घर खरेदी करण्यासाठीचे 2025मधील शुभ मुहूर्त कोणते? या तारखांना घर घेतले तर…

प्रत्येकाचं एक स्वप्न असतं. ते म्हणजे हक्काच्या घराचं. आपलं हक्काचं घर असावं. छोटं का होईना पण आपलं असावं. त्यासाठी मग प्रत्येकजण अपार मेहनत करत असतो. आयुष्याची सर्व पुंजी घरात घालवत असतो. ही संपूर्ण पूंजी घरासाठी खर्च केल्यानंतर त्याच्या चेहऱ्यावर जो आनंद निर्माण होतो, तो शब्दात व्यक्त करता येत नाही. गेल्या वर्षी अनेकांनी घरे घेतली. त्यांच्या मनावरचं मोठं ओझं कमी झालं. ज्यांनी गेल्या वर्षी घर खरेदी करता आलं नाही. ते या वर्षी घर खरेदी करण्याचा विचार करत आहेत. पण घर खरेदी करताना शुभ काळ लक्षात घेतला पाहिजे. ज्योतिषशास्त्रानुसार, जर आपण शुभ काळात घर खरेदी केले, तर ते खूप फायदेशीर ठरते. जे लोक शुभ काळात घर खरेदी करतात, त्यांना आर्थिक लाभ होतो आणि त्याच्या घरात सुख आणि शांती नांदते.

शुभ काळ विशेष तिथींवर आधारित

विशेष तिथींवर शुभ काळ असतो. हे तिथी ग्रह आणि नक्षत्रांच्या मांडणीवर आधारित निवडले जातात, असं ज्योतिष शास्त्र सांगतं. नवीन वर्ष 2025 आता सुरू झालंय. अनेक लोक यंदाच्या वर्षात घर खरेदी करण्याचा प्लान करतील. अशा परिस्थितीत, त्यामुळेच या वर्षी म्हणजे 2025मध्ये घर खरेदी करण्यासाठीचा उत्तम काळ कोणता आहे हे जाणून घेऊया.

2025 मध्ये घर खरेदी करण्याचे शुभ दिवस

जानेवारी 2025 :

जानेवारीत घर खरेदी करण्यासाठी एकूण 5 शुभ दिवस आहेत. 16, 17, 23, 24 आणि 31 तारखेला घर खरेदी करणे अत्यंत शुभ ठरेल.

फेब्रुवारी 2025 :

या महिन्यात घर खरेदी करण्यासाठी 7, 13, 14, 20, 21 आणि 28 तारखेला शुभ दिवस आहेत. या महिन्यात एकूण 6 शुभ दिवस आहेत.

मार्च 2025 :

मार्चमध्ये घर खरेदी करण्यासाठी एकूण 7 शुभ दिवस आहेत. 6, 7, 13, 20, 21, 27 आणि 28 तारखेला घर खरेदी करणे शुभ मानलं जातं.

जुलै 2025 :

या महिन्यात घर खरेदी करण्यासाठी 5 शुभ दिवस आहेत. 10, 11, 17, 24 आणि 25 तारखेला घर खरेदी करणे शुभ ठरेल.

ऑगस्ट 2025 :

ऑगस्ट महिन्यात घर खरेदी करण्यासाठी एकूण 6 शुभ दिवस आहेत. 1, 7, 14, 21, 22 आणि 29 तारखेला घर खरेदी करणे शुभ ठरेल.

सप्टेंबर 2025 :

18, 19, 25 आणि 26 या सप्टेंबर महिन्यातील शुभ तारखा आहेत. या दिवशी घर खरेदी केलं जाऊ शकतं.

ऑक्टोबर 2025 :

ऑक्टोबर महिन्यात 16, 17, 23 आणि 24 तारखेला घर खरेदी करणे शुभ ठरेल.या महिन्यात फक्त चारच तारखा आहेत.

नोव्हेंबर 2025 :

नोव्हेंबरमध्ये सहा शुभ दिवस आहेत. 7, 13, 14, 20, 21 आणि 28 तारखेला घर खरेदी करणे शुभ ठरेल.

डिसेंबर 2025 :

डिसेंबर महिन्यात एकूण 5, 11, 17, 19 आणि 26 तारखेला घर खरेदी करणे शुभ ठरेल. या महिन्यात घर खरेदी करण्यासाठी एकूण पाच दिवस शुभ आहेत.

या महिन्यात शुभ काळ नाही…

2025मध्ये मार्च महिन्यानंतर एप्रिल, मे आणि जून महिन्यात घर खरेदीसाठी कोणताही शुभ काळ नाही. कारण या महिन्यांत घर खरेदी करण्यासाठी शुभ मुहूर्त उपलब्ध नाही.

(डिस्क्लेमर : वरील माहिती उपलब्ध स्रोतावरून देण्यात आलेली आहे. याच्या तथ्यांबद्दल आम्ही कुठलाही दावा करीत नाही, तसेच अंधश्रद्धेला दुजोरा देत नाही)