अंजनेरी प्रकरणानंतर आरोग्य विभाग रडारवर, सीईओ आशिमा मित्तल यांच्या आरोग्य केंद्रांना अचानक भेटी

नाशिक जिल्ह्यातील अंजनेरी प्रकरणानंतर जिल्हा परिषदेच्या सीईओ आशिमा मित्तल यांनी आरोग्य अधिकाऱ्यांना रडारवर घेतले आहे. अचानक आरोग्य केंद्रांना भेटी देण्यास सुरुवात केली आहे.

अंजनेरी प्रकरणानंतर आरोग्य विभाग रडारवर, सीईओ आशिमा मित्तल यांच्या आरोग्य केंद्रांना अचानक भेटी
Image Credit source: Google
Follow us
| Updated on: Mar 07, 2023 | 4:53 PM

नाशिक : नाशिक जिल्ह्यातील अंजनेरी येथील प्राथमिक आरोग्य केंद्रामध्ये ( PHC ) एका महिलेची प्रसूती डॉक्टरांची उपस्थिती नसल्याने तिच्या आईलाच करावी लागल्याची धक्कादायक बाब समोर आली होती आणि त्यानंतर नाशिक जिल्हा परिषदेच्या सीईओ आशिमा मित्तल यांनी दोन आरोग्य अधिकाऱ्यांना निलंबित केले आहे. जिल्हा परिषदेच्या सीईओ आशिमा मित्तल ( CEO Ashima Mittal ) ह्या अंजनेरी येथील कारवाई करून न थांबता त्यांनी आता आरोग्य विभागच रडारवर घेतला आहे. लाखो रुपयांचे पगार घेणारे कर्मचारी नेमकं काय काम करतात काय याचा शोध घेत आता जिल्ह्यातील प्राथमिक आरोग्य केंद्रांना भेटी देत आहेत.

नाशिक जिल्ह्यातील प्राथमिक आरोग्य केंद्रांना भेटी देत आशिमा मित्तल आरोग्य अधिकारी आणि कर्मचारी यांच्या अडचणी जाणून घेत आहे. याशिवाय रुग्णांना उपचार करत असतांना हलगर्जीपणा पुढील काळात होणार नाही यासाठी एक प्रकारे तंबीच देत आहे.

नुकतेच जिल्हा परिषदेच्या संपूर्ण आरोग्य अधिकारी आणि कर्मचाऱ्यांसाठी आशिमा मित्तल यांनी एक सूचना पत्रक काढले आहे. ह्या पत्रकाचा आरोग्य विभागातील अधिकारी आणि कर्मचाऱ्यांनी चांगलाच धसका घेतला आहे. त्यामुळे जिल्हा परिषदेच्या सीईओ यांच्या पत्राने खळबळ उडाली आहे.

हे सुद्धा वाचा

नुकतेच नाशिकच्या त्र्यंबकेश्वर रोडवरील अंजनेरी येथील प्राथमिक आरोग्य केंद्रात वैद्यकीय अधिकारी उपस्थित नसल्याने एका महिलेची प्रसूती करण्यासाठी कुणीही नसल्याने गर्भवती महिलेच्या आईनेच आपल्या लेकीची प्रसूती केली होती.

त्यानंतर राज्य महिला आयोगाने देखील याची दखल घेतली होती. त्यानंतर दोन्ही वैद्यकीय अधिकाऱ्यांचे निलंबन करण्यात आले असून या कारवाईने आरोग्य विभागात खळबळ उडाली आहे. त्यानंतर आता कामचुकार आरोग्य अधिकाऱ्यांचे धाबे चांगलेच दणाणले आहे.

यापूर्वी नाशिक जिल्ह्यातील मालेगाव तालुक्यातील चिखलओहोळ येथील प्राथमिक आरोग्य केंद्रात एका नवजात बालकाचा मृत्यू झाला होता. त्या प्रकरणी निलंबनाची कारवाई न होता बदलीची कारवाई केली होती.

त्यानंतरही जिल्ह्यातील अनेक प्राथमिक आरोग्य केंद्राच्या तक्रारी जिल्हा स्तरावर आलेल्या होत्या. मात्र, तालुका स्तरावरील अधिकाऱ्यांनी स्थानिक कर्मचाऱ्यांना पाठीशी घालत पडदा टाकण्याचा प्रयत्न झाला आहे. मात्र आता अंजनेरी प्रकरणाने पुन्हा एका जुन्या प्रकरणाची चवीने चर्चा होत आहे.

दरम्यान आता मुख्य कार्यकारी अधिकारी आशिमा मित्तल यांनी आरोग्य विभाग रडारवर घेतलाच आहे तर एकदा निवासी आरोग्य अधिकाऱ्यांना शिस्त लावली तर अनेक समस्या सुटतील अशी चर्चा आरोग्य विभागात सुरू झाली आहे.

Non Stop LIVE Update
मविआ 48 जागा लढणार आणि त्या जिंकणार, संजय राऊत यांचा आत्मविश्वास
मविआ 48 जागा लढणार आणि त्या जिंकणार, संजय राऊत यांचा आत्मविश्वास.
काँग्रेसच्या 5 जागी मैत्रीपूर्ण लढती ? कोणत्या जागांवर काँग्रेस ठाम?
काँग्रेसच्या 5 जागी मैत्रीपूर्ण लढती ? कोणत्या जागांवर काँग्रेस ठाम?.
आगे आगे देखो..., अंबादास दानवे यांचा उल्लेख करत काय केलं सूचक वक्तव्य?
आगे आगे देखो..., अंबादास दानवे यांचा उल्लेख करत काय केलं सूचक वक्तव्य?.
संजय राऊत आघाडीत बिघाडी करीत आहेत, प्रकाश आंबेडकर यांचा थेट आरोप
संजय राऊत आघाडीत बिघाडी करीत आहेत, प्रकाश आंबेडकर यांचा थेट आरोप.
प्रकाश आंबेडकर यांची मोठी रणनिती, नव्या आघाडीबद्दल दिले संकेत; म्हणाले
प्रकाश आंबेडकर यांची मोठी रणनिती, नव्या आघाडीबद्दल दिले संकेत; म्हणाले.
उदयनराजे यांच्या विरोधात पवार कोणाला देणार तिकीट ? काय म्हणाले पवार ?
उदयनराजे यांच्या विरोधात पवार कोणाला देणार तिकीट ? काय म्हणाले पवार ?.
वसंत मोरे वंचितच्या तिकिटावर लोकसभा निवडणूक लढणार?
वसंत मोरे वंचितच्या तिकिटावर लोकसभा निवडणूक लढणार?.
'अजित पवार गट फ्रॉड 420 गँग, फार काळ सत्तेत...', कुणाची खोचक टीका?
'अजित पवार गट फ्रॉड 420 गँग, फार काळ सत्तेत...', कुणाची खोचक टीका?.
आता नाही तर कधी ? हातकणंगलेतून लढण्याचा राहुल आवाडे यांचा निर्धार
आता नाही तर कधी ? हातकणंगलेतून लढण्याचा राहुल आवाडे यांचा निर्धार.
मराठा समाजाच्या बैठकीत हाणामारी, लाथा-बुक्क्यांनी मारहाण; बघा व्हिडीओ
मराठा समाजाच्या बैठकीत हाणामारी, लाथा-बुक्क्यांनी मारहाण; बघा व्हिडीओ.