कोरोनाचा नवा अवतार देशातील 36 कोटी लहान मुलांसाठी धोकादायक, वाचा कसा?

नवी दिल्ली : काही केल्या कोरोनाचा (Corona) धोका काही कमी होण्याचं नाव घेत नाहीये. दिवसेंदिवस कोरोनाचं रौद्र रुप समोर येत असल्यामुळे संसर्गाचा फैलाव मोठ्या प्रमाणात वाढला आहे. याचा सगळ्यात मोठा परिणाम देशातील लहान मुलांवर झाल्याचं पाहायला मिळतं. देशात अद्याप कोरोनाच्या नवीन स्वरूपाची पुष्टी झालेली नाही. परंतु कोरोनाचा नवा प्रकार (new coronavirus strain) ब्रिटनमध्ये समोर आला हे नाकारता येणार नाही. यामुळे भारतासह इतर देशांनाही याचा धोका आहे. अभ्यासातून समोर आलेल्या माहितीनुसार, याचा सर्वात मोठा धोका देशातील 15 वर्षांखालील 36 दशलक्ष मुलांना आहे. याऊनही भयकंर म्हणजे लहान मुलांसाठी अद्याप कोरोनाची लस आलेली नाही. (new coronavirus strain is dangerous for children know how)

सध्याची लस 18 वर्षापेक्षा जास्त वयाच्या लोकांवर चाचण्याद्वारे तयार केली गेली आहे. अशा परिस्थितीत जर मुलांना वेगाने संसर्ग होऊ लागला तर काय होईल? हा मोठा गंभीर प्रश्न आहे. कारण, हा नवीन प्रकारचा विषाणू 70 टक्के वेगाने पसरतो. जर कोरोना विषाणूमुळे ग्रस्त असलेल्या एखाद्या व्यक्तीच्या संपर्कात पाच मिनिटं जरी राहिलात तरी एखाद्याला संसर्ग होऊ शकतो. पण जर एखाद्याने नवीन विषाणूच्या संक्रमित व्यक्तीशी अवघ्या 30 सेकंदासाठी जरी संपर्क साधला तर तो देखील विषाणूचा बळी ठरू शकतो.

या संसर्ग लहान मुलांसाठी सर्वाधिक धोक्याचा आहे. खरंतर, कोरोनाचा धोका आणखी वाढताना दिसत आहे. या संसर्गावर मात करण्यासाठी आणि याचा आणखी धोका जाणून घेण्यासाठी शास्त्रज्ञ कामाला लागले आहेत. पण तरीदेखील याला आवर घालणं शक्य नाहीये. अशात लहान मुलांसाठी लसही नसल्याने त्यांना याचा मोठा धोका आहे.

आतापर्यंत, विषाणूच्या रुपामधला हा नवा अवतार 70 टक्के अधिक धोकादायक आहे. त्यातूनच मुलांमध्ये हा वेगाने पसरू शकतो. असा दावाच यूके सरकारच्या न्यू एंड इमर्जिंग रेस्पिरेटरी व्हायरस थ्रेट्स एडवायजरी समुहाने दिला आहे. यूकेच्या ज्या भागात व्हायरसचे नवीन प्रकार आढळले आहेत अशा ठिकाणी 15 वर्षाखालील मुलांची संख्या अधिक आहे.

नवा कोरोना लहान मुलांसाठी का आहे धोक्याचा?

सगळ्यात महत्त्वाचं म्हणजे कोरोना विषाणूमुळे आपल्या शरीरातील पेशी मोठ्या प्रमाणात संक्रमित होतात. कोरोना विषाणूच्या संरचनेत स्पाईक प्रथिने आढळतात. प्रथिने म्हणजे मेंब्रेन प्रथिनेदेखील असतं. ENVELOPE तिसरं प्रथिने आहे. कोरोना व्हायरस आपल्या शरीरातील पेशी हायजॅक करण्यासाठी या स्पाइक प्रोटीनचा वापर करतो. स्पाइक प्रोटीनच्या मदतीने, तो आमच्या पेशींमध्ये शिरून त्यांना संक्रमित करतो.

पण आता या कोरोनाच्या या नव्या रुपाने स्वत:मध्ये धोकादायक बदल केला आहे. आता त्याने पेशींना वेगळ्या प्रकारे संक्रमित करण्यास सुरवात केली आहे. तो किती धोकादायक आहे आणि याचा शरीरावर काय परिणाम होतो याचा शोध लावण्यासाठी शास्त्रज्ञ प्रयत्न करत आहेत. (new coronavirus strain is dangerous for children know how)

संबंधित बातम्या :

केवळ मास्कमुळे कोरोनापासून बचाव अशक्य, नव्या संशोधनाने भीती वाढली!

कोरोनाच्या संकटात आणखी एक धोका, अमेरिकेत ‘मेंदू खाणाऱ्या अमिबा’ची दहशत!

Union Health Secretary Rajesh Bhushan reviewed status of passengers coming from UK to India & found positive in Maharashtra, Karnataka, Telangana, Tamil Nadu, West Bengal, Goa, Punjab, Gujarat & Kerala, & their response measures in a meeting held through video conferencing today pic.twitter.com/NH21kXImMr

— ANI (@ANI) December 23, 2020

(new coronavirus strain is dangerous for children know how)