पुण्यात पुन्हा 2 नववधूंची कौमार्य चाचणी, मुलाचे वडील कोर्टातील निवृत्त अधीक्षक

पुणे: कंजारभाट समाजात पुन्हा एकदा कौमार्य चाचणीचा धक्कादायक प्रकार समोर आला आहे. पुण्यातील दोन नववधूंची कौमार्य चाचणी झाल्याचा आरोप आहे. धक्क्दायक म्हणजे, वराचे वडील नंदुरबार न्यायालयातील निवृत्त अधीक्षक, तर वधूचे काका पुण्यातील एका राजकीय पक्षाचे पदाधिकारी आहेत. कंजारभाट समाजाचे आणि धर्मदाय आयुक्त कार्यलयातील संचालक कृष्णा इंद्रेकर यांनी हा आरोप केला आहे.

मागील महिन्यातही परदेशात उच्च शिक्षण घेऊन आलेल्या वराने वधूची कौमार्य चाचणी घेतल्याचा प्रकार समोर आला होता. आज पुन्हा हा प्रकार समोर आल्याने, कंजारभाट समाजातील कौमार्य चाचणीची अघोरी प्रथा कधी थांबणार असा प्रश्न आहे.

कंजारभाट समाजातील अमानुष प्रथा – कौमार्य चाचणी कौमार्य चाचणी ही कंजारभाट समाजातील एक अत्यंत अमानुष प्रथा आहे. नवरी मुलगी खरी-खोटी ठरवण्यासाठी लग्नापूर्वी किंवा दुसऱ्या दिवशी मुलीची कौमार्य चाचणी केली जाते. कंजारभाट समाजात ही चाचणी सर्वांना बंधनकारक आहे. जात-पंचायत त्याबाबत न्यायनिवाडा करते. जातपंचायतीचे प्रमुख त्याचा निकाल देतात.

नव्या जोडप्याला एका खोलीत पाठवून पांढऱ्या चादरीवर/सफेद कपड्यावर शारीरिक संबंध ठेवण्यास सांगितलं जातं. त्यावेळी दोन्ही कुटुंबातील नातेवाईक खोलीबाहेर असतात. शारीरिक संबंधावेळी रक्तस्त्राव झाला तर मुलगी ‘खरी’ म्हणजेच ती कौमार्य चाचणीत पास झाली म्हणतात. अन्यथा तिला नापास करुन लग्न मोडण्यापर्यंतचा अधिकार मुलाला असतो. जातपंचायत मुलीला आणि तिच्या कुटुंबीयांना शिक्षाही करु शकते. अशी अमानुष आणि जुनाट पद्धत कंजारभाट समाजात आजही पाळली जाते.

संबंधित बातम्या 

खळबळजनक! सुनेच्या कौमार्य चाचणीला पुण्यातील माजी नगरसेवकाची मान्यता  

पुणे : इंग्लंड रिर्टन मुलाने आणि जातपंचायतीने मुलीची ‘कौमार्य चाचणी’ केली