रात्री बाळ का जास्त रडतं? जाणून घ्या यामागची कारणं

आई-बाबा बनणं हे प्रत्येकासाठी जगातील सर्वात सुंदर अनुभव असतं, पण यासोबतच अनेक नव्या जबाबदाऱ्या आणि आव्हानंही येतात. त्यातीलच एक मोठं आव्हान म्हणजे बाळ रात्री वारंवार रडणं. अनेक पालक लाख प्रयत्न करूनही समजू शकत नाहीत की बाळ का रडतंय. “त्याला वेदना होतायत का?”, “भूक लागलीये का?”, “वाईट स्वप्न पडलंय का?” असे अनेक प्रश्न डोक्यात येतात. खरं तर, बाळ बोलू शकत नाही, त्यामुळे ते भूक, वेदना, घाबरणं किंवा अस्वस्थता रडूनच व्यक्त करतं. पण जर तुमचं बाळ सतत रडत असेल, तर ही साधी गोष्ट नसून यामागे खोलवरची कारणं असू शकतात.

रात्री बाळ रडण्याची प्रमुख कारणं

1. भूक लागणं किंवा पोट न भरलेलं असणं

नवजात बाळांचं पोट लवकर रिकामं होतं. त्यामुळे त्यांना साधारण प्रत्येक 2-3 तासांनी दूध लागतं. जर बाळ झोपताना भुकेलं असेल, तर ते रात्री अस्वस्थ होऊन रडू लागतं.

2. गॅस किंवा पोटदुखी

लहान बाळांमध्ये गॅस होणं ही खूप सामान्य समस्या आहे. पण त्यामुळे त्यांना पोटात मुरडा येतो आणि ते रडतं.

3. डायपर

ओल्या डायपर, खाज किंवा रॅशेसमुळे बाळ खूप अस्वस्थ होतं आणि रात्री उठून रडू लागतं.

डायपर बदलल्यावर बाळ शांत होतं

रॅशेसच्या भागाला हात लावल्यावर रडायला लागतं

4. झोपेत घाबरणं किंवा वाईट स्वप्न

3 महिन्यांपेक्षा मोठ्या बाळांमध्ये झोपेत घाबरणं किंवा वाईट स्वप्नं पडणं हीसुद्धा कारणं असू शकतात. ही तात्पुरती समस्या असते आणि वेळेनं कमी होते.

बाळ डोळे मिटून रडतं

गोद घेतल्यावर काही मिनिटांत शांत होतं

5. खूप उष्णता किंवा थंडी

बाळाचं खोलीचं तापमान जास्त थंड किंवा गरम असल्यास, किंवा कपडे खूप घट्ट/सैल असतील, तर ते अस्वस्थ होऊन रडू लागतं.

खोलीचं तापमान संतुलित ठेवा

हलके आणि आरामदायक कपडे घाला

पालकांनी काय करावं?

1. बाळाचं खाणं आणि झोपण्याची वेळ नियमित ठेवा

2. खोलीत योग्य तापमान ठेवा आणि हवेशीर ठेवा

3. डायपर वेळेत बदला आणि रॅशेससाठी योग्य क्रीम वापरा

4. बाळ खूप रडत असेल आणि शांत होत नसेल, तर तज्ञ डॉक्टरांचा सल्ला घ्या

( डिस्क्लेमर : या आर्टिकलमध्ये देण्यात आलेली माहिती व उपाय हे सामान्य ज्ञानावर आधारित आहेत. आमचा याला दुजोरा नाही. ते अवलंबण्यापूर्वी तज्ज्ञांचा सल्ला जरूर घ्यावा.)