Pune Lockdown | गटारी दिवशी मटण विक्रीची वेळ वाढवा, पुण्यातील मटण दुकानदारांची मागणी

लॉकडाऊनमुळे मटण दुकानदार आर्थिक अडचणीत आले आहेत. त्यामुळे रविवारी (19 जुलै) मटण दुकानदारांचे आर्थिक नुकसान भरुन निघणार आहे.

Nupur Chilkulwar | Updated on: Jul 15, 2020 | 12:17 AM

पुणे : आषाढी आमावस्या अर्थात गटारीला 19 जुलैला मटण विक्रीच्या (Pune Mutton Shop) वेळेत वाढ करुन देण्यात यावी, अशी मागणी पुणे मटण दुकानदार असोसिएशन आणि भारतीय खाटीक समाजाने केली आहे. येत्या 21 जुलैपासून श्रावण महिना सुरु होत आहे. 20 जुलैला सोमवती आमावस्या आहे. त्यामुळे 19 जुलैला रविवार येत असून आषाढ आमवस्येला मटण विक्री मोठ्या प्रमाणात होते, त्यामुळे त्या दिवशी मटण विक्रीच्या वेळेत वाढ करण्याची मागणी करण्यात आली आहे (Pune Mutton Shop).

TOP 9 | लोकल ते ग्लोबल, सर्व बातम्या एकत्र, पाहा टॉप 9 न्यूज!

गेल्या तीन महिन्यांपासून देशात लॉकडाऊन आहे. सध्या राज्यात अनलॉकची घोषणा केली. मात्र, पुण्यात कोरोना रुग्णांच्या संख्येत दिवसेंदिवस वाढ होत आहे. त्यामुळे पुण्यात पुन्हा लॉकडाऊन घोषित करण्यात आला.

लॉकडाऊनमुळे मटण दुकानदार आर्थिक अडचणीत आले आहेत. त्यामुळे रविवारी (19 जुलै) मटण दुकानदारांचे आर्थिक नुकसान भरुन निघणार आहे. प्रशासनाने रविवारी मटण विक्रीसाठी 8 ते 12 ही वेळ निश्चित केली आहे. ही वेळ वाढवून द्यावी अशी मागणी मटण विक्री करणाऱ्या दुकानदारांनी केली आहे.

यासंदर्भात पुणे मटण दुकानदार असोसिएशन आणि खाटीक समाजाकडून उपमुख्यमंत्री अजित पवार आणि जिल्हा प्रशासनाला निवेदनही देण्यात आले आहे.

पुण्याचे विभागीय आयुक्त दीपक म्हैसेकर होम क्वारंटाईन, ड्रायव्हरला कोरोनाhttps://t.co/BKbfXmLxR4 #Pune #PuneFightsCorona

— TV9 Marathi (@TV9Marathi) July 14, 2020