नवीन वर्षाच्या स्वागतासाठी घरीच करत आहात पार्टीचे आयोजन? तर या टिप्स नक्कीच ठरतील फायदेशीर

नवीन वर्ष आता काही दिवसातच सुरू होणार आहे. त्यामुळे नवीन वर्षाचे स्वागत करण्यासाठी अनेक जण सज्ज झाले आहेत. नवीन वर्षाचे स्वागत मोठ्या थाटामाटात आणि उत्साहात करायला सर्वांनाच आवडते. प्रत्येकाला आपापल्या पद्धतीने नवीन वर्ष साजरे करायचे असते. अनेक लोक आपल्या कुटुंबासह बाहेर फिरायला जातात तर काहीजण घरीच नवीन वर्षाचे स्वागत करतात. जर तुम्हीही तुमच्या कुटुंबीयांसोबत किंवा मित्रांसोबत नवीन वर्ष घरी साजरे करण्याचा विचार करत असाल तर हा क्षण अविस्मरणीय बनवण्यासाठी तुम्ही आधीच योग्य नियोजन करू शकतात. तुमच्या घरी नवीन वर्षाची पार्टी आयोजित करताना ही पार्टी अविस्मरणीय बनवण्यासाठी तुम्ही या टिप्स नक्की फॉलो करा.

थीम पार्टी

नवीन वर्षाचे स्वागत करण्यासाठी तुम्ही पार्टी आयोजित करत असाल तर तुम्ही थीम पार्टी आयोजित करू शकता. तुम्ही ब्लॅक अँड व्हाईट, हॉलीवुड ग्लॅमर, विंटर वंडरलँड बॉलीवूड नाईट, ग्लिट्झ अँड ग्लॅम, कॅज्युअल फेस्टिव्ह यासारख्या थीम निवडू शकता. त्यासोबतच पार्टीमध्ये थीमनुसार सजावट, ड्रेस कोड आणि गेम्स तयार करा. पार्टीला अविस्मरणीय बनवण्याचा हा एक चांगला पर्याय असू शकतो.

म्यूजिक आणि डान्स

म्यूजिक आणि डान्स शिवाय कोणतीही पार्टी पूर्ण होत नाही. त्यामुळे चांगल्या स्पीकरची व्यवस्था तुम्ही आधीच करून ठेवा. त्यासोबतच पार्टीमध्ये तुम्हाला कोणते प्रकारचे म्यूजिक हवे आहे याची यादी तयार करू शकता. तसेच ती गाणी डाऊनलोड करा आणि तुमच्या फोनमध्ये सेव्ह करून ठेवा. म्यूजिक आणि डान्स मुळे या पार्टीची मजा द्विगुणित होईल.

डेकोरेशन

पार्टी दरम्यान डेकोरेशन अत्यंत महत्त्वाचे असते. त्यामुळे तुमचे घर सुंदर पद्धतीने सजवा. डेकोरेशन साठी तुम्ही विविध प्रकारचे बल्ब, रंगीबेरंगी लाईट, फुगे वापरू शकतात. याशिवाय तुम्ही कार्डबोर्ड वरती नवीन वर्षाशी संबंधित सजावट करू शकतात. तसेच सेल्फी पॉईंट देखील बनवू शकता.

मूव्ही नाईट

या दिवशी तुम्ही तुमच्या मित्र-मैत्रिणी सोबत किंवा तुमच्या कुटुंबीयांसोबत घरी मूव्ही नाइट देखील करू शकता. हिवाळ्यात तुम्ही घरच्या घरी ब्लॅंकेट खाली बसून मूव्ही पाहण्याचा आनंद घेऊ शकता. यासाठी तुम्हाला कोणताही प्रकारच्या सजावटीची आवश्यकता पडणार नाही. त्यासोबतच तुम्ही बाहेरून जेवण मागवू शकता किंवा घरी आधीच जेवण तयार करून ठेवू शकता. याशिवाय मूव्ही बघताना तुम्ही स्नॅक्स देखील खाऊ शकता.