Immunity Booster : ओवा, मिरपूड, तुळशीचे खास पेय प्या आणि रोगप्रतिकारक शक्ती वाढवा !

मुंबई : जर आपल्याला कोरोनापासून दूर राहिचे असेल आपली रोगप्रतिकारक शक्ती मजबूत असणे खूप आवश्यक आहे. कोरोना काळात आपली रोगप्रतिकारक शक्ती कशी मजबूत ठेवता येईल. यासाठी सर्वांनी लक्ष दिले पाहिजे. रोगप्रतिकारक शक्ती वाढवण्यासाठी ओवा, मिरपूड आणि तुळश अत्यंत फायदेशीर आहे. ओव्यामध्ये अनेक औषधी गुण असतात. हे बर्‍याच रोगांच्या उपचारांमध्ये वापरले जाते. (Drink Ajwain, black pepper, basil and boost the immune system)

एका पॅनमध्ये 1 ग्लास पाणी, ओवा, काळीमिरी आणि तुळशीची पाने घाला आणि 5 मिनिटे उकळवा. उकळल्यानंतर हे पाणी थोडा वेळ ठेवा. हलके कोमट असताना यात मध मिसळा आणि ते प्या. यामुळे आपली रोगप्रतिकारक शक्ती मजबूत होईल आणि इतर बर्‍याच समस्यांपासून मुक्त होता येईल. या व्यतिरिक्त, पाचक प्रणालीसाठी देखील हे खूप फायदेशीर आहे. अनेक प्रकारच्या आरोग्याच्या समस्या बऱ्या करण्यासाठी तुळस उपयुक्त ठरते. आयुर्वेदात औषध म्हणून तुळश वापरली जाते.

ओव्यामध्ये लोह, कॅल्शियम, पोटॅशियम, आयोडीन, कॅरोटीन असते. शिवाय यामध्ये फायबर, कार्बोहायड्रेट, प्रोटीन्सदेखील काही प्रमाणात आढळतात. ओव्यामधील थायमॉल या जंतूनाशक घटकांमुळे वातावरण शुद्ध होते. त्यामुळे ओव्याचा नैसर्गिक औषध म्हणून देखील वापर केला जातो. भारतीय खाद्यसंस्कृतीमध्ये अनेक पदार्थांमध्ये ओवा आवर्जून वापरला जातो. कारण त्यामुळे पदार्थ रुचकर होतात आणि पाचनही सुरळीत राहते.

जर तुमच्या पोटात दुखत असेल तर ओवा तुमच्यासाठी रामबाण उपाय आहे. गॅस, अपचन आणि बद्धकोष्ठता झाल्यास काळी मिठ मिसळून ओवा खावा. काळी मिरी आपल्या आरोग्यासाठी खूप फायदेशीर असते. रोगप्रतिकारक शक्ती मजबूत करण्यासाठी काळी मिरी फायदेशीर आहे. काळी मिरी एक शक्तिशाली अँटी-ऑक्सिडंट आहे. ज्यामुळे सर्दी आणि खोकला कमी होण्यास मदत होते. कफ प्रकृतीसाठी काळी मिरी खूप फायदेशीर मानली जाते.

काळी मिरीत लोह, पोटॅशियम, मॅग्नेशियम, मॅंगनीज, जस्त, क्रोमियम, व्हिटामिन ए आणि इतर पोषक गुणधर्म आढळतात. याशिवाय यामध्ये रायबोफ्लेविन, थायामिन, पोटॅशियम, सोडियम, फॉलेट, बेटेन आणि नियासिन हे घटकदेखील आढळतात. अपचनाची समस्या निर्माण होत असेल तर, लिंबाचा अर्धा तुकडा घेऊन त्यातील बिया काढून टाका. त्यात काळे मीठ आणि मिरपूड भरून गरम करा आणि चोखा. याने अपचनाची समस्या दूर होईल.

संबंधित बातम्या : 

Immunity Booster | थंडीच्या दिवसांत आवळ्याचा रस आरोग्यवर्धक, इम्युनिटी वाढवण्यासाठी ‘हे’ नक्की ट्राय करा!https://t.co/XPmKiIDsHE#ImmunityBooster #AmlaJuice

— TV9 Marathi (@TV9Marathi) December 28, 2020

(Drink Ajwain, black pepper, basil and boost the immune system)