मोठा फटका मनोरंजन विश्वालाही बसला आहे. अनेक चित्रपटांचे प्रदर्शन रद्द करण्यात आले आहे. यामध्येच आता बहुचर्चित ‘झिम्मा’ (Jhimma) या चित्रपटाचे प्रदर्शन देखील लांबणीवर टाकण्यात आले आहे (Sonalee Kulkarni starrer Jhimma movie release postpone due to corona lockdown).
पुन्हा एकदा राज्यात लॉकडाऊन घोषित करण्यात आल्याने ‘झिम्मा’चे प्रदर्शन लांबणीवर टाकण्यात आले आहे. त्यामुळे प्रेक्षकांचीही मोठी निराशा झाली आहे. ‘झिम्मा’ चित्रपटातील कलाकारांनी एकत्रित येत या संदर्भात माहिती देणारा एक व्हिडीओ तयार केला आहे. अभिनेत्री सोनाली कुलकर्णीने हा व्हिडीओ तिच्या सोशल मीडियावर शेअर केला आहे.
पाहा व्हिडीओ :
View this post on Instagram
आता वेळ आहे एकमेकांची काळजी घेण्याची!
‘झिम्मा चा प्रवास सुरु झाला, तुमचा भरघोस प्रतिसाद मिळाला…हा प्रवास थिएटर पर्यंत रंगत जाणार असं वाटत असतानाच पुन्हा एकदा आपण सारेच कोरोनाच्या विळख्यात अडकलो…आता वेळ आली आहे एकमेकांची काळजी घेण्याची…कोरोनासोबत दोन हात करण्याची…सगळं काही सुरळीत झाल्यावर पुन्हा नव्या जोमाने, आनंदाचा खेळ म्हणजेच झिम्मा खेळुया! सरकारने दिलेल्या आदेशांचे पालन करून आपली आणि आपल्या कुटुंबाची काळजी घेऊया…लवकरच भेटूया, ‘चित्रपटगृहातच!’, असं कॅप्शन सोनालीने हा व्हिडीओ शेअर करताना लिहिले आहे (Sonalee Kulkarni starrer Jhimma movie release postpone due to corona lockdown).
वेगवेगळ्या व्यक्तीमत्वाच्या महिला येणार एकत्र!
बायकांच्या मनात काय सुरु आहे, त्या कधी कशा व्यक्त होतील, याचा थांगपत्ता लागणं जरा कठीणच. अशाच वेगवेगळ्या व्यक्तिमत्वाच्या बायका जेव्हा एकत्र येतात तेव्हा जी धमाल होते, तीच आपल्याला ‘झिम्मा’मध्ये पाहायला मिळणार आहे. ‘झिम्मा’च्या टिझरवरूनच कळतंय चित्रपट किती धमाकेदार असणार आहे. इंग्लंडला फिरायला निघालेल्या या सात जणींचा प्रवास अतिशय रंजक कथा या चित्रपटात दिसणार आहे.
काय आहे चित्रपटाची कथा?
इंग्लंडला जाण्यासाठी नवऱ्याची परवानगी मागणारी बाई, तिथे जाताना घरातील सदस्यांना अनेक सूचना देणारी बाई, बॅग पॅक करताना भांडणं करणारी आई-मुलगी, घरच्यांना खोटं सांगून फिरायला निघालेली बाई, मुलीच्या काळजीपोटी इंग्लंडला जाण्यासाठी द्विधा मनस्थितीत असलेली आई, तर एकीकडे आईची परवानगी न मागता मी फिरायला जात असल्याचे ठासून सांगणारी तरुणी अशा सात वेगवेगळ्या पार्श्वभूमीतून आलेल्या, वेगवेगळ्या विचारांच्या, एकमेकींशी ओळख नसलेल्या या महिलांना त्यांची स्वतःशी आणि इतरांशी एक नवी ओळख करून देणारी ही सफर ठरणार असून ही सफर घडवून आणणार आहे सिद्धार्थ चांदेकर. या सहलीत सिद्धार्थ पास होतो की नापास, हे मात्र चित्रपट पाहिल्यावरच कळेल. मात्र, ‘झिम्मा’ हा अत्यंत सकारात्मक भाव असलेला आणि धमाल, मस्ती, मजा असणारा आणि मनोरंजनाचे एक फुल्ल ऑन पॅकेज देणारा कौटुंबिक सिनेमा आहे.
(Sonalee Kulkarni starrer Jhimma movie release postpone due to corona lockdown)
हेही वाचा :
VIDEO | हात पकडून अनुष्काने विराटला उचललं, कोहलीच्या तोंडून पटकन निघालं…
