औरंगाबादमध्ये कोरोना रुग्णांचा आकडा वाढताच, आणखी 17 जण पॉझिटिव्ह

औरंगाबाद : राज्यात कोरोनाबाधितांच्या संख्येत वाढ होत असताना दुसरीकडे (Aurangabad Corona Update) औरंगाबादमध्ये कोरोनाचा वाढता कहर पाहायला मिळत आहे. औरंगाबादमध्ये आज (3 मे) कोरोनाचे आणखी 17 रुग्ण वाढले आहेत. त्यामुळे औरंगाबादमध्ये कोरोनाबाधितांचा आकडा 273 वर पोहोचला आहे.

औरंगाबादमध्ये आज आणखी 17 जणांचा रिपोर्ट कोरोना पॉझिटिव्ह आला (Aurangabad Corona Update) आहे. तर दुसरीकडे काल (2 मे) 40 जणांना कोरोनाचा संसर्ग झाला आहे. त्यामुळे औरंगाबादेतील कोरोनाबाधितांचा आकडा 273 वर पोहोचला आहे.

औरंगाबाद जिल्ह्यात आतापर्यंत 9 जणांचा कोरोनामुळे मृत्यू झाला आहे. तर 25 जण कोरोनामुक्त झाले असून त्यांना डिस्चार्ज मिळाला आहे.

औरंगाबादेत काल (1 मे) 39 नव्या रुग्णांची नोंद झाली. तर आज (2 मे) औरंगाबादेत आणखी 23 नव्या रुग्णांची भर पडली आहे. त्यामुळे गेल्या 24 तासात 62 नवे रुग्ण औरंगाबादेत आढळले आहे.

दरम्यान औरंगाबादमध्ये कोरोनाबाधितांचा आकडा आणखी वाढण्याची भीती व्यक्त केली जात आहे. त्यामुळे औरंगाबाद जिल्हा अलर्टवर आला आहे.

राज्यातील कोरोनाबाधितांचा आकडा 12 हजार पार

महाराष्ट्रात काल (2 मे) दिवसभरात 790 नव्या कोरोना रुग्णांची नोंद झाली आहे. त्यामुळे महाराष्ट्रातील कोरोनाबाधितांची संख्या 12 हजार 296 वर पोहोचली आहे. तर, काल राज्यात दिवसभरात 36 कोरोनाबाधित रुग्णांचा मृत्यू झाला आहे. या व्यतिरिक्त काल दिवसभरात 121 कोरोनाबाधित रुग्ण उपचारानंतर बरे झाले असून त्यांना घरी सोडण्यात आलं (Aurangabad Corona Update) आहे.

तर काल राज्यात सर्वाधिक 36 कोरोनाबाधित रुग्णांचा मृत्यू झाला आहे. त्यामुळे राज्यातील एकूण कोरोनाबळींची संख्या आता 521 झाली आहे.

संबंधित बातम्या : 

औरंगाबादेत कोरोनाचा कहर, 24 तासात 62 नवे रुग्ण

Corona Update : महाराष्ट्रात दिवसभरात 790 नव्या कोरोना रुग्णांची नोंद, आकडा 12,296 वर

मुंबईतही अवघ्या 15 दिवसात 1 हजार खाटांचं कोरोना रुग्णालय उभारणार, काम सुरु