भारतीयांसाठी आनंदाची बातमी! डोनाल्ड ट्रम्प यांना अमेरिकेतूनच दणका, H1-B व्हिसाचे थेट..

अमेरिकेचे अध्यक्ष डोनाल्ड ट्रम्प जगाला हादरवणारे निर्णय घेत आहेत. डोनाल्ड ट्रम्प यांनी इराणवर हल्ला करण्याच्या निर्णयासोबतच जगाला धक्का देणारा दुसरा निर्णय घेतला होता. H1-B व्हिसाच्या नियमात त्यांनी मोठा बदल केला. हेच नाही तर व्हिसा नियम कडक केली. बाहेरील देशातील लोक येऊन नोकऱ्या करत असल्याने अमेरिकेत बेरोजगारी वाढत असल्याचा त्यांचा दावा होता. डोनाल्ड ट्रम्प यांनी H-1B व्हिसावर तब्बल 100000 डॉलर्स शुल्क आकारले. डोनाल्ड ट्रम्प  यांच्या या निर्णयाचा सर्वाधिक फटका भारतीय लोकांना बसला. या नवीन नियमामुळे व्हिसाच्या मुलाखतीही पुढे ढकलण्यात आल्या. भारतीय लोक मोठ्या संख्येने अमेरिकेतील आयटी कंपन्यात काम करतात. थेट भारतीय लोकांवर या नवीन नियमाचा परिणाम झाला. एकप्रकारे त्यांनी भारतालाच हा धक्का दिला होता. मात्र, ट्रम्पशाही फार काळ टिकू शकली नाही. डोनाल्ड ट्रम्प यांना नुकताच कोर्टाकडून मोठा दणका देण्यात आला.

सोमवारी 8 जून 2026 रोजी एका अमेरिकी न्यायालयाने ट्रम्प प्रशासनाचे नवीन 100000 डॉलर्सचे H1-B व्हिसावरील शुल्क बेकायदेशीर म्हणते थेट रद्द केले. हा नक्कीच आयटी क्षेत्रात काम करणाऱ्या आणि भारतीय लोकांना मोठा दिलासा म्हणावा लागणार आहे. बोस्टन जिल्हा न्यायालयाचे न्यायाधीश लिओ सोरोकिन यांनी हा निकाल दिला. डोनाल्ड ट्रम्प प्रशासन मागील काही दिवसांपासून H1-B व्हिसाच्या नियमात बदल करत आहे.

20 डेमोक्रॅटिक राज्यांच्या अॅटर्नी जनरलनी, नवीन H1-B व्हिसा अर्जांवर 100000 डॉलर्सचे वार्षिक शुल्क आकारण्याच्या ट्रम्प प्रशासनाच्या निर्णयाला आव्हान देत कोर्टाची धाव घेतली. याच प्रकरणात कोर्टाने हे शुल्क रद्द केले. यामुळे आता डोनाल्ड ट्रम्प H1-B व्हिसावर इतक्या मोठ्या प्रमाणात शुल्क घेऊ शकणार नाहीये.

आयटी क्षेत्रात जे भारतीय लोक अमेरिकेत नोकरी करण्याकरिता जातात, ते सर्वजण याच व्हिसावर जातात. डोनाल्ड ट्रम्प यांनी यापूर्वी अनेकदा म्हटले आहे की, हे लोक अमेरिकेत नोकरी करून त्यांच्या देशात पैसा नेतात. अमेरिकी लोकांच्या नोकऱ्यात खात आहेत. भारतासोबतच चीनचेही लोक मोठ्या प्रमाणावर याच व्हिसावर अमेरिकेत जाऊन नोकऱ्या करतात.