ऐन इराण युद्धात मणिपूर-मिझोरमच्या या लोकांची इस्रायलला रवानगी, थेट तेल अवीवमध्ये एण्ट्री ?

अमेरिका आणि इराणमध्ये भलेही सीजफायर झाली असेल तरी मध्य पूर्वेतील स्थिती अद्यापही धोकादायक आहे. होर्मुझ स्ट्रेटवर इराण आणि अमेरिका सातत्याने टेहळणी करत आहेत. दुसरीकडे इस्रायल आणि लेबनॉनची धुमश्चक्री सुरु आहे. या दरम्यान भारतातील मणिपूर आणि मिझोरमचे २४९ लोक इस्रायलला पोहचले आहेत. हे लोक स्वत:ला इस्रायलच्या लुप्त झालेल्या १० जमातींपैकी एक मानतात. हे मणिपूर आणि मिझोरमचे बनेई मेनाशे समुदायातील सदस्य आहेत.

मेनाशे जमातीचे वंशज

हा इस्रायलच्या सरकारद्वारा समुदायातील सदस्यांना दुसरी जागी पाठवण्याची पहिली बॅच होती. बेनई मेनाशे हे मणिपूर आणि मिझोरमच्या मिझो आणि कुकी आदीवासी समुदायांपैकी एक ज्यू समुदाय आहे. जे स्वत:ला मेनाशे जमातीचे वंशज मानतात. या समुदायातील सुमारे ७,००० सदस्य मणिपूर आणि मिझोरममध्ये राहातात. परंतू काही लोक गेल्या काही वर्षात आधीच इस्रायलला गेले आहेत.

इस्रायलला पाठवूणक झाली

गेल्या काही वर्षात ४,००० बनेई मेनाशेंना इस्रायलला पाठवण्यात मदत केल्याचे शावेई इस्रायलने म्हटले आहे. २००६ मध्ये मोठ्या प्रमाणात स्थलांतर झाले होते. तेव्हा समुदायाचे २१३ सदस्य मिझोरममधून मायग्रेट झाले होते. यानंतर साल २००७ नंतर मणिपूरातून २३३ आणखी लोक स्थलांतरीत झाले होते. तर २०१८ मध्ये ४०० हून जास्त लोक मायग्रेट झाले होते.

स्वतंत्र बजेट राखण्याची घोषणा –

या बॅचला इस्रायली सरकारच्या एका ऑपरेशन अंतर्गत इस्रायलला शिफ्ट केले जात आहे. हे पाऊल इस्रायल केबिनेटने गेल्या नोव्हेंबरमध्ये उचलले होते. तेव्हा त्यांची फ्लाईट, राहाण्याचे ठिकाण, कन्व्हर्जन क्लास, हिब्रु लेसन आणि २०३० च्या अखेरपर्यंत समुदायाच्या सर्व सदस्यांना ट्रान्सपोर्ट करण्याच्या खर्चासह कव्हर करण्यासाठी एक स्पेशल बजेट राखण्याची घोषणा केली होती.

मेनाशे सदस्याने दिला दुजोरा

इंडियन एक्सप्रेसमधील एका बातमीनुसार, इस्रायली कायद्यानुसार बेनेई मेनाशे यांना ज्यू मानले जात नाही आणि त्यामुळे, त्यांच्या इस्रायलमधील स्थलांतरासाठी विशेष परवानगीची आवश्यकता होती. इस्रायलमधील बेनेई मेनाशे संघटना, देगेल मेनाशेच्या एका सदस्याने या सदस्यांच्या आगमनाला दुजोरा दिला आहे.

इस्रायलमध्ये आणखी लोक येणार

या नवीन स्थलांतरितांना उत्तर इस्रायलच्या विविध भागांमध्ये, उदा. नोफ हागालिल आणि किर्यात याम येथे वसवले जाणार आहे. देगेल मेनाशेच्या एका निवेदनात म्हटले आहे, “ही तर केवळ सुरुवात आहे; येत्या काही आठवड्यांत आणखी दोन विमानांमधून एकूण ६०० लोक येण्याची अपेक्षा आहे. यानंतर, या वर्षाच्या अखेरीस आणखी ६०० स्थलांतरित येण्याची अपेक्षा आहे आणि ही मोहीम २०३० पर्यंत सुरू राहील.”