Weight Loss | वजन कमी करताय? या 5 गोष्टी आहारात नक्की समाविष्ट करा!
वजन कमी करण्यासाठी आपण आहारात या ‘5’ खाद्य पदार्थांचा समावेश करू शकता. या पदार्थांमध्ये अत्यंत कमी कॅलरी असल्याने वजन कमी करण्यात ते तुमची मदत करू शकतात.
मुंबई : वजन कमी व्हावे (weight loss), असे आपल्यापैकी बऱ्याच जणांना वाटत असते. जेव्हा वजन कमी करण्याचा विचार केला जातो, तेव्हा अनेकदा हेवी वर्कआउट्स आणि डाएटिंग सल्ला दिला जातो. परंतु, यामुळे आपल्याला स्लिम-ट्रिम बॉडी मिळेलच, असे नाही. तसेच या गोष्टी आपल्या शरीरासाठी हानिकारक देखील ठरू शकतात. अन्नातून आपल्या शरीराला पोषण मिळते, जे आपल्या शरीरास तंदुरुस्त आणि निरोगी ठेवण्याचे कार्य करतात (Food ingredients For weight loss).
वजन कमी करणे म्हणजे शरीरातील कॅलरी कमी करणे आणि खाद्यपदार्थांसह इतर गोष्टींमध्ये संतुलन राखणे. वजन कमी करण्यासाठी आपण आहारात या ‘5’ खाद्य पदार्थांचा समावेश करू शकता. या पदार्थांमध्ये अत्यंत कमी कॅलरी असल्याने वजन कमी करण्यात ते तुमची मदत करू शकतात.
-
पाणी
वजन कमी करण्यासाठी पाणी हे सर्वोत्तम पेय आहे. पाणी आपल्याला केवळ हायड्रेटेडच ठेवतच नाही, तर आपले पोटदेखील भरते. यामुळे बराच काल भूक लागत नाही. शिवाय त्यात कॅलरीही नसतात. याने आपल्या शरीराचा द्राविक समतोल राखला जातो.
-
हिरव्या भाज्या
भोपळा, काकडी, स्क्वॅश सारख्या हिरव्या भाज्यांमध्ये कॅलरीजचे प्रमाण कमी असते. व्हिटामिन-एने समृद्ध हिरव्या भाज्या शरीरातील चयापचय क्रिया सुधारतात आणि पाचक शक्ती वाढविण्यात मदत करतात. त्यामुळे निरोगी आणि तंदुरुस्तच राहते, परंतु वजन कमी करण्यास देखील मदत करते (Food ingredients For weight loss).
-
लिंबूवर्गीय फळे (सिट्रस)
लिंबूवर्गीय फळांमध्ये कमी प्रमाणात कॅलरी आढळतात. त्यामुळे वजन कमी कमी होण्यास मदत होते. सिट्रसमध्ये व्हिटामिन-सी आणि फायबरचे प्रमाण जास्त असते, ज्यामुळे आपल्या पाचन तंत्राची देखील काळजी घेतली जाते. यामुळे आपल्याला फार काळ भूक लागत नाही.
-
ग्रीन टी
अँटीऑक्सिडेंट गुणधर्मांसह समृद्ध, ग्रीन टी रोग प्रतिकारशक्ती वाढविण्यात आणि शरीराचे विविध संक्रमणांपासून संरक्षण करण्यास मदत करतो. ग्रीन टीमध्ये आढळणारे हे अँटीऑक्सिडेंट्स आपल्या शरीरातील अतिरिक्त चरबी कमी करण्यास मदत करतात.
-
आले आणि लसूण
आले आणि लसूण कमी कॅलरीयुक्त पदार्थ आहेत जे प्रत्येक स्वयंपाकघरात सहजपणे आढळतात. हे पदार्थ शरीरातील कोलेस्टेरॉलची पातळी कमी करण्यात देखील मदत करतात. याशिवाय जळजळ आणि मधुमेह यासारख्या जुनाट आजारांवरही उपचार करण्यात मदत करतात.
(Food ingredients For weight loss)
Weight Loss | जेवणानंतर चालल्याने वजन कमी होईल, नवीन संशोधनाचा मनोरंजक निष्कर्ष!https://t.co/COwiyQDlKg#weightloss #walking
— TV9 Marathi (@TV9Marathi) October 15, 2020
