तारक मेहता का उल्टा चश्मा मालिकेच्या निर्मात्यांनी दिले प्रेक्षकांना चाॅकलेट, दयाबेनच्या पुनरागमनावर मोठा खुलासा

मुंबई : तारक मेहता का उल्टा चश्मा ही मालिका गेल्या काही दिवसांपासून सतत चर्चेत असलेली मालिका आहे. विशेष म्हणजे तब्बल पंधरा वर्षांपासून ही मालिका प्रेक्षकांचे मनोरंजन करताना दिसतंय. मात्र, गेल्या काही दिवसांपासून या मालिकेला कलाकार सोडचिठ्ठी देताना दिसत आहेत. इतकेच नाही तर काही दिवसांपूर्वीच थेट मालिकेचे निर्माता असित कुमाक मोदी यांच्यावर अत्यंत गंभीर आरोप करण्यात आले. दयाबेन अर्थात दिशा वकानी ही देखील काही वर्षांपासून मालिकेत नाहीये. चाहते हे सतत दिशा वकानी हिला मिस करताना दिसत आहेत. दयाबेनच्या पुनरागमनाची वाढ चाहते पाहत आहेत.

दयाबेन मालिकेत येणार असल्याची चर्चा आहे. फक्त चर्चा नाही तर गोकुळधाम सोसायटीच्या सदस्यांनी दयाबेनच्या पुनरागमनाची तयारी देखील सुरू केलीये. मात्र, दयाबेनच्या भूमिकेत इतर कोणी अभिनेत्री की, दिशा वकानी हिच परत येणार याबद्दल फार जास्त काही माहिती ही अजूनही मिळू शकली नाहीये. आता यासंदर्भातील मोठे अपडेट पुढे आलंय.

दयाबेनच्या भूमिकेसाठी निर्माते असित कुमार मोदी यांनी तब्बल 200 जे 300 अभिनेत्रींचे ऑडिशन घेतल्या आहेत. इतकेच नाही तर दयाबेनचे स्वागत करण्यासाठी गोकुळधाम सोसायटीमध्ये नट्टू काका, बागा आणि बावरी हे पोहचले आहेत. यावेळी बावरी थेट म्हणते की, असा आभास होतोय की, दया भाभी आज येणार नाही.

बावरीचे हे बोलणे ऐकून नट्टू काका हे तिला शांत करताना दिसत आहे. मात्र, बावरीच्या बोलण्यातून हे स्पष्ट होत आहे की, लगेचच दयाबेन ही मालिकेत येणार नाहीये. म्हणजेच काय तर नेहमीप्रमाणेच निर्माते यावेळी देखील प्रेक्षकांना चाॅकलेट देताना दिसत आहेत. टीआरपी देखील तारक मेहता का उल्टा चश्मा मालिकेचा कमी झाल्याचे बघायला मिळतंय.

दरवेळी निर्माते येणाऱ्या एपिसोडमध्ये दाखवतात की, दयाबेन ही तारक मेहता का उल्टा चश्मा या मालिकेत दाखल होणार. मात्र, दरवेळी काहीतरी वेगळे कारण हे देण्यात येते. अनेक कलाकारांनी मालिका सोडल्याने मालिकेला याचा चांगलाच फटका कुठेतरी बसल्याचे बघायला मिळतंय. प्रेक्षक सतत दयाबेनच्या पुनरागमनाबद्दल प्रश्न विचारताना दिसत आहेत.