शिंपी संघटनेने करुन दाखवलं, एका झपाट्यात 3 हजार मास्क शिवले

कोरोनाविरोधात लढण्यासाठी (Shimipi organization distribute mask) आतापर्यंत अनेक दिग्गजांनी आर्थिक मदत जाहीर केली आहे. या लढाईत शिंपी संघटनेकडूनही एक मौल्यवान मदत करण्यात आली आहे.

Chetan Patil | Updated on: Mar 30, 2020 | 6:25 PM

गोंदिया : कोरोनाविरोधात लढण्यासाठी (Shimipi organization distribute mask) आतापर्यंत अनेक दिग्गजांनी आर्थिक मदत जाहीर केली आहे. या लढाईत शिंपी संघटनेकडूनही एक मौल्यवान मदत करण्यात आली आहे. कोरोनाविरोधाच्या लढाईत लढण्यासाठी मास्कदेखील महत्त्वाचे आहेत. कारण मास्कमुळे कोरोनाचा संसर्ग होणार नाही. मात्र, राज्यात मास्कचा तुटवडा आणि काळाबाजार होत असल्याच्या बातम्या समोर येत आहेत. त्यामुळे शिंपी संघटनेने 3 हजार मास्क शिवून गावात मोफत वाटण्याचा निर्धार केला (Shimipi organization distribute mask).

कोरोनाविरोधाच्या लढाईत गोंदिया जिल्ह्यातील अर्जुनी मोरगाव तालुक्याच्या महागावातील शिंपी संघटनेकडून हे पाऊल उचलण्यात आलं आहे. शिंपी संघटनेने 3 हजार मास्क शिवून गावात मोफत वाटून सामाजिक बांधिलकी जपली आहे. महागावचे सरपंच प्रमोद लांडगे यांच्या नेतृत्वाखाली हे समाजकार्य पार पडलं.

गावातील 15 टेलर्सनी एकत्र येऊन मास्क शिवण्याचं काम हाती घेतलं. गावच्या जिल्हा परिषद शाळेत मास्कच शिवणकाम करण्यात आलं. त्यानंतर संपूर्ण गावात मास्कची वाटप करण्यात आली. कोरोनाविरोधात लढण्यासाठी मास्क वापरुन स्वत:चं रक्षण करावं, असा संदेश संघटनेकडून देण्यात आला आहे.

दरम्यान, कोरोनाविरोधात लढण्यासाठी अनेक उद्योगपती आणि विविध क्षेत्रातील दिग्गजांकडून आर्थिक मदत करण्यात आली आहे. उद्योगपती रतन टाटा यांच्या टाटा कंपनी आणि सामाजिक संस्थेकडून एकूण 1500 कोटींची मदत करण्यात आली आहे. तर दुसरीकडे ‘पार्ले जी’ या बिस्किट कंपनीने तीन आठवड्यात तीन कोटी बिस्किट पुडे वाटण्याचा निर्णय घेतला आहे.

कोणाकडून किती मदत?