स्वयंपाकघरात उपलब्ध ‘या’ गोष्टींनी घरच्या घरी अशा पद्धतीने करा फेशियल, चेहरा दिसेल एकदम चमकदार

रोजच्या धकाधकीच्या जीवनात अनेक महिलांना स्वत:कडे लक्ष द्याला वेळ मिळत नाही. तसेच सुंदर आणि चमकदार त्वचेसाठी महिलांना सतत पार्लरमध्ये जाऊन फेशियल करायला वेळ मिळत नाही. अशावेळी अनेक महिला या घरगूती उपाय करण्याला अधिक प्राधान्य देतात. त्यामुळे स्वयंपाकघरात असलेल्या या गोष्टींचा वापर करून अगदी सहज सोप्या पद्धतीने फेशियल करता येते. कारण घरगुती आणि नैसर्गिक पद्धतीने केलेले फेशियल त्वचेचे आतून सौंदर्य वाढवतात, याशिवाय खराब झालेली त्वचेची गुणवत्ता आणि रंग सुधारण्यासाठी मदत होते. चला तर मग आजच्या लेखात आपण स्वयंपाकघरात उपलब्ध असलेल्या गोष्टींनी घरच्या घरी फेशियल करण्याचे सोपी पद्धत जाणून घेऊयात.

घरी फेशियल करण्याचे सोपे मार्ग

1.क्लींजिंग-

फेशियलची सुरुवात नेहमी चेहरा स्वच्छ करण्याने होते. यासाठी कच्च्या दुधाचा वापर करा. कापसाचा बोळा घेऊन दुधात भिजवून संपूर्ण चेहऱ्यावर लावा. यामुळे तुमची त्वचा खोलवर स्वच्छ होईल आणि सर्व घाण व मळ निघून जाईल.

2. डेड स्किन

मृत त्वचेच्या पेशी हे चेहऱ्यावरील चमक कमी होण्याचे सर्वात मोठे कारण आहे. त्या काढून टाकण्यासाठी अर्धा चमचा साखर आणि थोडे मध एकत्र मिक्स करा. हे मिश्रण चेहऱ्यावर लावून 2-3 मिनिटे हळुवारपणे मसाज करा. साखर स्क्रबचे काम करेल आणि मध तुमची त्वचा मऊ करेल.

3. चेहऱ्याचा मसाज

मसाजसाठी तुम्ही त्वचेवर कोरफडीचा गर किंवा पपईचा गर वापरू शकता. यापैकी कोणताही गर चेहऱ्यावर लावा आणि 5 मिनिटे वरच्या दिशेने हलक्या हाताने मालिश करा. यामुळे रक्ताभिसरण वाढेल आणि तुमच्या चेहऱ्यावर नैसर्गिक गुलाबी चमक येईल.

4. फेस पॅक

शेवटी एक उत्तम फेस पॅक लावा. एका वाटीत बेसन, चिमूटभर हळद आणि दही एकत्र करून पेस्ट बनवा. ती चेहऱ्यावर 15 मिनिटे लावून ठेवा आणि नंतर थंड पाण्याने धुवा.

अशा प्रकारे नैसर्गिक गोष्टींचा वापर करून तुम्ही घरच्या घरी फेशियल केल्याने नैसर्गिकरित्या त्वचेला चमक मिळते. तसेच घरगूती उपाय केल्याने त्वचेवर याचा कोणताही दुष्परिणाम होत नाही. अशातच ज्यांची त्वचा संवेदनशील आहे त्यांनी हे उपाय करताना पॅच टेस्ट करावा.

( डिस्क्लेमर : या आर्टिकलमध्ये देण्यात आलेली माहिती व उपाय हे सामान्य ज्ञानावर आधारित आहेत. आमचा याला दुजोरा नाही. ते अवलंबण्यापूर्वी तज्ज्ञांचा सल्ला जरूर घ्यावा.)