ओबीसींना निधी दिला जात नाही ? मंत्री वडेट्टीवार नाराज? उद्याच्या कॅबिनेट बैठकीला दांडी ?

ओबीसी समाजाला निधी मिळत नसल्याचामुळे मदत आणि पुनर्वसनमंत्री विजय वडेट्टीवार नाराज असल्याचं म्हटलं जात आहे. सूत्रांच्या माहितीनुसार याच कारणामुळे बुधवारी (13 ऑक्टोबर) होणाऱ्या राज्य मंत्रिमंडळाच्या बैठकीला ते हजर राहणार नाहीत.

ओबीसींना निधी दिला जात नाही ? मंत्री वडेट्टीवार नाराज? उद्याच्या कॅबिनेट बैठकीला दांडी ?
VIJAY WADETTIWAR


मुंबई : ओबीसी समाजाच्या विकासासाठी निधी मिळत नसल्यामुळे मदत आणि पुनर्वसनमंत्री विजय वडेट्टीवार नाराज असल्याचं म्हटलं जात आहे. सूत्रांच्या माहितीनुसार याच कारणामुळे बुधवारी (13 ऑक्टोबर) होणाऱ्या राज्य मंत्रिमंडळाच्या बैठकीला ते हजर राहणार नाहीत. यापूर्वीदेखील ते मंत्रिमंडळाच्या बैठकीमध्ये अनुपस्थित होते. विशेष म्हणजे बुधवारी राज्य मंत्रिमंडळाची बैठक होत असताना दुसरीकडे विजय वडेट्टीवार नागपूरच्या दौऱ्यावर असणार आहेत. वडेट्टीवार यांच्या या भूमिकेमुळे खरंच ओबीसी समाजाच्या उत्थानासाठी निधी दिला जात नाहीये का ? असा सवाल आता विचारण्यात येतोय.

ओबीसी समाजाला निधी मिळत नसल्यामुळे वडेट्टीवार नाराज

वडेट्टीवार ओबीसी समाजाच्या वेगवेगळ्या प्रश्नांना घेऊन आक्रमक भूमिका मांडताना दिसतात. ओबीसी आरक्षणापासून विद्यार्थ्यांचे शिक्षण तसेच सर्वांगीण विकास या मुद्द्यांवरही वडेट्टीवार भूमिका घेताना दिसतात. त्यांच्या नेतृत्वात ओबीसी समाजाच्या अनेक सभा, परिषदा तसैच महत्त्वाच्या बैठका पार पडलेल्या आहेत. मात्र सध्या त्यांच्या कथित नाराजीमुळे एकच चर्चा रंगली आहे. ते बुधवारी होणाऱ्या राज्य मंत्रिमंडळाच्या बैठकीला उपस्थित राहणार नाहीत. त्याऐवजी ते नागपूरच्या दौऱ्यावर असणार आहेत. ओबीसी समाजाला निधी मिळत नसल्यामुळे वडेट्टीवार नाराज आहेत. यापूर्वीच्या बैठकीलासुद्धा ते उपस्थित नव्हते. या अनुपस्थितीमागे ओबीसी निधीचा मुद्दा असल्याचे सांगितले जात आहे.

स्वतंत्र कार्यालय नाही, यंत्रणाही नाही

ओबीसी समाजाचा चेहरा म्हणून वडेट्टीवार यांच्याकडे पाहिले जाते. मात्र, राज्याच्या मंत्रिमंडळात असूनदेखील त्यांच्या खात्याला सुविधा तसेच निधीचा अभाव असल्याचे म्हटले जात आहे. त्यांनी ओबीसी समाजाच्या विद्यार्थ्यांसाठी 72 वसतीगृहांची मागणी केली होती. मात्र, या मागणीचे पुढे काही झालेले नाही. तसेच त्यांच्या खात्याला स्वतंत्र कार्यालय नाही. तसेच स्वतंत्र यंत्रणाही नाही. या सर्व गोष्टींमुळे विजय वडेट्टीवार नाराज असल्याचे म्हटले जात आहे. टीव्ही 9 मराठीच्या खात्रीलायक सूत्रांनी तशी माहिती दिली आहे.

इतर बातम्या :

Pune Minor Girl Murder | ‘सावित्रीच्या लेकींसाठी सरकार महाराष्ट्र बंद कधी करणार ?’ पुण्यात अल्पवयीन मुलीच्या हत्येनंतर चित्रा वाघ आक्रमक

शरद पवारांच्या उपस्थितीत राष्ट्रवादी काँग्रेसचे मंत्री, नेत्यांची खलबतं, बैठकीत कोणत्या विषयावर चर्चा?

आघाडी सरकारला येणाऱ्या काळात सळो की पळो करुन सोडू, आशिष शेलारांचा इशारा

(appropriate funds not given for obc development minister is unhappy on obc student hostel and fund)

Read Full Article

Click on your DTH Provider to Add TV9 MARATHI