होर्मुज खाडीबद्दल जगाची झोप उडवणारा खुलासा, डोनाल्ड ट्रम्प यांनी वाढवले जगाचे टेन्शन, थेट..

अमेरिकेचे अध्यक्ष डोनाल्ड ट्रम्प यांनी नुकताच जगाची झोप उडवणारा दावा केला. हेच नाही तर होर्मुज खाडीजवळ नाकेबंदी नक्की का केली, यावरही त्यांनी भाष्य केले. डोनाल्ड ट्रम्प यांनी सोशल मीडियावर पोस्ट शेअर करत लिहिले की, इराणला होर्मुज खाडी बंद करायची नाही, तशी त्यांची इच्छा नाही. ते होर्मुज खाडी खुली करू इच्छितात. कारण प्रत्येक दिवशी 50 करोड डॉलर त्यांना कमाई करायची आहे. होर्मुज खाडी बंद असेल तर त्यांचे मोठे नुकसान होणार. दररोज काही लोक माझ्याजवळ येतात आणि होर्मुज खाडी खुली करण्याबाबत बोलतात. जर आम्ही असे केले तर इराणसोबत कोणताही करार होणे शक्य नाही. मग जोपर्यंत आम्ही इराणला आणि त्यांच्या देशातील सर्व नेत्यांना संपवत नाहीत, तोपर्यंत. होर्मुज खाडी बंद असल्याने 500 मिलियन डॉलरचे इराणचे आतापर्यंत नुकसान झाले.

इराणला वाटते की, आम्ही नाकेबंदी हटवावी, पण सध्याच्या घडीला शक्य नाही. पाकिस्तानचे फील्ड मार्शल असीम मुनीर आणि पंतप्रधान शहबाज शरीफ यांनी सांगितल्यानंतर आम्ही इराणवरील हल्ले रोखण्याचा निर्णय घेतला. युद्धबंदी काही दिवसांकरिता पुढे ढकलली. अमेरिकेने केलेल्या नाकेबंदीनंतर होर्मुज खाडी पूर्णपणे बंद आहे. होर्मुज खाडी पूर्णपणे बंद असल्याने एकच खळबळ उडाली.

अमेरिकेच्या नाकेबंदीपूर्वी थोड्याबहुत प्रमाणात होर्मुज खाडीतून जहाजांची ये-जा सुरू होती. मात्र, अमेरिकेने केलेल्या नाकेबंदीनंतर बंदरातून एकही इराणी जहाज बाहेर पडू शकत नाही. 13 एप्रिल रोजी अमेरिकेने इराणभोवती नाकेबंदी केली. मंगळवारी इस्लमाबादमध्ये बैठकीचे आयोजन करण्यात आले होते. मात्र, बैठकीस येण्यास इराणने नकार दिला. डोनाल्ड ट्रम्प यांच्याकडून काही धमक्या देण्यात आल्या.

शिवाय होर्मुज खाडीत तणाव आहे. अशा वातावरणात चर्चा करणे शक्य नसल्याचे म्हणते इराणने बैठकीस येण्यास नकार दिला. इराण आणि अमेरिका युद्धात पहिल्या दिवसापासून पाकिस्तानची लुडबुड राहिली आहे. स्थिती अधिक भयंकर होत आहे. होर्मुज खाडी बंद असल्याने अनेक देशांमध्ये एलपीजी गॅसची मोठी समस्या आहे. मात्र, अमेरिकेने स्पष्ट केले की, आम्ही नाकेबंदी उठवणार नाहीत.