‘सोनू सर, माझाही वाढदिवस शाहरुख खान सारखा साजरा करा’, चाहत्याच्या अजब मागणीवर सोनू सूद म्हणतो….
एका चाहत्याने ट्विटरवर एक वेगळी इच्छा व्यक्त केली. त्यावर सोनू सूदनेदेखील भन्नाट उत्तर दिलं (Sonu Sood Funny reply to fans demand).
मुंबई : अभिनेता सोनू सूद सध्या सोशल मीडियावर प्रचंड अॅक्टिव आहे. सोनू सूदने लॉकडाऊनदरम्यान शेकडो स्थलांतरित मजुरांना मदत केली. त्याच्याकडे सोशल मीडियाच्या माध्यमातून कुणी कुठलीही मदत मागितली तर तो मदतीला धावून जातो. मात्र, मंगळवारी (3 नोव्हेंबर) एका चाहत्याने ट्विटरवर एक वेगळी इच्छा व्यक्त केली. त्यावर सोनू सूदनेदेखील भन्नाट उत्तर दिलं (Sonu Sood Funny reply to fans demand).
अभिनेता शाहरुख खानने (Shah Rukh Khan) 2 नोव्हेंबरला आपला 55वा वाढदिवस साजरा केला. शाहरुख खानच्या वाढदिवसानिमित्त जगातील सर्वात उंच ‘बुर्ज खलिफा’ या इमारतीवर प्रकाशाच्या सहाय्याने त्याला वाढदिवसाच्या शुभेच्छा देण्यात आल्या. अगदी तशाचप्रकारच्या शुभेच्छा आपल्याही वाढदिवसाला देण्यात याव्या. यासाठी सोनू सूद यांनी मदत करावी, अशी विचित्र मागणी एका चाहत्याने ट्विटरवर केली. त्यावर सोनूने मजेशीर उत्तर दिलं.
“सोनू सर, 5 नोव्हेंबरला वाढदिवस आहे. माझ्या वाढदिवसाचंही अशाचप्रकारे बुर्ज खलिफावर सेलिब्रेशन करुन द्या”, असं एक चाहता ट्विटरवर म्हणाला. या ट्विटला सोनूने भारी उत्तर दिलं. “बस तुमच्या जन्मदिवसाला फक्त 3 दिवसांसाचा उशिर झाला. असो, थोडी मेहनत करा आणि आयुष्यात नाव कमवा. मग बघा बुर्ज खलिफा काय आकाशात तुमचं नाव लिहिलं जाईल”, असं सोनू सूद म्हणाला.
दरम्यान, शाहरुख खानच्या वाढदिवसानिमित्त सोनू सूदने देखील वाढदिवसाच्या शुभेच्छा दिल्या होत्या. सोनूने शाहरुख सोबतचा फोटो शेअर करत शुभेच्छा दिल्या होत्या (Sonu Sood Funny reply to fans demand).
बस आपका जन्मदिन 3 दिन लेट हो गया भाई। ख़ैर थोड़ी से महनत करो और नाम कमाओ ज़िंदगी में फिर देखना bhurj khalifa क्या आसमान पे नाम लिख देगी दुनिया ? https://t.co/tDYteCwVsI
— sonu sood (@SonuSood) November 3, 2020
हेही वाचा : ऑनलाईन अभ्यासासाठी ‘झाडावरची कसरत’, मोबाईल टॉवरसाठी सोनू सूदची मदत!