युद्धात भारतासाठी सर्वात मोठी खुशखबर, इराण-अमेरिका मिळून पाकिस्तानात…होर्मुझचा संघर्ष संपणार?

America Israel Second Meeting : इराणी बंदरांवरील नाकेबंदी कायम राहील, अशी भूमिका अमेरिकेने घेतल्यानंतर आता इराणनेही आक्रमक पवित्रा धारण केला आहे. इराणने पुन्हा एकदा होर्मुझची सामुद्रधुनी बंद केली आहे. इराण आता आपल्या मित्रांच्या जहाजांनाही सामुद्रधुनीतून जाऊ देत नाहीये. इराणने दोन भारतीय जहाजांवर गोळीबार केला. त्यानंतर आता चीनच्या जहाजांनाही त्यांनी परत पाठवले आहे. दरम्यान, आता दोन्ही देशांच्या या भूमिकेमुळे युद्धाचा भडका उडण्याची शक्यता व्यक्त केली जात होती. असे असतानाच आता मात्र एक दिलासा देणारी माहिती समोर आली आहे. मिळालेल्या माहितीनुसार पाकिस्तानच्या इस्लामाबादमध्ये इराण आणि अमेरिका यांच्यात पुन्हा एकदा दुसरी बैठक होणार आहे.

पाकिस्तानमध्ये दुसऱ्या बैठकीचे आयोजन

या बैठकीबाबतची माहिती अमेरिकेचे राष्ट्राध्यक्ष डोनाल्ड ट्रम्प यांनी दिली आहे. त्यांनी दिलेल्या माहितीनुसार येत्या सोमवारी इराण आणि अमेरिकेचे शिष्टमंडळ पाकिस्तानातील इस्लामाबाद येथे पोहोचणार आहे. द्विपक्षीय संघर्ष समाप्त करण्यासाठी या बैठकीत चर्चा होणार आहे. चर्चेची ही दुसरी फेरी असेल, असे ट्रम्प म्हणाले आहेत. पाकिस्तानच्या पुढाकाराने ही बैठक होत असल्याचेही ट्रम्प म्हणाले. यावेळी त्यांनी पाकिस्तानचा लष्करप्रमुख असीम मुनीर याचेही कौतुक केले आहे.

भारतीय जहाजांवरही केला होता गोळीबार

या बैठकीत सहभागी होण्यासाठी अमेरिकेकडून कोण-कोण इस्लामाबादमध्ये जाणार, याबाबत मात्र अमेरिकेने काहीही सांगितलेले नाही. त्याआधी इराणने 18 एप्रिल रोजी होर्मुझच्या सामुद्रधुनीत गोळीबार केला होता. यात भारताच्या दोन जाहाजांनाही इराणने लक्ष्य केलं होतं. सुदैवाने या गोळीबारात कोणीही जखमी झाले नाही. इराणच्या या भूमिकेनंतर अमेरिकेने मात्र आक्रमक पवित्रा धारण केला. इराण शस्त्रसंधीचे उल्लंघन करत आहे. असे वारंवार केले जात असेल तर आम्ही इराणच्या महत्त्वाच्या ठिकाणांवर हल्ला करू, असा इशारा इराणने दिला होता.

पाकिस्तानकडून केली जात आहे मध्यस्थी

दरम्यान, या दुसऱ्या बैठकीसाठीची तयारी केली जात आहे. सर्व तयारी ही शेवटच्या टप्प्यात आहे. या बैठकीआधी पाकिस्तानने इराणमध्ये जाऊन इराणी सरकारशी चर्चा केली होती. इराणचा आक्रमक पवित्रा पाहता ही दुसरी बैठक होणार की नाही, असा प्रश्न उपस्थित केला जात होता. परंतु आता ही दुसरी बैठक होणार असल्याने लवकरच युद्ध समाप्त होण्याचे आशादायी चित्र निर्माण झाले आहे.