VIDEO: तेरे संग यारा… टांझानियाच्या तरुणाचे आणखी एक गाणे हीट! लाजवाब लिपसिंक, नेटकरी म्हणाले awesome!
एका आफ्रिकी तरुणाने अक्षय कुमारच्या 'रुस्तम' चित्रपटातील गाण्यावर फिदा होऊन सोशल मिडियावर त्यातील गाण्याचे लिपसिंक शेअर केले आहे. तरुणाचे हावभाव आणि अक्षय कुमारचे हिट गाणे यामुळे सोशल मीडियावर सध्या धमाल उडवून दिलीय. असंख्य लोकांना व्हिडिओ आवडतोय आणि तो वेगाने तो शेअर केला जातोय.
![VIDEO: तेरे संग यारा... टांझानियाच्या तरुणाचे आणखी एक गाणे हीट! लाजवाब लिपसिंक, नेटकरी म्हणाले awesome! VIDEO: तेरे संग यारा... टांझानियाच्या तरुणाचे आणखी एक गाणे हीट! लाजवाब लिपसिंक, नेटकरी म्हणाले awesome!](https://images.tv9marathi.com/wp-content/uploads/2021/12/12211607/song-compressed.jpg?w=1280)
टांझानियातले भाऊ-बहीण सध्या बॉलिवूड चित्रपटांमधील प्रसिद्ध गाण्यांवर लिपसिंक करून इंटरनेट सेंसेशन बनले आहेत. याच मालिकेत आणखी भर घालत भावाने अक्षय कुमारच्या (Akshay Kumar) ‘रुस्तम’ (Rustum) या चित्रपटातील तेरे संग यारा.. (Tere sang Yara) गाण्यावर लिपसिंक करून सोशल मीडियावर (Social media) धमाल उडवली आहे. पाहता पाहता हा व्हिडिओ असंख्य लोकांनी पसंत केलाय. या भावंडांच्या जोडीने सिद्धार्थ मल्होत्रा आणि कियारा आडवाणी यांच्या ‘शेरशाह’ गाण्यातील ‘राता लंबिया’ गाण्यावर लिपसिंक केले होते. त्यानंतर इंटरनेटवर त्यांच्या चाहत्यांची लाटच उसळली आहे.
कोण आहे हा तरुण?
किली पॉल आणि नीमा नावाचे हे आफ्रिकी भाऊ-बहीण आहेत. सोशल मीडियाचे यूझर्स सध्या त्यांच्या तुफ्फान प्रेमात पडलेत. kili_paul नावाने त्यांचे इंस्टाग्राम अकाउंट आहे. त्यावर ते बॉलिवूड चित्रपटातील गाण्यांवर लिपसिंक आणि डान्स करतानाचा व्हिडिओ शेअर करत असता. नुकतेच त्यातील भावाचे एक गाणे खूप व्हायरल होत आहे. अक्षय कुमारच्या ‘रुस्तम’ चित्रपटातील ‘तेरे संग यारा..’ वर लिपसिंक करत त्यांनी हा व्हिडिओ शेअर केला. चला पाहुयात…
View this post on Instagram
या आफ्रिकी भावंडांची लोकप्रियता एवढ्या वेगाने वाढत आहे की, व्हिडिओ शेअर केल्यानंतर केवळ 13 तासातच 31 हजारपेक्षा जास्त यूझर्सनी त्याला लाइक केले. किली आणि नीमा बॉलीवूडच्या गाण्यांवर लिपसिंक करत भारतात लोकप्रिय होत आहेत. भारतीय सोशल मीडिया यूझर्स या जोडीच्या प्रेमात पडले आहेत. नवा व्हिडिओ पाहिल्यानंतर लोक त्यांच्यावर कौतुकाचा वर्षाव करत आहेत.
एका यूझरने कमेंटमध्ये लिहिले, ‘तुम्ही खूप छान काम करत आहात. मला खरोखरच तुमचे व्हिडिओ पहायला आवडतात’. एका महिला यूझरने लिहिले, ‘व्हिडिओच्या शेवटी तुमचे हसणे… हाए…’ एकाने प्रश्न विचारलाय, तुमच्या फोनच्या कॅमेऱ्याची क्वालिटी खूपच छान आहे. कोणता स्मार्टफोन वापरता?
यापूर्वी या भावंडांनी अक्षय कुमार आणि कॅटरीना कैफच्या ‘टिप टिप बरसा पानी’ वर डान्स आणि लिपसिंक केले होते. त्या गाण्यातील जबरदस्त डान्स मूव्ह कॅटरीनाने पाहिल्या असत्या तर तिनेही यांचे खूप कौतुक केले असते.
इतर बातम्या-