AQI
TV9 Network
User
Sign In

By signing in or creating an account, you agree with Associated Broadcasting Company's Terms & Conditions and Privacy Policy.

South Korea News : गदारोळानंतर दक्षिण कोरियाचे राष्ट्राध्यक्ष झुकले, 6 तासांत मार्शल लॉ घेतला मागे, लेटेस्ट अपडेट काय ?

Martial Law in south Korea : दक्षिण कोरियामध्ये राजकीय संकट वाढले. दक्षिण कोरियाचे अध्यक्ष यून सुक येओल यांनी मंगळवारी देशात आणीबाणी मार्शल लॉ लागू करण्याची घोषणा केली होती. मात्र काही तासांच त्यांनी त्यांचा निर्णय बदलत मार्शल लॉ मागे घेण्याची घोषणा केली.

South Korea News : गदारोळानंतर दक्षिण कोरियाचे राष्ट्राध्यक्ष झुकले, 6 तासांत मार्शल लॉ घेतला मागे, लेटेस्ट अपडेट काय  ?
दक्षिण कोरिआत मार्शल लॉ मागे
| Updated on: Dec 04, 2024 | 9:30 AM
Share

जगभरात सध्या अस्थिर वातावरण असून अनेक भागांत युद्धाचे ढग फिरत आहेत. त्यातच दक्षिण कोरियाचे राष्ट्राध्यक्ष युन सुक येओल यांनी मार्शल लॉ लागू करण्याचा त्यांचा निर्णय अवघ्या 6 तासांच्या आतच मागे घेतला. कोरिया हेराल्डच्या रिपोर्टनुसार, देशातील नागरिकांची निदर्शने आणि त्यांचा रोष पाहता राष्ट्राध्यक्षांनी बुधवारी सकाळी ( 4 डिसेंबर 2024) त्यांचा आदेश मागे घेत नॅशनल असेब्लींची विनंती मान्य केली. मार्शल लॉची त्यांची अचानक घोषणा अल्पायुषी होती हेही त्यांनी मान्य केलं.

“मी ताबडतोब नॅशनल असेंब्लीची विनंती स्वीकारत आहे आणि कॅबिनेटद्वारे मार्शल लॉ उठवत आहे,” असे युन यांनी बुधवारी पहाटेच्या सुमारास राष्ट्राला संबोधित करताना सांगितले. “मी लगेचच मंत्रिमंडळाची बैठक बोलावली आहे, पण सकाळची वेळ असल्याने अद्याप कोरम पूर्ण झालेला नाही. कोरम पूर्ण होताच मार्शल लॉ हटवण्यात येईल. त्यांच्या संबोधनानंतर सुमारे अर्ध्या तासानंतर पुन्हा एकदा कॅबिनेट बैठक बोलावण्यात आली आणि मार्शल लॉ हटवण्यास मंजुरी देण्यात आली. लोकांच्या रोषानंतर मागे घ्यावा लागला आदेश

मंगळवारी रात्री राष्ट्राध्यक्ष युन सुक येओल यांनी देशात मार्शल लॉ जाहीर केला. यावेळी त्यांनी विरोधकांवर संसदेवर नियंत्रण ठेवण्याचा तसेच उत्तर कोरियाबद्दल सहानुभूती दाखवण्याचा आणि देशविरोधी कारवाया करुन सरकार पाडण्याचा प्रयत्न केल्याचा आरोप केला होता. मात्र रात्री 10 वाजता हा आदेश जारी केल्यानंतर अवघ्या सहा तासांत, पहाटेच्या सुमारास त्यांनी हा आदेश मागे घेतला. मार्शल लॉ लागू करण्याच्या राष्ट्राध्यक्षांच्या निर्णयानतंर देशभरात बराच गदारोळ झाला. या घोषणेनंतर सेना, विरोधी पक्षाचे खासदार आणि सर्वसामान्य नागरिक रस्त्यावर उतरले. जनतेचा प्रचंड विरोध आणि रोष पाहून अखेर राष्ट्राध्यक्षांना त्यांचा आदेश मागे घ्यावा लागला.

राष्ट्रपतींच्या आदेशाच्या विरोधात विरोधकांचं मतदान

याआधी मंगळवारी संध्याकाळी उशिरा राष्ट्राध्यक्ष यून यांनी “राज्यविरोधी शक्तींचा नायनाट करण्याची” गरज सांगून मार्शल लॉ जाहीर करून संपूर्ण देशाला धक्का दिला होता. या घोषणेनंतर सत्ताधारी आणि विरोधी पक्षांच्या खासदारांनी मंगळवारी पहाटे एकच्या सुमारास विधानसभेचे तातडीचे पूर्ण अधिवेशन बोलावले. यावेळी नॅशनल असेंब्लीमध्ये उपस्थित असलेल्या 190 खासदारांनी राष्ट्राध्यक्ष यून यांच्या मार्शल लॉच्या घोषणेच्या विरोधात मतदान केले. कोरियाच्या मुख्य विरोधी डेमोक्रॅटिक पार्टीसह उदारमतवादी पक्षांने यावेळी नॅशनल असेंब्लीमध्ये बहुतांश जागा जिंकल्या आहेत.

