Beauty Tips: सुंदर दिसायचंय?, चेहऱ्याला ‘अंड्याचा फेसपॅक’ लावा अन् रुपवान व्हा!

मुंबई : निरोगी आणि चमकदार त्वचा मिळवण्यासाठी, विविध सौंदर्य उत्पादनांचा वापर केला जातो. परंतु, आपणास माहित आहे का की, या महागड्या उत्पादनांऐवजी आपण घरगुती पध्दतीचा वापर करून त्वचा सुंदर आणि चमकदार करू शकतो. त्यामध्येही अंडी आपल्या त्वचेसाठी अत्यंत फायदेशीर आहेत. त्वचेला अंडी लावल्याने त्वचेच्या अनेक समस्या दूर होण्यास मदत होते. (Egg face pack is extremely beneficial for the skin)

बर्‍याच अभ्यासांमध्ये असे म्हटले गेले आहे की, अंड्यामध्ये असलेले पोषक घटक आपल्या आरोग्यासाठी तसेच त्वचा आणि केसांसाठी खूप फायदेशीर आहेत. अंड्यामध्ये बहुतेक सर्व प्रकारचे प्रथिने आढळतात आणि व्हिटामिन एचा हा मुख्य स्त्रोत मानला जातो. चेहऱ्यावरील डाग, पुळ्या आणि मुरुम काढून टाकण्यासाठी व्हिटामिन ए सर्वात प्रभावी आहे. अंड्याचा फेशियल मास्क वापरून आपण या समस्यातून मुक्त होऊ शकता.

अंड्याचा पांढरा भाग आपण त्वचेवर लावला तर चेहऱ्यावरील सुरकुत्या जाण्यास मदत होते. अंड्यातील पिवळा बलक काढून घेऊन पांढऱ्या भागामध्ये लिंबू आणि हळद मिक्स करा. ही पेस्ट चांगली मिक्स करा आणि आपल्या संपूर्ण चेहऱ्यावर लावा. साधारण वीस मिनिटांनी आपला चेहरा थंड पाण्याने धुवा. ही पेस्ट आपण आठवड्यातून तीन वेळा चेहऱ्याला लावली तर आपल्या त्वचेसाठी अत्यंत फायदेशीर आहे. यामुळे चेहरा चमकदार बनतो.

अंडी फेसपॅक वृद्धत्वाचा प्रभाव लपविण्यासाठी देखील कार्य करते. कारण त्यामध्ये वृद्धत्व विरोधी गुणधर्म असतात. हा पॅक तयार करण्यासाठी 1 अंडे घ्या आणि त्यामध्ये 4 ते 5 थेंब तेल मिक्स करा. हे चांगले मिसळा आणि संपूर्ण चेहऱ्यावर लावा आणि कोरडे झाल्यावर चेहरा धुवा. अंड्यातील फक्त पिवळा बलकमध्ये एक चमचा मध मिसळा. हे मिश्रण चेहर्‍यावर लावा आणि नंतर ते पाण्याने धुवा. त्यात असलेले मध त्वचेला मॉइश्चराइझ ठेवते. हा पॅक वापरल्यानंतर तुमची त्वचा मऊ आणि चमकदार होते.

(टीप : कोणत्याही उपचारांपूर्वी डॉक्टरांचा सल्ला घ्यावा.)

संबंधित बातम्या : 

Coconut Water | रक्तातील साखरेची पातळी नियंत्रित करण्यासाठी उपयुक्त ‘नारळ पाणी’, वाचा याचे फायदे…

Jamun Seeds | मधुमेहाच्या रुग्णांसाठी संजीवनी ठरतील जांभळाच्या बिया, ‘या’ समस्यांवरही उपयोगी!#JamunSeeds | #diabetes | #health | #foodhttps://t.co/kZyjVRjoYD

— TV9 Marathi (@TV9Marathi) February 25, 2021

(Egg face pack is extremely beneficial for the skin)