तुनिशा शर्मा हिच्या वाढदिवसानिमित्त शीजान खान याच्या बहिणीने शेअर केली भावनिक पोस्ट, मेरा बच्चा…
आत्महत्या करण्याच्या फक्त 15 दिवस अगोदर तुनिशा आणि शीजान यांच्यामध्ये ब्रेकअप झाले होते.
मुंबई : टीव्ही अभिनेत्री दिवंगत तुनिशा शर्मा हिचा आज 21 वा वाढदिवस आहे. तुनिशाने अली बाबा: दास्तान ए काबुल या मालिकेच्या सेटवर गळफास घेत आत्महत्या 24 डिसेंबरला केली. तुनिशाच्या आत्महत्येनंतर तिच्या आईने शीजान खान याच्यावर अत्यंत गंभीर आरोप केले आहेत. शीजान खान आणि तुनिशा शर्मा हे दोघेही अली बाबा: दास्तान ए काबुल या मालिकेमध्ये मुख्य भूमिकेत होते. आत्महत्या करण्याच्या फक्त 15 दिवस अगोदर तुनिशा आणि शीजान यांच्यामध्ये ब्रेकअप झाले होते. आत्महत्येच्या काही मिनिटे अगोदर तुनिशा आणि शीजान खान यांच्यामध्ये बोलणे देखील झाल्याचे सांगितले जातंय.
तुनिशा हिने मालिकेच्या सेटवरील शीजान खान याच्याच मेकअप रूममध्ये गळफास घेतला. ब्रेकअप झाल्यामुळेच तुनिशा शर्मा ही तणावात असल्याचे तिच्या आईने म्हटले आहे. तुनिशाच्या वाढदिवसानिमित्त तिच्या आईने अगोदरच तयारी देखील केली होती.
शीजान खान आणि तुनिशा रिलेशनशिपमध्ये होते. मात्र, तुनिशा ही शीजान खान याच्या कुटुंबालाच आपले कुटुंब मानत होती. शीजान खान याच्या बहिणी आणि त्याच्या आईसोबत देखील तुनिशाचे एकदम चांगले रिलेशन होते.
तुनिशाला तिच्या वाढदिवसानिमित्त सरप्राईज देण्यासाठी शीजान खान याची बहीण फलक नाज हिने अगोदच प्लनिंग केले होते. आज तुनिशाच्या वाढदिवसानिमित्त फलक नाज हिने सोशल मीडियावर एक खास पोस्ट शेअर केलीये.
View this post on Instagram
फलक नाज हिने आपल्या पोस्टमध्ये म्हटले की, टून्नु माझे लेकरू… मी कधीच विचार केला नव्हता की, मला तुला असे विश करावे लागले…तुलाही माहिती होते, अप्पीने प्लाॅन केला होता तुला सरप्राईज देण्यासाठी…
मला आजच्या दिवशी तुला परीच्या कपड्यांमध्ये बघायचे होते आणि तुझा मेकअप करायचा होता. तुला माहिती आहे, माझ्यासाठी टून्नु किती महत्वाची आहे…माझा दिल तुटला आहे…इतका जास्त त्रास कधीच यापूर्वी झाला नव्हता.
तू गेल्यानंतर खूप जास्त त्रास होतोय…मला खरोखरच कळत नाही की मी कोणासाठी प्रार्थना करू…आयुष्य एका अत्यंत वाईट टप्प्यामध्ये आहे…कधीही न पाहिलेले अश्रू, झोप न येणे रात्री…हे सर्व तू पाहात आहेस…
मला हे माहिती आहे, तू माझ्या आसपासच आहेस…मी तुला महसूस करू शकते…आम्ही तुला प्रत्येक दिवशी मिस करतो. शेवटी फलक नाज हिने लिहिले की, हॅप्पी बर्थडे मेरा बच्चा…माझी नन्ही जान…आता शीजान खान याच्या बहिणीची ही पोस्ट व्हायरल होत आहे.
