सुपरपावर अमेरिकेला नाही जमलं, आता एक छोटासा देश ज्याला झिडकारलं, तोच आज सौदी, कतर, UAE, बहरीनसाठी बनला रक्षक

मध्य पूर्वेत सुरु असलेल्या युद्धात अमेरिकेचे इराणवर घातक बॉम्ब हल्ले सुरु आहेत. त्यात इराणचं मोठं नुकसान होतय हे मान्य. पण म्हणून अमेरिकेने इराणच पूर्णपणे कंबरड मोडलेलं नाही. अमेरिकेचा जो उद्देश होता तो साध्य झालेला नाही. उलट रणनितीक दृष्टीने अमेरिकेची पिछेहाटच झालेली आहे. कारण इराणकडून आखाती देशांवर हल्ले सुरु आहेत. इराण सलग इतके दिवस अशा प्रकारचे हल्ले करेल याची अमेरिकेला कल्पना नव्हती. त्याशिवाय स्ट्रेट ऑफ हॉर्मुझ इराणने बंद केलय. हा अमेरिकेला रणनितीक आघाडीवर तसा झटकाच आहे. अमेरिकेचं सर्वात मोठ अपयश म्हणजे या युद्धात त्यांना आपल्या आखाती मित्र देशांचा बचाव करता येत नाहीय. तिथल्या तेल रिफायनरीज, विमानतळांवर हल्ले सुरु आहेत.

आता एक छोटासा देश या आखाती देशांच्या मदतीला धावून आलाय. महत्वाचं म्हणजे युद्ध सुरु होण्याआधी या देशाने अमेरिकेलाही मदतीचा प्रस्ताव दिला होता. पण हे काय मदत करणार, या गैरसमजातून अमेरिकेने तो प्रस्ताव धुडकावला. अमेरिकेला आता त्याची किंमत मोजावी लागतेय. या युद्धात इराणसाठी सर्वात घातक आणि प्रभावी अस्त्र ठरलय ते शाहेद ड्रोन. या कमी खर्चिक पर्यायातून इराण आखाती देश आणि अमेरिकेन सैन्य तळांवर हल्ले करतोय. इराणी हल्ल्याची मार झेलणाऱ्या मिडल ईस्टमधील आखाती देशांच्या मदतीसाठी आता युक्रेन पुढे आला आहे.

हे लष्करी अधिकारी आखाती देशांमध्ये ठाण मांडून

युक्रेनचे 200 पेक्षा जास्त लष्करी एक्सपर्ट्स आखाती देशांमध्ये ठाण मांडून आहेत. ते आखाती देशाच्या लष्करांना इराणी ड्रोन हल्ल्यापासून कसा बचाव करायचा? त्यांचे ड्रोन हल्ले कसे परतवून लावायचे? त्याचं प्रशिक्षण देत आहेत. युक्रेनचे राष्ट्राध्यक्ष झेलेंस्की यांनी ही माहिती दिलीय. इंग्लंडच्या संसदेत बोलताना मंगळवारी झेलेंस्की यांनी ही माहिती दिली. 201 ड्रोन विरोधी एक्सपर्ट आखाती देशांमध्ये आहेत आणि अजून 34 रवाना होणार आहेत असं त्यांनी सांगितलं.

अजूनही हे युद्ध सुरु आहे

आमचे लष्करी अधिकारी शाहेद ड्रोन हल्ल्यापासून कसा बचाव करायचा यामध्ये एक्सपर्ट आहेत असं झेलेंस्की म्हणाले. रशियाने युक्रेन विरोधात 2022 साली युद्ध सुरु केलं. अजूनही हे युद्ध सुरु आहे. रशिया या युद्धात इराणी बनावटीच्या कामीकाझे ड्रोन्सचा वापर करत आहे. इराण आता याच ड्रोन्सनी आखाती देश आणि अमेरिकन तळांवर हल्ले करत आहे. त्यामुळे शाहेद ड्रोन्सना कसं संपवायचं, याचा दीर्घ अनुभव युक्रेनकडे आहे. आपल्या याच अनुभवाने ते आता आखाती देशांना मार्गदर्शन करत आहेत.