दक्षिण कोरियात मोठी घडामोड, माजी राष्ट्राध्यक्ष आणि फर्स्ट लेडी एकत्र तुरुंगात

दक्षिण कोरियात मोठी घडामोड घडली आहे. माजी राष्ट्राध्यक्ष आणि त्यांची पत्नी माजी फर्स्ट लेडी किम की-योन या दोघांना एकत्र तुरुंगात पाठवण्यात आले आहे. तपास यंत्रणांच्या म्हणण्यानुसार, किम यांच्यावर लक्झरी भेटवस्तू मिळविणे, शेअर बाजारात इनसाइडर ट्रेडिंग आणि राजकीय प्रक्रियेत अवाजवी हस्तक्षेप केल्याचा आरोप आहे. हे प्रकरण विशेष आहे कारण त्यांचे पती, माजी राष्ट्रपती भ्रष्टाचार आणि सत्तेचा गैरवापर केल्याच्या प्रकरणात आधीच तुरुंगात शिक्षा भोगत आहेत. याविषयी पुढे विस्ताराने वाचा.

दक्षिण कोरियाच्या राजकीय इतिहासात मोठे वळण लागले आहे. पहिल्यांदाच देशाचे माजी राष्ट्राध्यक्ष आणि त्यांची पत्नी माजी फर्स्ट लेडी किम की-योन या दोघांना एकत्र तुरुंगात पाठवण्यात आले आहे. लाचखोरी, स्टॉक घोटाळा आणि निवडणुकीत हस्तक्षेप केल्याच्या गंभीर आरोपाखाली न्यायालयाने किम यांना अटक करण्याचे आदेश दिले आहेत.

सेऊल कोर्टाने या अटकेमागील मुख्य कारण म्हणून पुराव्यांशी छेडछाड करण्याची शक्यता व्यक्त केली आहे. तपास यंत्रणांच्या म्हणण्यानुसार, किम यांच्यावर लक्झरी भेटवस्तू मिळविणे, शेअर बाजारात इनसाइडर ट्रेडिंग आणि राजकीय प्रक्रियेत अवाजवी हस्तक्षेप केल्याचा आरोप आहे. हे प्रकरण विशेष आहे कारण त्यांचे पती, माजी राष्ट्रपती भ्रष्टाचार आणि सत्तेचा गैरवापर केल्याच्या प्रकरणात आधीच तुरुंगात शिक्षा भोगत आहेत.

पहिल्यांदाच अशा प्रकारे ही घटना दक्षिण कोरियाच्या राजकारणातील भ्रष्टाचारविरोधी कडक होण्याचे लक्षण असल्याचे विश्लेषकांचे म्हणणे आहे. दक्षिण कोरियात यापूर्वी अनेक माजी राष्ट्राध्यक्षांवर खटले चालवण्यात आले आहेत, पण इतिहासात पती-पत्नी दोघेही एकत्र तुरुंगात जाण्याची ही पहिलीच वेळ आहे.

यामुळे देशाची राजकीय संस्कृती, न्यायपालिकेचे स्वातंत्र्य आणि सत्ताधाऱ्यांच्या उत्तरदायित्वावर गंभीर चर्चा होऊ शकते. आंतरराष्ट्रीय स्तरावर हे प्रकरण खूप चर्चेत आहे, कारण दक्षिण कोरियाची प्रतिमा कठोर लोकशाही आणि पारदर्शक देश आहे. तर विरोधक याला सरकारचा सूड म्हणत आहेत.

याआधीही 2004 मध्ये राष्ट्रपती तुरुंगात गेले होते – रोह मू-ह्यून यांना राष्ट्रपती असताना महाभियोगाला सामोरे जावे लागले. मात्र, नंतर त्यांना पुन्हा सेवेत रुजू करण्यात आले. त्यानंतर 2009 मध्ये भ्रष्टाचाराच्या आरोपांच्या चौकशीदरम्यान त्यांनी आत्महत्या केली.

2008- ली म्युंग-बाक यांना 2018 मध्ये लाच आणि गैरव्यवहारप्रकरणी 15 वर्षांच्या तुरुंगवासाची शिक्षा सुनावण्यात आली. 2022 मध्ये प्रकृतीच्या कारणास्तव त्यांची सुटका करण्यात आली होती.

2017 – पार्क ग्यून-हे यांना भ्रष्टाचार आणि सत्तेचा गैरवापर केल्याबद्दल 25 वर्षांच्या तुरुंगवासाची शिक्षा सुनावण्यात आली. 2021 मध्ये राष्ट्रपतींच्या माफीअंतर्गत त्यांची सुटका करण्यात आली होती.

2023 – मून जे-इनवरील कार्यकाळ संपल्यानंतर भावावर भ्रष्टाचाराचे आरोप झाले, पण स्वत: चौकशी टाळली.