Vidarbha Flood | चंद्रपुरातील लाडज गाव महापुराच्या विळख्यात, 1200 ग्रामस्थ रात्रभर पुराच्या छायेत

चंद्रपूर : चंद्रपुरातील पूरग्रस्त लाडज गावातून बोटींच्या साहाय्याने सुमारे पन्नास नागरिकांना हलवण्यात आले आहे (Ladaj Village Flood). राज्य आपत्ती निवारण दलाच्या जवानांसह जिल्हा आपत्ती निवारण पथकाच्या कर्मचार्‍यांना नागरिकांना हलवण्यात यश आलं आहे. मात्र, वायूदलाच्या हेलिकॉप्टरला सध्यातरी बचावकार्यात अपयश आलं आहे. तरीही लाडज गावातील सुमारे 1200 च्यावर नागरिक रात्रभर पुराच्या छायेत असणार आहेत (Ladaj Village Flood).

मध्यरात्रीनंतर गोसेखुर्द प्रकल्पातील विसर्ग थोडा कमी होणार आहे. लाडज गावातून सुटका केलेल्या नागरिकांची ब्रह्मपुरी येथे भोजन-निवासाची व्यवस्था करण्यात आली आहे. पालकमंत्री विजय वडेट्टीवार यांच्यासह वरिष्ठ महसूल आणि पोलीस अधिकारी ब्रह्मपुरीच्या पूरग्रस्त भागात पोहोचले आहेत.

गोसेखुर्द धरणाचे पाणी वेगाने वैनगंगा नदीत येत असल्याने चंद्रपूर जिल्ह्यातील ब्रह्मपुरी तालुक्यातल्या 10 गावांना महापुराने वेढले आहे. यातील लाडज, चिखलगाव, बेलगाव, बेटाळा, पिंपळगाव या गावांमध्ये परिस्थिती अत्यंत बिकट झाली आहे. राज्य आपत्ती निवारण दल, राष्ट्रीय आपत्ती निवारण दल याठिकाणी पुरात अडकलेल्या नागरिकांच्या मदतीसाठी शर्थीचे प्रयत्न करत आहेत (Ladaj Village Flood).

यात सर्वाधिक बिकट परिस्थिती वैनगंगा नदीत बेटस्वरुप असलेल्या लाडज या गावाची आहे. 1300 लोकसंख्या असलेलं हे गाव सध्या महापुराने जलमय झालं आहे. गावात 10 ते 12 फूट पाणी असून हे पाणी वेगाने वाढत आहे. अशा परीस्थितीत या गावातील नागरिकांना महापुरातून बाहेर काढण्यासाठी एकीकडे बोटीच्या सहाय्याने प्रयत्न केले जात आहेत, तर दुसरीकडे वायू दलाच्या हेलिकॉप्टरच्या माध्यमातून लोकांना एयरलिफ्ट करण्याचा प्रयत्न केला गेला. मात्र, तो अयशस्वी ठरला आहे.

दुसरीकडे, बोटीने सुटका झालेल्या नागरिकांना ब्रह्मपुरीच्या डॉ. बाबासाहेब आंबेडकर सभागृहात भोजन आणि निवास व्यवस्था उपलब्ध करुन दिली जात आहे. सध्या सुमारे 50 नागरिकांना लाडज गावातून सुखरुपपणे ब्रह्मपुरी येथे आणण्यात आले आहे. आज रात्री लाडज या गावातील परिस्थिती कल्पनेपेक्षाही वाईट होऊ शकते. प्रशासन परिस्थितीवर नजर ठेवून आहे.

चंद्रपूर, भंडारा, गडचिरोलीत पूर, गोसेखुर्द धरणातून विसर्ग कमी करणार, विजय वडेट्टीवारांची माहितीhttps://t.co/LqyXyF1W25#VidarbhaFlood @VijayWadettiwar

— TV9 Marathi (@TV9Marathi) August 30, 2020

Ladaj Village Flood

संबंधित बातम्या :

Gosekhurd Dam | गोसेखुर्द धरणातून इतिहासातील सर्वाधिक विसर्ग, नदीकाठच्या गावांना अतिसतर्कतेचा इशारा

Maharashtra Rain | राज्यात दमदार पावसाने खडकवासलासह अनेक धरणं भरली, कोणत्या धरणात किती पाणीसाठा?