US Tariff: आता भारतावर अमेरिकेचे किती टॅरिफ? काय परिणाम होणार? महागाई भडकणार?
America Tariff on India: अमेरिका आणि भारतात राजकीय तणाव निवळल्यानंतर व्यापारी करार झाला. यामध्ये अतिरिक्त 25 टक्के टॅरिफ हटवले गेले. तर यापूर्वी 7 टक्के टॅरिफ अमेरिकेने कमी केले होते. आता भारतावर अमेरिकेचे किती टॅरिफ आहे? हे तुम्हाला माहिती आहे का?
US India Trade Deal: अमेरिकेने भारतावरील 25 टक्के अतिरिक्त टॅरिफ हटवले. अमेरिकेचे राष्ट्राध्यक्ष डोनाल्ड ट्रम्प यांनी याविषयीची घोषणा केली. ट्रम्प यांच्या निर्णयामुळे भारतीय निर्यातदारांना मोठा फायदा होईल. अमेरिका आणि भारतात व्यापारी करार झाल्याने व्यापार पुन्हा रुळावर आला आहे. हा टॅरिफ ऑगस्ट 2025 मध्ये लावण्यात आला होता. भारताने रशियाकडून इंधन खरेदी न थांबवल्याने अमेरिकेने हे पाऊल टाकले होते. रशिया-युक्रेन युद्धात चीन, भारत आणि इतर देश इंधन खरेदी करून रशियाला आर्थिक मदत पुरवत असल्याचा ट्रम्प यांचा आरोप होता. दरम्यान अतिरिक्त 25 टक्के आणि 7 टक्के असे टॅरिफ कमी झाले आहे. आता भारतावर अमेरिकेचे किती टॅरिफ लागू आहे?
आता भारतावर किती टॅरिफ?
भारतावर अमेरिकेने एकूण 50 टक्के टॅरिफ लावले होते. 25 टक्के टॅरिफ हे रशियाकडून इंधन खरेदी केल्याने लावण्यात आले होते. तर 25 टक्के टॅरिफ हे नियमित श्रेणीतील होते. आता ट्रम्प यांच्या घोषणेनंतर रशियाकडून खरेदी करणाऱ्या इंधनामुळे लावले गेलेले 25 टक्के टॅरिफ पूर्णपणे हटवले आहे. तर नियमीत 25 टॅरिफ लावण्यात आले होते. त्यातील 7 टक्के टॅरिफ कमी झाले आहे. आता भारतावर अमेरिकेडून एकूण 18 टक्के टॅरिफ लावण्यात आलेले आहे.
भारताचे मोठे पाऊल
या घडामोडींवर व्हाईट हाऊसने मोठी प्रतिक्रिया दिली आहे. भारताने निर्णायक पाऊल टाकल्याचा दावा अमेरिकन अधिकाऱ्यांनी केला आहे. अमेरिकेच्या राष्ट्रीय आपत्ती परिस्थिती दूर करण्याचा हा एक प्रयत्न असल्याचे त्यांचे म्हणणे आहे. भारताने हे आश्वासन दिले आहे की प्रत्यक्ष आणि अप्रत्यक्षरीत्या रशियाकडून कोणत्याही प्रकारे इंधन खरेदी करणार नाही, असे अमेरिकन अधिकाऱ्याने सांगितले. तर भारताने अमेरिकेकडून ऊर्जा सयंत्र खरेदीचा विश्वास दाखवल्याचे ते म्हणाले. तर लवकरच दोन्ही देशात संरक्षणाविषयीची नवीन सुरुवात होण्याचे संकेतही त्यांनी दिले.
महागाई भडकणार का?
सध्या केवळ 7 टक्के इतकेच टॅरिफ आणि अतिरिक्त 25 टक्के टॅरिफ हटवले गेले आहे. 18 टक्के टॅरिफ कायम आहे. भारताने रशियाकडून प्रत्यक्ष अथवा अप्रत्यक्ष इंधन खरेदी केल्यास हे टॅरिफ वाढवले जाऊ शकते. दंड ही आकारला जाऊ शकतो. काही दिवस अमेरिकन अधिकारी भारतीय व्यवहारावर आणि उलाढालीवर लक्ष ठेवणार आहे. यादरम्यान सगळं काही अनुकूल वाटल्यास भारतावरील 18 टक्के टॅरिफमध्ये सुद्धा कपात करण्याची शक्यता वर्तवण्यात येत आहे. टॅरिफ 12 टक्क्यांपर्यंत येण्याची शक्यता आहे.
