Corona World News | रशियाची लस माकडांनाही देणार नाही, अमेरिकेने लसीची खिल्ली उडवली
रशियाची लस ही माणसांना तर सोडा, अमेरिकेतल्या माकडांना सुद्धा देणार नाही, अशा शब्दात अमेरिकेनं रशियन लसीची खिल्ली उडवली आहे.
मुंबई : कोरोनामुळे लाखो लोकांना आपला जीव गमवावा लागतो आहे (World Corona Virus News). या आजारावर औषध शोधण्याचं, त्याची चाचणी करुन लवकरात लवकर ते औषध सामान्य माणसांसाठी उपलब्ध करवून देण्याचा प्रयत्न जगातील अनेक देश करत आहेत. भारतातही त्यासाठी मोठे प्रयत्न सुरु आहेत. दरम्यान, रशियाने कोरोनावरील लस सोधल्याचा दावा केला आहे. कोरोनामुळे जगात अनेक मोठे बदल पाहायला मिळत आहेत. याच पार्श्वभूमीवर जगभरात घडत असलेल्या घडामोडींचा एक आढावा (World Corona Virus News)
अमेरिकेकडून रशियाने शोधलेल्या लसीची थट्टा
अमेरिकेने रशियाने शोधलेल्या लसीची थट्टा केली आहे. रशियाची लस ही माणसांना तर सोडा, अमेरिकेतल्या माकडांना सुद्धा देणार नाही, अशा शब्दात अमेरिकेनं रशियन लसीची खिल्ली उडवली आहे. ज्या वेगाने रशियाने लस विकसीत केली. ते अतिशय गंभीर आहे. त्यामुळे रशियाच्या लसीला फार महत्त्व देण्याची गरज नसल्याचंही अमेरिकेने म्हटलं.
लेबनॉनच्या मदतीला भारत धावला
लेबनॉनच्या मदतीला भारत धावला आहे. भारताकडून 58 मेट्रिक टन आपात्कालीन साहित्य लेबनॉनना दिलं गेलं. अमोनियम नायट्रेटचा स्फोट होऊन लेबनॉनमध्ये भीषण हानी झाली. कोरोनामुळे आधीच रुग्णालयं व्यस्त आहेत. त्यात स्फोटामुळे जखमी झालेल्या 4 हजार लोकांवरही उपचार केले जात आहेत.
सामान्य लोकांना वाचता येईल, अशाच अक्षरात प्रिस्क्रिप्शन लिहा, न्यायालयाचे आदेश
सामान्य लोकांना वाचता येईल, अशाच अक्षरात प्रिस्क्रिप्शन लिहा, असे आदेश डॉक्टरांना थेट कोर्टाकडून मिळाले आहेत. ओडिशाच्या उच्च न्यायालयानं हे आदेश दिले आहेत. एका व्यक्तीनं पत्नीची काळजी घेण्यासाठी जामिनासाठी अर्ज केला होता. पुरावा म्हणून संबंधित व्यक्तीनं डॉक्टरांनी दिलेलं प्रिस्क्रिप्शन कोर्टाला दाखवलं. त्यावर लिहिलेला मजकूर वाचणं अशक्य असल्याचं म्हणत कोर्टानं हा अनोखा आदेश दिला. यापुढे डॉक्टरांनी कॅपिटल अक्षरात सर्वांना समजेल अशा अक्षरात औषध लिहून द्यावी, असंही कोर्टानं म्हटलं.
रशियाची कोरोना लस Sputnik V भारतात येण्यास वेळ लागण्याची शक्यता, नेमकं कारण काय?https://t.co/qyQPJ6PcSy #Russia #RussianVaccine
— TV9 Marathi (@TV9Marathi) August 12, 2020
World Corona Virus News
संबंधित बातम्या :
