बेळगावात शिवसेनेच्या रुग्णावाहिकेला काळे फासण्याचा प्रयत्न, सीमाभागात तणावाचं वातावरण
शहरातील रामलिंग खिंड येथील शिवसेनेच्या रुग्णवाहिकेवर कन्नड संघटनेच्या कार्यर्त्यांनी हल्ला केला. (belgaum shiv sena ambulance)
बेळगाव : शहरातील रामलिंग खिंड येथील शिवसेनेच्या रुग्णवाहिकेवर कन्नड संघटनेच्या कार्यर्त्यांनी हल्ला केला. पोलीस संरक्षण असतानाही हा प्रकार घडल्यामुळे सीमाभागात संतप्त प्रतिक्रिया उमटत आहेत. या हल्ल्यात रुग्णवाहिकेचा बोर्ड तोडण्यात आला आहे. तसेच गाडीला काळे फासण्याचा प्रयत्न देखील करण्यात आला. यावेळी हा प्रकार घडत असताना शिवसेनेच्या कार्यकर्त्यांनी त्यांना अडविले त्यानंतर कानडी कार्यकर्ते घटनास्थळावरुन पळून गेले. हा प्रकार घडल्यानंतर येथे काही काळासाठी तणावाचं वातावरण निर्माण झालं होतं. (Belgaum attack on Shiv sena ambulance tried to breaking down the board of ambulance)
रुग्णावाहिकेला काळे फासण्याचा प्रयत्न, बोर्डही तोडला
मिळेलल्या माहितीनुसार बेळगाव शहरातील रामलिंग खिंड या परिसरात शेवसेनेच्या रुग्णवाहिकेवर कानडी संघटनेच्या काही कार्यकर्त्यांनी हल्ला केला. यामध्ये शिवसेनेच्या रुग्णवाहिकेला काळे फासण्याचा प्रयत्न करण्यात आला. तसेच या रुग्णवाहिकेचा बोर्डसुद्धा तोडण्यात आला. हल्ला झाल्याचे लक्षात येताच शिवसेनेच्या कार्यकर्त्यांनी कन्नड संघटनेच्या कार्यकर्त्यांना अडवले. त्यानंतर शिवसेनेच्या कार्यकर्त्यांनी हल्लेखोरांना पळवून लावले.
हा प्रकार घडल्यानंतर येथे काही काळासाठी तणावाचे वातावरण निर्माण झाले होते. या घटनेची माहिती होताच खडेबाजारचे पोलीस घटनास्थळी दाखल झाले होते. दरम्यान, हा हल्ला झाल्यानंतर बेळगावची शांतता भंग करण्याचा प्रयत्न कन्नड संघटनांनी सुरु केल्याचा शिवसेना जिल्हाप्रमुख प्रकाश शिरोळकर तसेच शिवसैनिक प्रविण तेजम यांनी केला.
बेळगाव महापालिकेसमोर भगवा फडकवण्याचा प्रयत्न
बेळगाव महानगरपालिकेसमोर अनधिकृतपणे लावण्यात आलेला ध्वज काढण्याच्या मागणीसाठी महाराष्ट्र एकीकरण समितीने सोमवारी (8 मार्च) भव्य निषेध मोर्चा काढला होता. यावेळी महाराष्ट्र एकीकरण समितीच्या कार्यकर्त्यांनी बेळगाव मनपासमोर भगवा ध्वज फडकविण्याचा प्रयत्न केला होता. यावेळी ध्वज फडकवत असताना कर्नाटक पोलिसांनी 6 महिला कार्यकर्त्यांना ताब्यात घेतले होते. त्यांनतर या मोर्चेकऱ्यांची पोलिसांनी लगेच सुटका करण्यात आली होती. हा प्रकार घडल्यानंतर मोर्चेकऱ्यांची धास्ती घेत पोलीस प्रशासनाने बेगळागाव शहरात बंदोबस्त वाढविला होता.
राज्यातील जनतेसाठी महाविकासआघाडी हा एक त्रास : नितेश राणेhttps://t.co/CxVG2MRsi3 #NiteshRane #MPSC #mpscexam
— TV9 Marathi (@TV9Marathi) March 12, 2021
इतर बातम्या :
Pune Lockdown Latest News : पुण्यात रात्रीची संचारबंदी, शाळा 31 मार्चपर्यंत बंद, काय सुरु, काय बंद?
(Belgaum attack on Shiv sena ambulance tried to breaking down the board of ambulance)
