Snake Blood: या देशातील सैनिक पितात सापाचं रक्त; कारण ऐकून व्हाल हैराण
Snake Blood for Stamina : सापाला जगातील सर्वात घातक प्राणी मानले जाते. पण या देशातील लोक तर सापापेक्षाही खतरनाक आहेत. या देशातील सैनिकच नाही तर सर्वसामान्य सुद्धा सापाचे रक्त पितात. यामागील कारण वाचून तुम्ही सुद्धा हैराण व्हाल.
Snake Blood for Stamina: जगभरात साप दिसला की अनेकांची भंबेरी उडते. साप हा अत्यंत विषारी प्राणी मानल्या जातो. सापाच्या दंशाने जगभरात अनेक लोक मरतात. पण या देशातील लोक सापापेक्षाही खतरनाक आहेत. ते सापाचे रक्त पितात. हे ऐकून किळस येईल, विचित्र वाटेल अथवा तुमचा विश्वासही बसणार नाही. पण स्टॅमिना वाढवण्यासाठी हा खटाटोप करण्यात येतो. इतकेच नाही तर आरोग्यासाठी हे रक्त चांगले मानले जाते. केवळ रक्तच नाही तर सापाच्या त्वचेचा वापरही उपचार पद्धतीत करण्यात येतो. कोणता आहे हा देश?
सैनिकच नाहीच तर सामान्य लोकही पितात रक्त
इंडोनेशियामध्ये हजारो वर्षांपासून परंपरागत उपाचारावर विश्वास करण्यात येतो. या उपचार पद्धतीनुसार, वन्य प्राणी आणि वनस्पती कोणताही आजार बरा करतात असा दावा केला जातो. तर यामध्ये औषधी वनस्पती आणि काही प्राण्यांचा वापर करण्यात येतो. सापाच्या रक्तामुळे त्वचारोग बरा होण्याचा उल्लेख येथे हजारो वर्षांपासून करण्यात येतो. येथील काही उपचार पद्धतीच्या जुन्या पुस्तकात याची माहिती देण्यात आली आहे. इंडोनेशियामध्ये, त्वचेच्या गंभीर आजारावर उपचारासाठी सापाच्या त्वचेपासून लगदा तयार करतात आणि तो जखम अथवा त्वचा विकारात वापरल्या जातो.
सापाच्या त्वचेचा वापर केवळ त्वचा विकारापूरता मर्यादीत नाही. तर आता अनेक गंभीर आजारावर सापाची त्वचा आणि रक्ताचा वापर करण्यात येत आहे. त्यात कॅन्सर सारख्या दुर्धर आजाराचाही समावेश आहे. तर सापाच्या विषाचा उपचारासाठी प्रयोग करण्यात येतो. हृदयरोगात त्याचा वापर करण्यात येतो. याशिवाय सापापासून तयार करण्यात आलेली औषधं दारू पिण्यापूर्वी वापरतात. त्यामुळे यकृतावर कुठलाही परिणाम होत नसल्याचे म्हटले जाते. हे औषध घेतल्यानंतर दारुचा विपरीत परिणाम होत नसल्याचा दावा येथील लोक करतात.
लैंगिक शक्तीसाठी रक्ताचा वापर
पारंपारिक उपचार पद्धतीत सापाचे रक्ताचा वापर लैंगिक शक्तीवर्धक म्हणून होतो. तर त्वचेचा वापर महिलांची त्वचा उजळण्यासाठी करतात. इंडोनेशियाची राजधानी जकार्ता येथे सकाळी 5 वाजेपासून ते रात्री उशीरापर्यंत दुकानांमध्ये सापांचे विष विक्री होते. तर ग्राहकांनी मागणी केल्यावर लागलीच सापाला मारून विष देण्यात येते. याशिवाय येथील लष्कराच्या नियमित जेवणात कोब्राचे रक्त आणि मांस देण्यात येते. त्याचे रक्त ताकद वाढवते असा येथील लोकांचा समज आहे.
किंग कोब्रा रेस्टॉरंट
इंडोनेशियाच्या मुख्य बाजारात किंग कोब्रा रेस्टॉरंट आहे. या रेस्टॉरंटच्या गोदामात अनेक किंग कोब्रा आणि इतर जातीचे साप असतात. इथे सापाची मोठ्या प्रमाणात विक्री होते. सेमारंग, सेरंग आणि तेगल नावाच्या शहरात सापांची विक्री सर्वाधिक होते. तर येथील अनेक हॉटेल्स, रेस्टॉरंटमध्ये सापाच्या मासाची डिश प्रसिद्ध आहे. सोबतच रक्ताची मोठ्या प्रमाणात विक्री होते.
