मुस्लीम असून हिंदू पद्धतीनुसार आईवर अंत्यसंस्कार का? अखेर जायेद खानने सोडलं मौन
सुझान खान आणि जायेद खान यांची आई झरीन खान यांचं गेल्या वर्षी नोव्हेंबर महिन्यात निधन झालं होतं. त्या मुस्लीम असून त्यांच्या पार्थिवावर हिंदी रितीरिवाजानुसार अंत्यसंस्कार पार पडण्यात आले होते. यावर अखेर जायेदने मौन सोडलं आहे.
गेल्या वर्षी इंडस्ट्रीतील दिग्गज अभिनेत्री जरीन खान यांचं मुंबईतल्या राहत्या घरी निधन झालं. त्यानंतर त्यांचा मुलगा आणि अभिनेता जायेद खानने हिंदू पद्धतीनुसार त्यांच्या पार्थिवावर अंत्यसंस्कार केले. या अंत्यसंस्काराचे काही फोटो आणि व्हिडीओ सोशल मीडियावर व्हायरल झाल्यानंतर त्यावरून काही नेटकऱ्यांनी प्रश्न उपस्थित केले. मुस्लीम असून हिंदी पद्धतीनुसार का अंत्यसंस्कार केले, असा सवाल नेटकऱ्यांनी केला. त्यावर अखेर जायेदने मौन सोडलं आहे. नुकत्याच दिलेल्या एका मुलाखतीत तो त्याच्या आईची अंतिम इच्छा सांगताना भावूक झाला होता.
‘झूम’ला दिलेल्या मुलाखतीत जायेद म्हणाला, “आमचं कुटुंब धर्माला खूपच खासगी मानतं आणि त्याकडे पाहण्याकडे प्रत्येकाचा दृष्टीकोन वेगळा असतो. कोणतं उत्तम आणि कोणतं वाईट.. असं त्यात नसतं. या अशा गोष्टी आहेत, ज्यावर चर्चा करणं योग्य नाही. आम्ही स्वत:ला एक धर्मनिरपेक्ष कुटुंब मानतो आणि का मानतो हे सांगण्याची गरज मला वाटत नाही.” आईच्या अंतिम इच्छेविषयी खुलासा करताना त्याने त्या दिवसाच्या आठवणींना उजाळा दिला, जेव्हा जरीन खान एका सुंदर नदीकिनारी बसल्या होत्या. त्यावेळी त्यांच्या मनात विचार आला होता की, “जेव्हा मी हे जग सोडून जाईन, तेव्हा माझी राख याच नदीत वाहिली जावी. मला मुक्त व्हायचं आहे.” हा विचार त्यांनी मुलांसमोर मांडला होता.
View this post on Instagram
आईच्या शेवटच्या इच्छेला प्राधान्य देत जायेद स्पष्टपणे म्हणाला, “आपल्या आईची शेवटची इच्छा काहीही असो, ती पूर्ण करणं हे आपलं कर्तव्य आहे. जग काय म्हणतं किंवा लोकांनी कितीही द्वेष पसरवला, तरी त्याने काही फरक पडत नाही. मी त्यांना दोष देत नाही. कारण सध्याची परिस्थितीच तशी आहे. दुर्दैवाने ती बदलायलाही वेळ लागेल. जेव्हा एखाद्याच्या शेवटच्या इच्छेचा प्रश्न येतो, तेव्हा धर्मापेक्षा माणुसकी आणि प्रेम अधिक महत्त्वाचं ठरतं. आमच्या घरात माणुसकी हाच सर्वांत मोठा धर्म आहे.”
यावेळी जायेदने असंही स्पष्ट केलं की, त्यांच्या घरातील नोकरचाकर वेगवेगळ्या धार्मिक, आर्थिक पार्श्वभूमीतून आलेले आहेत आणि त्यांचं कुटुंब केवळ त्यांच्या उदरनिर्वाहाची किंवा जेवणाचीच काळजी घेत नाही, तर त्यांच्या मुलांच्या शिक्षणासाठी आणि भविष्यासाठीही सर्वतोपरी मदत करतं.
7 नोव्हेंबर 2025 रोजी जायेद खान आणि सुझान खान यांची आई जरीन खान यांचं निधन झालं होतं. वयाच्या 81 व्या वर्षी त्यांनी अखेरचा श्वास घेतला होता. त्या पारशी वंशाच्या असूनही जायेदने त्यांच्या अंतिम इच्छेचा आदर करत हिंदू रितीरिवाजानुसार त्यांच्या पार्थिवावर अंत्यसंस्कार केले.
