तारीख ठरली! इराण अमेरिका युद्ध संपणार?, थेट या देशात होणार..

इराण आणि अमेरिका युद्धबंदी कराराची पहिली बैठक इस्लामाबादमध्ये झाली. कित्येक तास ही बैठक सुरू होती. मात्र, बैठकीमधून कोणताही तोडगा निघू शकला नाही. जगाचे लक्ष या बैठकीकडे होते. मात्र, शेवटी काहीच मिळाले नाही. नुकताच मिळालेल्या माहितीनुसार, दोन्ही देश पुढच्या आठवड्यात होणाऱ्या युद्धबंदी पूर्वी युद्धबंदी कराराकरिता बैठक घेऊ शकतात. दोन्ही देशांना युद्धबंदी उठण्यापूर्वी समोरासमोर येऊन चर्चा करायची आहे. एसोसिएटेड प्रेसच्या रिपोर्टनुसार, नवीन युद्धबंदी कराराकरिता चर्चा सुरू आहे. मध्यस्थी करणाऱ्या देशांनी मोठा दावा केला. नवीन बैठकीसाठी चर्चा सुरू असल्याचे त्यांनी म्हटले. तेहरान आणि वॉशिंग्टन पुढच्या बैठकीसाठी तयार असल्याचे त्यांनी म्हटले. याबाबत अजून स्पष्ट नाही की, पहिल्या बैठकीत असलेले अधिकारी दुसऱ्या बैठकीत सहभागी होतील.

अमेरिकेच्या अधिकाऱ्यांनी दुसरीही बैठक इस्लामाबादमध्ये घ्यावी, याकरिता शिक्कामोर्तब केल्याची माहिती आहे. यासोबतच जिनेवामध्येही बैठक घेण्यास अमेरिका तयार असल्याचे कळतंय. सध्याच्या घडीला बैठकीची वेळ आणि ठिकाण ठरणे बाकी आहे, पण बैठकीची तारीख ठरली आहे. सूत्रांनी दिलेल्या माहितीनुसार, गुरूवारी ही बैठक होणार आहे.

यादरम्यान युद्धबंदी करारावर चर्चा होईल. सर्वजण युद्धबंदीसाठी प्रयत्न करतील. तारीख बैठकीची ठरली आता फक्त ठिकाण आणि वेळ ठरणे बाकी आहे. नुकताच अमेरिकेने म्हटले आहे की, दुसऱ्या पक्षाने आमच्यासोबत संपर्क साधला आहे. त्यांना करार करायचा आहे. पाकिस्तानचे संरक्षण मंत्री ख्वाजा आसिफ यांनी इराण आणि अमेरिका यांच्यात लवकर चर्चा होईल, असे म्हटले.

शनिवारी 21 तास युद्धबंदीवर इराण आणि अमेरिकेत चर्चा झाली. पण मार्ग निघू शकला नाही. आता या बैठकीतून काही आनंदाची बातमी मिळेल, अशी अपेक्षा जगाला आहे. कोणत्याही परिस्थितीमध्ये युद्ध थांबले पाहिजे, ही जगाची भूमिका आहे. होर्मुज खाडीत अमेरिकेने केलेल्या नाकेबंदीमुळे स्थिती अधिक बिघडताना दिसत आहे. अमेरिकेच्या नाकेबंदीमुळे इराणच्या अर्थव्यवस्थेवर थेटपणे परिणाम होणार आहे. युद्धबंदीच्या होणाऱ्या या बैठकीतून काहीतरी मार्ग निघेल, असे सांगितले जात आहे.