Swara Bhasker | आंदोलनात बहरलं प्रेम; स्वरा भास्कर – फहाद अहमदची हटके लव्हस्टोरी
स्वरा बेधडकपणे तिची मतं मांडण्यासाठी ओळखली जाते. त्याचसोबत ती विविध आंदोलनांमध्येही सहभागी होते. अशाच एका आंदोलनात तिची फहादशी पहिली भेट झाली. सोशल मीडियावर पोस्ट केलेल्या या व्हिडीओमध्ये स्वराने तिची लव्ह-स्टोरी उलगडून सांगितली आहे.
मुंबई : अभिनेत्री स्वरा भास्कर सध्या तिच्या लग्नामुळे जोरदार चर्चेत आहे. स्वराने 6 जानेवारी रोजी समाजवादी पार्टीचा नेता फहाद अहमद याच्याशी कोर्ट मॅरेज केलं आहे. या लग्नाचा खुलासा तिने जवळपास 40 दिवसांनंतर सोशल मीडियावर व्हिडीओ पोस्ट करत केला. या दोघांची पहिली भेट, मैत्री, प्रेम ते लग्नापर्यंतचा प्रवास अत्यंत रंजक आहे. स्वरा बेधडकपणे तिची मतं मांडण्यासाठी ओळखली जाते. त्याचसोबत ती विविध आंदोलनांमध्येही सहभागी होते. अशाच एका आंदोलनात तिची फहादशी पहिली भेट झाली. सोशल मीडियावर पोस्ट केलेल्या या व्हिडीओमध्ये स्वराने तिची लव्ह-स्टोरी उलगडून सांगितली आहे.
स्वराने पोस्ट केलेल्या व्हिडीओमध्ये 2019 आणि 2020 मधील आंदोलनांची झलक पहायला मिळतेय. या आंदोलनातच दोघांच्या कहाणीची सुरुवात झाली. या दोघांचा पहिला सेल्फीसुद्धा आंदोलनातीलच आहे. त्यानंतर हळूहळू दोघांचा संपर्क वाढला. मार्च 2020 मध्ये फहादने स्वराला त्याच्या भावाच्या लग्नाचंही आमंत्रण दिलं होतं. मात्र शूटिंगच्या व्यग्र वेळापत्रकामुळे ती लग्नाला जाऊ शकली नव्हती.
या व्हिडीओत पुढे दाखवलं गेलं की गालिब नावाच्या मांजरीमुळे या दोघांमधील नातं अधिक दृढ झालं. हळूहळू व्हिडीओ कॉलवर दोघं एकमेकांशी बोलू लागले आणि या मैत्रीचं रुपांतर प्रेमात झालं. 6 जानेवारी रोजी दोघांनी कोर्ट मॅरेजसाठी कागदपत्रं जमा केली. व्हिडीओमध्ये दोघं कागदपत्रांवर स्वाक्षरी करताना दिसत आहेत.
कोण आहे फहाद अहमद?
फहादचा जन्म 2 फेब्रुवारी 1992 रोजी झाला. त्याने अलिगढ मुस्लिम युनिव्हर्सिटीमधून पदवीचं शिक्षण घेतलंय. 2018 मध्ये टाटा इन्स्टिट्यूट ऑफ सोशल सायन्सेसनं (TISS) केंद्र सरकारच्या शिष्यवृत्तीसाठी पात्र असलेल्या अनुसूचित जाती, अनुसूचित जमाती आणि इतर मागासवर्गीय विद्यार्थ्यांना आर्थिक मदत काढून घेण्याचा निर्णय घेतला होता. त्यावेळी विद्यार्थी संघटनेनं संप पुकारला होता आणि त्या संपात फहाद आघाडीवर होता. त्याने अलिगढ मुस्लिम युनिव्हर्सिटीमधून पदवीचं शिक्षण घेतलंय. विद्यार्थी नेता म्हणून फहादची सुरुवात झाली आणि तो आता समाजवादी पक्षाची युवा शाखा असलेल्या समाजवादी युवजन सभेच्या महाराष्ट्राचा प्रदेशाध्यक्ष बनला आहे.
Sometimes you search far & wide for something that was right next to you all along. We were looking for love, but we found friendship first. And then we found each other! Welcome to my heart @FahadZirarAhmad It’s chaotic but it’s yours! ♥️✨? pic.twitter.com/GHh26GODbm
— Swara Bhasker (@ReallySwara) February 16, 2023
आंदोलनादरम्यान सुरू झालेली कहाणी एका मांजरीच्या माध्यमातून पुढे सरकली आणि दोघं एकमेकांच्या प्रेमात पडले. पुढच्या महिन्यात स्वरा आणि फहाद रितीरिवाजानुसार लग्न करणार असल्याचंही कळतंय.
