30 हजार रुपयांच्या बजेटमध्ये तुम्ही फिरू शकता ‘ही’ 5 देश, जाणून घ्या संपूर्ण ट्रिप प्लॅन
तुम्ही जर मित्र, कप्लस किंवा कुटुंबासोबत कमी खर्चात इंटरनॅशनल ट्रिप प्लॅन करत असाल, तर हा लेख तुमच्यासाठी आहे. कारण आजच्या लेखात आपण बँकॉक व्यतिरिक्त अशा पाच देशांबद्दल जाणून घेणार आहोत, जिथे तुम्ही 30 हजाराच्या बजेटमध्ये फिरू शकता.
परदेश वारी करण्याचे स्वप्न प्रत्येकजण पाहतो. पण अनेकदा आपल्या मर्यादित बजेटमुळे हे स्वप्न अपूर्ण राहते. अशातच कमी बजेटमध्ये प्रवास करणाऱ्यांसाठी बँकॉक अधिकाधिक लोकप्रिय होत आहे. विमानप्रवास, राहण्याची सोय आणि जेवणाचा खर्च भारतीय पर्यटकांसाठी बजेट फ्रेंडली देश आहे. परिणामी बहुतेक भारतीय बँकॉकला प्रवास करत आहेत. पण तुम्हाला माहित आहे का की, केवळ बँकॉकच नाही, तर जगभरात असे अनेक देश आहेत जिथे तुम्ही 30 हजार रुपयांच्या बजेटमध्ये प्रवास करू शकता?
तर या काही देशांची खासियत ही आहे की, येथे जेवण, हॉटेल्स, वाहतूक आणि पर्यटन स्थळे बऱ्यापैकी स्वस्त आहेत. शिवाय, भारतातून या ठिकाणांसाठी स्वस्त विमानसेवा देखील उपलब्ध आहे, ज्यामुळे संपूर्ण ट्रिप बजेटमध्ये बसते. जर तुम्ही गर्दीच्या पर्यटन स्थळांपासून दूर, काहीतरी नवीन अनुभव घेऊ इच्छित असाल, तर हे देश तुमच्यासाठी एक उत्तम पर्याय ठरू शकतात. या लेखात आपण कमी बजेटमधील पाच आंतरराष्ट्रीय पर्यटन स्थळांबद्दल जाणून घेऊयात.
नेपाळ फिरायचा प्लॅन करा
सर्वप्रथम आपल्या भारताचा शेजारी आणि खरोखरच सुंदर असलेल्या नेपाळ देशाबद्दल जाणून घेऊयात. सध्या अनेक लोकं नेपाळचे सौंदर्य अनुभवण्यासाठी प्रवास करत आहेत. सर्वात महत्त्वाचे म्हणजे तिथे भेट देण्यासाठी व्हिसाची आवश्यकता नाही. भारतातून तुम्ही बस, ट्रेन किंवा स्वस्त विमानाने नेपाळला पोहोचू शकता. 500 ते 1500 रुपयांमध्ये चांगली हॉटेल्स उपलब्ध आहेत. नेपाळ देशात काठमांडू आणि पोखरा यांसारख्या ठिकाणांना नक्की भेट द्या. प्रत्येक व्यक्ती करिता फिरायला 20 ते 20 हजार रुपयांचे बजेट पुरेसे आहे.
भूतानला सुद्धा भेट द्या
या यादीत भूतानचाही समावेश आहे. भूतान त्याच्या सौंदर्यासाठी ओळखले जाते. भारतीयांसाठी भूतानमध्ये प्रवेश करणे देखील खूप सोपे आहे. तुम्ही येथे बस किंवा विमानाने प्रवास करू शकता. पर्यटन स्थळांच्या बाबतीत तुम्ही टायगर्स नेस्ट मठ, राजधानी थिम्फू आणि पुनाखा झोंग यांसारख्या ठिकाणांना भेट देऊ शकता. येथे खाण्यापिण्याचा आणि राहण्याचा खर्चही खूप कमी आहे. त्यामुळे, तुम्ही केवळ 30 हजार रुपयांमध्ये सहजपणे भूतानला प्रवास करू शकता.
परेदशवारी करण्याच्या लीस्टमध्ये श्रीलंकेचाही समावेश आहे
तुम्ही जर कमी खर्चाच्या ट्रिपचा प्लॅन करत असाल, तर ऑफ-सीझनमध्ये श्रीलंकेला भेट देण्याचा विचार करा. कारण ऑफ सीझनमध्ये विमानाची तिकिटे खूप स्वस्त असतात, ज्यामुळे तुमच्या प्रवासाचा खर्च लक्षणीयरीत्या कमी होतो. भारतीय आणि श्रीलंकन चलनांमध्ये फारसा फरक नाही. त्यामुळे, तुम्ही कमी खर्चात जेवण, राहण्याची सोय आणि स्थानिक वाहतूक सहजपणे परवडू शकता. तुमच्या एकट्याच्या ट्रिपसाठी 30 हजार रुपये पुरेसे आहेत.
थायलंडची वाढती क्रेझ
सध्या भारतीय पर्यटकांच्या प्रवासाच्या यादीत थायलंड अग्रस्थानी आहे. तिथली संस्कृती, नाइटलाइफ आणि वातावरण इतके मनमोहक आहे की तिथे एकदा तरी जायलाच हवे. मात्र तुम्ही फक्त 30 हजार रुपयांमध्ये थायलंडला प्रवास करू शकत नाही. तरीही, ऑफ-सीझनमध्ये किंवा खूप आधी फ्लाइट बुक केल्याने प्रवासाचा खर्च कमी होऊ शकतो. शिवाय रस्त्यावरील खाद्यपदार्थ आणि हॉस्टेलमध्ये बुकिंग केल्यानेही तुमचा प्रवास किफायतशीर होऊ शकतो आणि तुम्ही 30 हजार रुपयांमध्ये 2-3 दिवस प्रवास करू शकता.
व्हिएतनाम कमी खर्चातही परवडणारा
व्हिएतनाम हा एक किफायतशीर देश आहे. येथे खाण्यापिण्याचा आणि प्रवासाचा खर्च खूप कमी आहे. त्यामुळे तुम्ही जर एकटे प्रवास करत असाल, 30 हजार रुपयांमध्ये येथे बऱ्याच गोष्टी पाहू शकता. हनोई आणि हो चि मिन्ह सिटी ही भेट देण्यासाठी सर्वोत्तम ठिकाणे आहेत. तथापि तुमचा प्रवास तुमच्या बजेटमध्ये बसेल याची खात्री करण्यासाठी, प्रवासाला निघण्यापूर्वीच विमानाची तिकिटे आगाऊ बुक करा.
