Buldana Accident | शेतात काम करताना ट्रॅक्टरच्या रोटाव्हेटरमध्ये अडकला, बुलडाण्यात 35 वर्षीय शेतकऱ्याचा दुर्दैवी मृत्यू
ट्रॅक्टरला रोटाव्हेटर ही मशीन लावली होती. पण, काम करत असताना त्यांचा तोल गेला. ते रोटाव्हेटरमध्य अडकले. त्यामुळं मशीनमध्ये अडकल्यानं त्यांचा मृत्यू झाला. त्यांच्या शरीराच्या चिंधड्या उडाल्या. रक्तबंबाळ झाले. बाजूला काम करणाऱ्यांनी धाव घेतली. तोपर्यंत तितरे यांचा मृत्यू झाला होता.
बुलडाणा : ट्रॅक्टरने शेतीची मशागत करीत असताना रोटावेटरमध्ये अडकून 35 वर्षीय शेतकऱ्याचा दुर्दैवी मृत्यू झाला. ही घटना नांदुरा (Nandura) तालुक्यातील टाकळी वतपाळ शेतशिवारात घडली. हिंगणे गव्हाड (Hingane Gawhad) येथील शत्रुघ्न समाधान तितरे (वय 35 वर्षे) असे मृतक शेतकऱ्याचे नाव आहे. शेतकरी शत्रुघ्न समाधान तितरे ( Shatrughan Titre) हे टाकळी वासुदेव जमाव यांच्या शेतात रोटाव्हेटरने शेतीची मशागत करीत होते. अचानक रोटावेटरमध्ये अडकले. त्यात गुंडाळून त्याचा जागीच मृत्यू झालाय. घटनेची माहिती मिळताच सर्व गावकरी मदतीसाठी घटनास्थळी गर्दी केलीय. पोलिसांनी घटनास्थळ गाठून पंचनामा केला. आकस्मिक मृत्यूची नोंद केलीय. या घटनेमुळं ट्रॅक्टर चालविणाऱ्यांच्या मनात भीतीचं वातावरण निर्माण झालं आहे. ट्रॅक्टर चालविताना सावधगिरी बागळणे गरजेचे आहे.
नेमकं काय घडलं
तितरे हे शेतात काम करत होते. ट्रॅक्टर चालवत होते. ट्रॅक्टरला रोटाव्हेटर ही मशीन लावली होती. पण, काम करत असताना त्यांचा तोल गेला. ते रोटाव्हेटरमध्य अडकले. त्यामुळं मशीनमध्ये अडकल्यानं त्यांचा मृत्यू झाला. त्यांच्या शरीराच्या चिंधड्या उडाल्या. रक्तबंबाळ झाले. बाजूला काम करणाऱ्यांनी धाव घेतली. तोपर्यंत तितरे यांचा मृत्यू झाला होता. तितरे हे कुटुंबाचा आधार होते. पण, त्यांच्या मृत्यूनं कुटुंबीयांचा आधार हरविला आहे. एक तरुण काम करत असताना गेल्याचं दुःख आहे.
शेतीच्या कामाला वेग
पाऊस पडल्यानं जिल्ह्यात शेतकरी कामाला लागले आहेत. शेतीसाठी यंत्रांचा वापर केला जातो. ट्रॅक्टरला रोटाव्हेटर ही मशीन लावून ते शेतात काम करत होते. आजूबाजूलाही शेतीची कामं सुरू होती. मशीनचा वापर करून कामं सोपी व्हायला लागली आहेत. पण, मशीन योग्य पद्धतीनं हाताळली नाही. तर असे अपघात होतात. अचानक झालेली एक चूक खूप महागात पडते. अशीच चूक तितरे यांच्याकडून झाली. त्यामुळं ते रोटाव्हेटर मशीनमध्ये अडकले. त्यामुळं त्यांचं कुटुंबीय उघड्यावर आले आहे. गावात तरुणाचा मृत्यू झाल्यानं हळहळ व्यक्त केली जात आहे.
