AQI
TV9 Network
User
Sign In

By signing in or creating an account, you agree with Associated Broadcasting Company's Terms & Conditions and Privacy Policy.

उन्हाळ्यात थंडावा हवाय? ‘या’ फुलांचा नैसर्गिक ज्यूस ठरेल परफेक्ट उपाय!

उन्हाळ्याच्या या दिवसांत बाजारात मिळणाऱ्या कृत्रिम पेयांपेक्षा बुरांश ज्यूस हा एक चविष्ट, आरोग्यदायी आणि स्थानिक उत्पादनांना प्रोत्साहन देणारा पर्याय आहे.

उन्हाळ्यात थंडावा हवाय? 'या' फुलांचा नैसर्गिक ज्यूस ठरेल परफेक्ट उपाय!
Image Credit source: tv9 marathi
साक्षी कणसे
साक्षी कणसे | Edited By: | Updated on: Apr 12, 2025 | 9:58 PM
Share

उन्हाळा सुरू झाला की थंडपाण्याचे ग्लास, कुल्फी, आईस्क्रीम, लस्सी आणि विविध फ्रूट ज्यूसचा मोह टाळणं कठीण होतं. पण यंदा आरोग्यसंपन्न आणि नैसर्गिक पर्याय शोधत असाल, तर बागेश्वर जिल्ह्यात मिळणारा बुरांश फुलांचा रस तुमच्यासाठी खास ठरू शकतो. हिमालयीन प्रदेशात फुलणाऱ्या या बुरांश फुलांपासून बनवलेला रस शरीरासाठी अनेक प्रकारे फायदेशीर असून, स्थानिक महिलांचा रोजगारही वाढवणारा आहे.

फुलांपासून बनलेला खास ज्यूस

बुरांश हे उत्तराखंडमध्ये आढळणारे एक सुंदर, लालसर फुल आहे. फक्त काही काळासाठीच फुलणाऱ्या या फुलांपासून बनवलेला रस ‘बुरांश ज्यूस’ या नावाने ओळखला जातो. हा रस तयार करण्यासाठी कोणत्याही प्रकारचे रसायन, कृत्रिम गोडवा किंवा संरक्षक वापरले जात नाहीत. त्यामुळे तो पूर्णतः नैसर्गिक आणि आरोग्यदायी आहे.

बागेश्वरच्या सारस मार्केटमध्ये महिला बचतगटाच्या सदस्यांनी हा रस तयार करण्याची जबाबदारी उचलली आहे. या महिलांनी पारंपरिक पद्धतीचा वापर करून बुरांश रसाचे उत्पादन सुरू केले असून, तो सध्या १२० रुपये प्रतिलिटर दराने विकला जातो. रसाच्या दोन प्रकारांची निर्मिती केली जाते – एक शुगर फ्री आणि दुसरा थोड्या गोडव्यासह. त्यामुळे मधुमेही आणि आरोग्य जागरूक ग्राहकांसाठी ही उत्तम निवड आहे.

बुरांश ज्यूसचे आरोग्यदायी फायदे

रेखा देवी या स्थानिक महिलांनी एका वृत्त वाहिनिला  दिलेल्या माहितीनुसार, बुरांश ज्यूसमध्ये नैसर्गिक अँटीऑक्सिडंट्स भरपूर प्रमाणात असतात. यामुळे हृदय निरोगी राहते, रक्तदाब नियंत्रणात राहतो आणि शरीरातील विषारी घटक बाहेर टाकले जातात. उन्हाळ्यात डिहायड्रेशन होण्याचा धोका मोठा असतो. अशा वेळी हा रस शरीरात ऊर्जा निर्माण करतो आणि थंडावा देतो.

याशिवाय, हा रस पाचनक्रिया सुधारतो, त्वचेला तेजस्वी बनवतो आणि केसांच्या आरोग्यासाठीही फायदेशीर ठरतो. इम्युनिटी वाढवण्यासाठी बुरांश रसाचे सेवन नियमित केल्यास फायदे लवकरच जाणवतात.

स्थानिक महिलांना आर्थिक उत्पन्न

बुरांश ज्यूस फक्त आरोग्यासाठी नाही, तर स्थानिक अर्थव्यवस्थेसाठीही महत्त्वाचा ठरत आहे. महिलांच्या बचतगटांनी हे उत्पादन हातात घेतल्यामुळे त्यांना घरबसल्या रोजगार मिळतोय. यामुळे त्यांच्या उत्पन्नात वाढ झाली असून, सामाजिकदृष्ट्याही त्यांना नवी ओळख मिळते आहे.

