Hair Conditioner: अंघोळीच्या अर्धा तास आधी केसांना लावा या 3 गोष्टी, महागडे कंडिशनर सुद्धा यासमोर फेल!

मुंबई: केस गळण्याच्या समस्येवर मात करण्यासाठी तुम्ही महागडे शॅम्पू, हेअर मास्क किंवा ट्रीटमेंट घेता. पण या सर्व पद्धती महागड्या आहेत तसेच केमिकल्सने समृद्ध आहेत. ज्याचा तुमच्या केसांवर काही विशेष परिणाम दिसून येत नाही. आज आम्ही तुमच्यासाठी हेअर कंडिशनर बनवण्याची पद्धत घेऊन आलो आहोत. दही, मोहरीचे तेल आणि लिंबाचा रस अशा स्वयंपाकघरात असलेल्या वस्तूंच्या मदतीने हे कंडिशनर तयार केले जाते. या तीन गोष्टी आपल्या केसांना खोलवर पोषण देतात. याने आपले केस मजबूत, मुलायम आणि चमकदार बनतात, तर चला जाणून घेऊया घरगुती हेअर कंडिशनर कसे बनवायचे.

घरगुती हेअर कंडिशनर बनविण्यासाठी लागणारे साहित्य

• दही
• मोहरीचे तेल दोन चमचे
• लिंबाचा रस एक किंवा अर्धा चमचा

घरगुती हेअर कंडिशनर कसे बनवावे?

• घरगुती हेअर कंडिशनर तयार करण्यासाठी, आपण प्रथम एक वाटी घ्या.
• नंतर त्यात दही, दोन चमचे मोहरीचे तेल आणि एक-अर्धा चमचा लिंबाचा रस घाला.
• यानंतर या तिन्ही गोष्टी नीट फेटून सॉफ्ट क्रीमी पेस्ट तयार करा.
• आता तुमचा होममेड हेअर कंडिशनर तयार आहे.

घरगुती हेअर कंडिशनर कसे वापरावे?

• घरगुती हेअर कंडिशनर लावण्यापूर्वी, आपल्या केस विंचरा.
• मग तयार केलेली पेस्ट केसांच्या मुळापासून लांबीपर्यंत चांगली लावा.
• यानंतर एकतर केस नीट बांधू शकता किंवा टोपीने झाकून घेऊ शकता.
• मग ही पेस्ट केसांमध्ये कमीत कमी अर्धा ते 1 तास ठेवा.
• यानंतर आधी पाण्याच्या मदतीने आणि नंतर माइल्ड शॅम्पूच्या मदतीने केस धुवावेत.

(डिस्क्लेमर: येथे दिलेली माहिती घरगुती उपचार आणि सामान्य माहितीवर आधारित आहे. आम्ही याला दुजोरा देत नाही.)