पीएम मोदींना आता रशियाचा सर्वोच्च नागरी सन्मान, आतापर्यंत 16 देशांनी मोदींचा केलाय सन्मान
पंतप्रधान नरेंद्र मोदी हे रशियाच्या दौऱ्यावर आहेत. यावेळी त्यांना रशियाचा सर्वोच्च नागरी पुरस्कार देऊन सन्मानित करण्यात आलं. रशियाचे राष्ट्राध्यक्ष व्लादिमीर पुतिन यांनी पंतप्रधान मोदींना स्वत:च्या हातांनी पुरस्कार प्रदान केला. द ऑर्डर ऑफ सेंट अँड्र्यू द अपॉस्टल हा रशियाचा सर्वोच्च नागरी पुरस्कार आहे.
रशियाचे राष्ट्राध्यक्ष व्लादिमीर पुतिन यांनी मंगळवारी पंतप्रधान नरेंद्र मोदी यांचा रशियाचा सर्वोच्च नागरी सन्मान ऑर्डर ऑफ सेंट अँड्र्यू द अपॉस्टल देऊन सन्मान केला. पंतप्रधान नरेंद्र मोदी हे दोन दिवसांच्या रशिया दौऱ्यावर आहेत. हा सन्मान 2019 मध्ये घोषित करण्यात आला होता. रशियानंतर पंतप्रधान मोदी दोन दिवसांच्या ऑस्ट्रिया दौऱ्यावर जाणार आहेत. पंतप्रधान नरेंद्र मोदी आणि व्लादिमीर पुतिन यांच्यात द्विपक्षीय चर्चा झाली. दोन्ही नेत्यांमध्ये दहशतवाद, परस्पर सहकार्य आणि शांतता प्रस्थापित करण्यावर चर्चा झाली. याआधी भूतान, इजिप्त आणि फ्रान्ससह अनेक देशांनी पंतप्रधान नरेंद्र मोदींना त्यांच्या सर्वोच्च नागरी सन्मानाने सन्मानित केले आहे.
रशियाचे राष्ट्राध्यक्ष म्हणाले की प्रिय मित्र, या सर्वोच्च रशियन पुरस्काराबद्दल मी तुमचे मनापासून अभिनंदन करतो. तुम्हाला चांगले आरोग्य आणि यश मिळो ही शुभेच्छा. मी भारतातील मैत्रीपूर्ण लोकांसाठी शांतता आणि समृद्धीची इच्छा व्यक्त करतो.
पंतप्रधान मोदींचा दौरा अत्यंत यशस्वी : सर्गेई लावरोव
रशियाचे परराष्ट्र मंत्री सर्गेई लावरोव म्हणाले की, ही भेट खूप यशस्वी झाली. पीएम मोदी आणि राष्ट्राध्यक्ष पुतिन यांनी द्विपक्षीय अजेंडाच्या प्रत्येक पैलूवर चर्चा केली. आंतरराष्ट्रीय परिस्थिती, G-20, BRICS, शांघाय कोऑपरेशन ऑर्गनायझेशन आणि युनायटेड नेशन्समधील आमचे सहकार्य यावर चर्चा झाली, जिथे भारताला सुरक्षा परिषदेचे स्थायी सदस्य होण्यासाठी आम्ही पाठिंबा देतो. दोन्ही देशांमध्ये समन्वय आहे. द्विपक्षीय अजेंडा आणि आंतरराष्ट्रीय धोरणांशी संबंधित मुद्द्यांवर समान समज आहे. मला खात्री आहे की या भेटीमुळे सर्व क्षेत्रांना मोठी चालना मिळेल.
In a special ceremony in St. Andrew Hall in the Kremlin, President of the Russian Federation, Vladimir Putin conferred Russia’s highest national award “The Order of St. Andrew the Apostle” on Prime Minister Narendra Modi for his contribution to fostering India-Russia ties. The… pic.twitter.com/pRsB210p3H
— ANI (@ANI) July 9, 2024
पंतप्रधान मोदींना जगभरातून मिळालेला सन्मान
भूतानचा सर्वोच्च नागरी सन्मान, ऑर्डर ऑफ द ड्रुक ग्याल्पो-2024 पलाऊचा अबाकल पुरस्कार – 2023 फिजीचा सर्वोच्च नागरी सन्मान, ‘कम्पेनियन ऑफ द ऑर्डर ऑफ फिजी’ -2023 पापुआ न्यू गिनीचा सर्वोच्च नागरी सन्मान ‘ग्रँड कंपेनियन ऑफ द ऑर्डर ऑफ लोगोहू’ 2023 इजिप्तचा सर्वोच्च नागरी सन्मान ‘ऑर्डर ऑफ द नाईल’-2023 फ्रान्सचा सर्वोच्च नागरी पुरस्कार ‘लिजन ऑफ ऑनर-2023’ ग्रीसचा दुसरा सर्वोच्च नागरी सन्मान ‘ऑर्डर ऑफ ऑनर’-2023 भूतानचा सर्वोच्च नागरी सन्मान ऑर्डर ऑफ द ड्रुक ग्याल्पो-2021 युनायटेड स्टेट्स ऑफ अमेरिकाचा लीजन ऑफ मेरिट पुरस्कार-2020 ऑर्डर ऑफ सेंट अँड्र्यू अवॉर्ड ऑफ रशिया-2019 मालदीव ऑर्डर ऑफ द डिस्टिंग्विश्ड रलर ऑफ निशान इज्जुद्दीन पुरस्कार-2019 किंग हमाद ऑर्डर ऑफ द रेनेसान्स अवॉर्ड ऑफ बहरीन-2019 UAE ऑर्डर ऑफ झायेद पुरस्कार-2019 सोल शांतता पुरस्कार – 2018 ग्रँड कॉलर ऑफ द स्टेट ऑफ पॅलेस्टाईन पुरस्कार-2018 सौदी अरेबियाचा ऑर्डर ऑफ अब्दुलाझीझ अल सौद पुरस्कार-2016 स्टेट ऑर्डर ऑफ अफगाणिस्तान गाझी अमीर अमानुल्ला खान पुरस्कार-2016
हा पुरस्कारही मोदींच्या नावावर
पहिला फिलिप कोटलर राष्ट्रपती पुरस्कार (2019) बिल अँड मेलिंडा गेट्स फाउंडेशन (२०१९) कडून ग्लोबल गोलकीपर पुरस्कार युनायटेड नेशन्स चॅम्पियन्स ऑफ द अर्थ अवॉर्ड (2018) जागतिक ऊर्जा आणि पर्यावरण नेतृत्व पुरस्कार (2021)
