TikTok बाबत अमेरिकेचे भारताच्या पावलावर पाऊल, पाहा काय ठेवली अट
भारताने टिकटॉकवर बंदी घातल्याने चीनला मोठा धक्का बसला होता. आता अमेरिका देखील भारताच्या पावलावर पाऊल टाकत आहे. कारण जर कंपनी सरकारच्या निर्णयाविरोधात कोर्टात गेली तर भारताने घातलेल्या बंदीचा संदर्भ देत अमेरिकन सरकार कोर्टात त्यांची बाजू मांडू शकते.
USA Ban TikTok : अमेरिकेत देखील TikTok कंपनी अडचणीत आली आहे. चिनी सोशल मीडिया प्लॅटफॉर्म TikTok वर बंदी घालण्यासाठी अमेरिकेने भारताच्या पावलावर पाऊल टाकले आहे. यूएस फेडरल कम्युनिकेशन्स कमिशनचे (FCC) कमिशनर ब्रेंडन कार यांनी म्हटले आहे की भारताच्या टिकटोक विरोधात निर्णायक पाऊल युनायटेड स्टेट्समधील कायदेशीर कार्यवाहीवर परिणाम करू शकते.
फेडरल कम्युनिकेशन्स कमिशनचे (FCC) कमिशनर ब्रेंडन कार यांनी इकॉनॉमिक टाइम्सला दिलेल्या मुलाखतीत म्हटले आहे की, टिकटॉकवर बंदी घालण्यासाठी भारताने उचललेल्या कायदेशीर पावलांचा अमेरिकन न्यायालयांवर परिणाम होऊ शकतो.असे मानले जाते की यूएस सिनेटने देखील टिकटॉकवर बंदी मंजूर केल्यानंतर TikTok वर लवकरच अमेरिकेत बंदी घातली जाऊ शकते. जर कंपनी या निर्णयाच्या विरोधाक कोर्टात गेली तर सरकार भारताने घेतलेला कायदेशीर निर्णय संदर्भ म्हणून न्यायालयात मांडू शकते.
जो बायडेन यांचे बंदीचे निर्देश
टिकटॉकवर बंदी घालण्याचे निर्देश अमेरिकेचे अध्यक्ष जो बायडेन यांनी दिले आहेत. अध्यक्ष बायडेन यांनी ByteDance ला TikTok US कंपनीला विकणे किंवा पुढील नऊ ते बारा महिन्यांत बंदी घालणे यापैकी पर्याय देणाऱ्या विधेयकावर स्वाक्षरी केली आहे.
एकतर ByteDance ने TikTok अमेरिकन कंपनीला विकावे, नाहीतर बंदीला सामोरे जावे, असे अमेरिकेने म्हटले आहे. बाइटडान्सने म्हटले आहे की, ॲप विकण्याची त्यांची कोणतीही योजना नाही.
TikTok ने मायक्रोब्लॉगिंग प्लॅटफॉर्म X वरील त्याच्या अधिकृत अकाऊंटवर म्हटले आहे की, अमेरिकेत संभाव्य बंदी 170 दशलक्ष अमेरिकन लोकांच्या अभिव्यक्ती स्वातंत्र्याच्या अधिकारांचे उल्लंघन करेल.
भारताने आधीच घातली आहे बंदी
कंपनीकडून त्यांची बाजू मांडण्यासाठी अमेरिकेन संविधानाच्या भाषण स्वातंत्र्य, प्रेस आणि असेंब्लीच्या अधिकाराचे संरक्षण याचा आधार घेऊ शकते. TikTok विरुद्ध भारताची कारवाई अमेरिकेतील कायदेशीर लढाईवर परिणाम करू शकते.
चीनच्या शेजारी असलेल्या भारताने देखील टिकटोक विरुद्ध अशीच कारवाई केली असल्याचे कॅर यांनी नमूद केले आहे, जे यूएस-चीन संबंधांच्या पलीकडे व्यापक चिंतेचे संकेत देते.
TikTok वर बंदी घातलण्यासाठी भारताची भूमिका देखील अमेरिकेत लक्षात घेतली जाऊ शकते. भारताच्या जलद कारवाई अमेरिकेतील टिकटोकच्या बंदीभोवती कथेला आकार देऊ शकते आणि या विषयावर जागतिक दृष्टिकोनावर जोर देते.