दुसरीकडे मार्शल लॉ मागे घेतल्यानंतर यासाठी तैनात करण्यात आलेले सैनिकही आपापल्या तळावर परतले. दक्षिण कोरियाच्या लष्कराकडून देण्यात आलेल्या माहितीनुसार, बुधवारी पहाटे 4:22 पर्यंत सर्व सैन्य त्यांच्या तळांवर परत आले.

अमेरिकेकडून राष्ट्राध्यक्षांच्या निर्णयाचे स्वागत

दरम्यान या संपूर्ण घडामोडींवर अमेरिकेची नजर आहे. मार्शल लॉ लागू झाल्यानंतर देशात झालेला गदारोळ आणि विरोधकांचं प्रदर्शन यावर अमेरिकेने चिंता व्यक्त केली होती. मात्र राष्ट्राध्यक्षांनी आदेश मागे घेताच अमेरिकेने या निर्णयाचे कौतुक केलं. “अमेरिकेने गेल्या २४ तासांत कोरिया प्रजासत्ताकमधील घडामोडींचे बारकाईने निरीक्षण केले आहे. मार्शल लॉ मागे घेण्याच्या राष्ट्राध्यक्ष यून यांच्या या निर्णयाचे आम्ही स्वागत करतो” अमेरिकेने जारी केलेल्या एका निवेदनात नमूद करण्यात आलं.

Follow Us
पुण्यात अमित शाह आणि देवेंद्र फडणवीस यांची भेट? राजकीय वर्तुळात चर्चां
पुण्यात अमित शाह आणि देवेंद्र फडणवीस यांची भेट? राजकीय वर्तुळात चर्चांना उधाण!
आंबेगावात कामगारांचं बचावकार्य सुरु असतानाच भाजप नेत्यांकडून धक्कादायक
Solapur : आंबेगावात कामगारांचं बचावकार्य सुरु असतानाच भाजप नेत्यांकडून श्रद्धांजलीच्या पोस्ट
कर्जतमध्ये टोरेंट प्रकल्पावरून संघर्षाची ठिणगी! 226 शेतकऱ्यांना...
कर्जतमध्ये टोरेंट प्रकल्पावरून संघर्षाची ठिणगी! 226 शेतकऱ्यांना भूसंपादनाच्या नोटिसा; संजय राऊतांचा इशारा
टायगर श्रॉफ प्रकरणाला नवं वळण; गणेश लांडगेच्या कुटुंबीयांचा खुलासा
टायगर श्रॉफ प्रकरणाला नवं वळण; गणेश लांडगेच्या कुटुंबीयांचा मोठा खुलासा, म्हणाले...
महाराष्ट्र एपस्टीन फाईल्सवरून वाद पेटला! दिग्दर्शक स्वरूप सावंतांनी...
महाराष्ट्र एपस्टीन फाईल्स' चित्रपटावरून वाद पेटला! दिग्दर्शक स्वरूप सावंतांनी अखेर मौन सोडलं, थेट केलं मोठं विधान...
अर्शदीप, सिराज अन् अक्षरची कमाल! भारताने न्यूझीलंडविरुद्ध 22 धावांनी..
IND vs NZ: अर्शदीप, सिराज अन् अक्षरची कमाल! भारताने न्यूझीलंडविरुद्ध 22 धावांनी सामना जिंकला
केंद्रीय गृहमंत्री अमित शाह आणि शरद पवार एकाच मंचावर? कारण काय?
केंद्रीय गृहमंत्री अमित शाह आणि शरद पवार एकाच मंचावर? अजित पवारांच्या पुतळ्याच्या अनावरण सोहळ्यात शरद पवारांना निमंत्रण
कर्जाचे हप्ते थकल्याने मायक्रो फायनान्स कंपनीने शेतमजुराचे घर सील...
कर्जाचे हप्ते थकल्याने मायक्रो फायनान्स कंपनीने शेतमजुराचे घर सील, दुष्काळी परिस्थितीमुळे जीवन विस्कळीत
500 कोटींच्या ऑडिओ क्लिपवरून मनोज जरांगे आक्रमक; थेट बड्या नेत्यांना इ
Manoj Jarange Patil : 500 कोटींच्या ऑडिओ क्लिपवरून मनोज जरांगे आक्रमक; थेट बड्या नेत्यांना इशारा
खासदार शोधा रे, शोधणाऱ्याला बक्षीस... रवी राणा असं का म्हणाले?
खासदार शोधा रे, शोधणाऱ्याला बक्षीस... रवी राणा असं का म्हणाले? अमरावतीतील राजकाणात मोठ्या घडामोडी