बागेश्वरच्या मुख्य बाजारपेठेपासून अगदी काही मिनिटांच्या अंतरावर असलेल्या सारस मार्केटमध्ये हा रस सहज उपलब्ध आहे. पर्यटक आणि स्थानिक दोघांनाही या रसाची चव घेण्याची संधी आहे. उन्हाळ्याच्या उकाड्यात, नैसर्गिक थंडावा देणारा आणि शरीरासाठी उपयुक्त ठरणारा हा पेय पर्याय नक्कीच ट्राय करून पाहावा.

उन्हाळ्याच्या या दिवसांत बाजारात मिळणाऱ्या कृत्रिम पेयांपेक्षा बुरांश ज्यूस हा एक चविष्ट, आरोग्यदायी आणि स्थानिक उत्पादनांना प्रोत्साहन देणारा पर्याय आहे. निसर्गाचा हा गोड आणि ताजातवाना आशीर्वाद अनुभवण्यासाठी बागेश्वरच्या या खास जागेला एक भेट देणं नक्कीच फायदेशीर ठरेल.

Follow Us
सैराटमधील आर्ची-परश्याच्या गाजलेल्या विहिरीने गाठला तळ; 50 फुटांची....
Solapur : सैराटमधील आर्ची-परश्याच्या गाजलेल्या विहिरीने गाठला तळ; 50 फुटांची विहीर कोरडीठाक सोलापुरातील दुष्काळाचं भीषण वास्तव समोर
व्यापाऱ्यांच्या इशाऱ्यानंतर लक्ष्मी रस्त्यावरील अतिक्रमण कारवाई थांबली
Pune Laxmi Road : व्यापाऱ्यांच्या इशाऱ्यानंतर लक्ष्मी रस्त्यावरील अतिक्रमण कारवाई थांबली; पुणे बंदचा इशारा ठरला प्रभावी
सूचना देऊनही निर्णय वेगळा घेतला; शिवेंद्रराजे भोसले नेमकं काय म्हणाले?
Shivendraraje Bhosale : सातारा जिल्हा बँकेच्या निवडीवरून महायुतीत मतभेद? सूचना देऊनही निर्णय वेगळा घेतला; शिवेंद्रराजे भोसले नेमकं काय म्हणाले?
महाराष्ट्र एपस्टीन फाईल्स चित्रपटाचा वाद कोर्टात; प्रदर्शनही पुढे ढकलल
Maharashtra Epstein Files : महाराष्ट्र एपस्टीन फाईल्स चित्रपटाचा वाद कोर्टात; प्रदर्शनही पुढे ढकललं
सातारा जिल्हा बँकेच्या निवडणुकीवरून महायुतीत नाराजी? बावनकुळेंनी....
Chandrashekhar Bawankule : सातारा जिल्हा बँकेच्या निवडणुकीवरून महायुतीत नाराजी? चंद्रशेखर बावनकुळेंनी स्पष्टच सांगितलं, म्हणाले?
प्रभादेवीतील संत रोहिदास चाळीवरील कारवाई थांबली; एकनाथ शिंदेंच्या....
Prabhadevi : प्रभादेवीतील संत रोहिदास चाळीवरील कारवाई थांबली; उपमुख्यमंत्री एकनाथ शिंदेंच्या मध्यस्थीनंतर रेल्वे प्रशासनाचा निर्णय
मोठी बातमी! प्रभादेवीतील संत रोहिदास चाळीवर रेल्वेची कारवाई, 100...
मोठी बातमी! प्रभादेवीतील संत रोहिदास चाळीवर रेल्वेची कारवाई, 100 कुटुंबे बेघर होण्याच्या भीतीने रस्त्यावर!
ओडिशाच्या किनारपट्टीवर अम्फान चक्रीवादळाचा तडाखा; 3 लाखांहून अधिक...
ओडिशाच्या किनारपट्टीवर अम्फान चक्रीवादळाचा तडाखा; 3 लाखांहून अधिक नागरिकांचे सुरक्षितस्थळी स्थलांतर!
शिवसेना पक्ष चिन्ह सुनावणीबाबत संजय राऊतांचं मोठं विधान, सरकार स्थिर..
शिवसेना पक्ष चिन्ह सुनावणीबाबत संजय राऊतांचं मोठं विधान, सरकार स्थिर राहणार असे...
लोणावळ्यातील 4 नामांकित हॉटेल्सवर FDAची मोठी कारवाई; थेट परवाने...
Pune FDA : पुण्यातील 4 नामांकित हॉटेल्सवर FDAची धाड; थेट केली कारवाई...