तिरंगी रंगात न्हाहली संसद, पीएम मोदींच्या कौतुकांनी भरले वर्तमानपत्रांचे रकाने, पंतप्रधानांचा इस्त्रायल दौर्‍याची मोठी उत्सुकता

PM Narendra Modi on Israel Visit : पंतप्रधान नरेंद्र मोदी आज इस्त्रायलच्या दोन दिवसीय दौऱ्यावर जाणार आहेत. पंतप्रधान नरेंद्र मोदी यांच्या स्वागतासाठी इस्त्रायलमध्ये मोठी तयारी सुरू आहे. पंतप्रधान नरेंद्र मोदी हे येत असल्याचे जाहीर करत इस्त्रायलच्या पंतप्रधानांनी मोदी आणि भारत मित्र असल्याचे म्हटले आहे. पीएम मोदी हे दोन दिवसांमध्ये संरक्षण आणि राजकीय संबंधांवर चर्चा करतील. या दौर्‍याच्या पहिल्या दिवशी बुधवारी मोदी एका खासगी मेजवाणी आयोजित करण्यात आली आहे. या वेळी मोदी हे पंतप्रधान नेतन्याहू यांना भेटतील. इस्त्रायलची संसद नेसेटला संबोधित करतील.

नेसेट तिरंगी रंगात न्हाहली

नरेंद्र मोदी यांच्या इस्त्रायल दोल्यापूर्वीच इस्त्रायलची संसद नेसेट भारतीय झेंड्याच्या रंगात न्हाहली. संसदेवर तिरंगी रोषणाई करण्यात आली आहे. नेसेटचे अध्यक्ष आमिर ओहाना यांनी सोशल मीडिया एक्सवर याविषयीची माहिती दिली. तर पंतप्रधान संसदेला संबोधित करणार असल्याने वाद सुरू झाला आहे. इस्त्रायल माध्यमांमध्ये सुद्धा पंतप्रधान नरेंद्र मोदी यांच्या दौऱ्याची चर्चा सुरू झाली आहे. जेरुसलम पोस्टने हिंदीत नमस्ते मोदी असे शीर्षक छापले आहे. अनेक वृत्तपत्रांनी पीएम मोदी यांच्या या दौर्‍याविषयी तोंडभरून कौतुक केले आहे.

विरोधी पक्षाचा वेगळा सूर

येश अतीद पक्षाचे याइर लॅपिड यांच्या नेतृत्वात विरोधी पक्षाने स्पष्ट केले आहे की ते मोदींच्या भाषणासाठी नॅसेटमध्ये हजर राहणार नाहीत. जोपर्यंत सर्वोच्च न्यायालयाचे प्रमुख आयजॅक अमित यांना बोलवण्याची मागणी करण्यात आली आहे. परदेशी नेत्याच्या सन्मानासाठी संसदेचे खास सत्र आयोजित करणे ही सर्वसामान्य बाब आहे. पण नॅसेटच्या अध्यक्षांनी अमित यांना बोलवणे धाडले पाहिजे अशी भूमिका लॅपिड यांनी घेतली. त्यांनी नेतन्याहू यांच्याकडे याविषयीची मागणी केली. त्यामुळे सरकारसमोर पेच निर्माण झाला आहे.

पंतप्रधान नरेंद्र मोदी सच्चे मित्र

विरोधी पक्ष नेते याइर लॅपिड यांनी एक्सवर एक पोस्ट लिहिली आहे, त्यानुसार, सर्व इस्त्रायल पंतप्रधान नरेंद्र मोदी यांच्या स्वागतासाठी उत्सुक आहे. ते इस्त्रायलचे सच्चे मित्र आहेत. इस्त्रायल आणि भारत यांच्यातील संबंध केवळ राजकीय नाहीत तर दोन्ही देशात घनिष्ठ मित्रता असल्याचे लॅपिड यांनी या पोस्टमध्ये म्हटले आहे.

सारा इज़राइल कल प्रधानमंत्री मोदी का स्वागत करने के लिए उत्सुक है। वह इज़राइल के सच्चे मित्र हैं। इज़राइल और भारत के बीच का संबंध केवल एक रणनीतिक संबंध नहीं है, बल्कि राष्ट्रों के बीच गहरी मित्रता का बंधन है।🇮🇱🇮🇳

— יאיר לפיד – Yair Lapid (@yairlapid) February 24, 2026

पंतप्रधान दोन दिवसीय इस्त्रायल दौऱ्यावर

मोदी यांनी 2017 मध्ये इस्त्रायलचा पहिल्यांदा दौरा केला होता. त्यानंतर दोन्ही देशांचे संबंध अधिक दृढ झाली. दोन्ही देशातील व्यापार सातत्याने वाढत आहे. यामध्ये संरक्षण क्षेत्राचा मोठा वाटा आहे. इस्त्रायलकडून अनेक नव्या दमाची शस्त्रास्त्रे भारताला देण्यात आली आहे. तर आता सायबर सुरक्षा, कृषी तंत्रज्ञान आणि पाणी व्यवस्थापन याक्षेत्रातही दोन्ही देशांमध्ये मोठी भागीदारी होणार असल्याचे समोर येत आहे.