Vijay Deverakonda | 500 रुपयांपासून केली करियरला सुरुवात, आता महिन्याला कमावतो इतके कोटी, संपत्ती हैराण करणारी

मुंबई | 22 ऑगस्ट 2023 : झगमगत्या विश्वात असे अनेक अभिनेते आहेत, ज्यांनी फार कमी कालावधीत स्वतःची ओळख निर्माण केली. सुरुवातीला फार कमी मानधन असलेले काही अभिनेते आज महिन्याला कोट्यवधी रुपये कमावतात. अशाच अभिनेत्यांपैकी एक म्हणजे अभिनेता विजय देवरकोंडा… विजय देवरकोंडा याच्या चाहत्यांची संख्या फक्त भारतात नाही तर, परदेशात देखील फार मोठी आहे. अभिनय क्षेत्रात यश मिळावल्यानंतर अभिनेत्याने स्वतःचा मोर्चा निर्मिती क्षेत्राकडे वळवला… काही वर्षांपूर्वी अभिनेत्याने हैदराबाद येथील जुबली हिल्स याठिकाणी भव्य घर खरेदी केलं. यंग स्टाईल आयकॉन असल्याने, विजय याने २०१८ मध्ये Myntra च्या सहकार्याने राउडी क्लब नावाचे स्वतःचे फॅशन लेबल लाँच केलं.

गेल्या काही वर्षांमध्ये ब्रँडने स्वतःला भारतातील अग्रगण्य स्थानावर पोहोचवलं आहे. एवढंच नाही तर, अभिनेत्याकडे महागड्या गाड्यांचं देखील कलेक्शन देखील आहे. अभिनेत्याकडे मर्सिडीज बेंज GLC (Mercedes Benz) आहे. या कारची किंमत जवळपसा ६८ लाख रुपये आहे. वोल्वो XC90 SUV देखील अभिनेत्याकडे आहे ज्याची किंमत १.३१ कोटी आहे.

एवढंच नाही तर, अभिनेत्याकडे, रेंज रोव्हर (Land Rover Range Rover), फोर्ड मस्टैंग (Ford Mustang) आणि बीएमडब्ल्यू 5-सीरीज (BMW 5-Series) यांसारख्या महागड्या गाड्यांचं कलेक्शन आहे. महागड्या गाड्याच नाही तर, अभिनेत्याकडे स्वतःचं प्रायव्हेट जेट देखील आहे. प्रायव्हेट जेटमधून अभिनेता कुटुंबासोबत फिरायला जात असतो.

एवढंच नाही तर, यावर्षी, विजय देवरकोंडा याने हैदराबाद ब्लॅकहॉक्स व्हॉलीबॉल संघाचा मालक देखील झाला आहे. अभिनेत्याने १६० कोटी रुपयांमध्ये व्हॉलीबॉलची टीम खरेदी केली आहे. पण विजय देवरकोंडा याच्या पहिल्या कमाईबद्दल सांगायचं झालं तर, अभिनेत्याची पहिली कमाई फक्त ५०० रुपये होती.

एका मुलाखतीत अभिनेता म्हणाला, अभिनेता एक ट्यूशन टीचर होता. तेव्हा अभिनेत्याला फक्त ५०० रुपये मिळायचे. त्यानंतर अभिनेत्याने अनेकांना अभिनयाचं प्रशिक्षण देण्याची सुरुवात केली. तेव्हा अभिनेत्याला ३५ हजार रुपये मिळायचे.

२०१३ मधील अभिनेत्याची अंदाजे संपत्ती सुमारे ६५ कोटी रुपये इतकी आहे. याशिवाय तो काही ब्रँड्सची जाहिरातही करतो. ज्यामुळे त्यांच्या उत्पन्नात भर पडते. विजयने करण जोहरच्या ‘लायगर’मधून अनन्या पांडेसोबत बॉलिवूडमध्ये पदार्पण केलं. अभिनेता एका सिनेमासाठी जवळपास १२ कोटी रुपये मानधन घेतो.

विजय देवरकोंडा याच्या आगामी सिनेमाबद्दल सांगायचं झालं तर, अभिनेता लवकरच समंथा रुथ प्रभू हिच्यासोबत ‘खुशी’ सिनेमाच्या माध्यमातून चाहत्यांच्या भेटीस येणरा आहे. सिनेमा १ सप्टेंबर रोजी मोठ्या पडद्यावर प्रदर्शित होणार आहे.