Devendra Fadnavis : दिल्लीतून फडणवीसांनी आणली GOOD NEWS, दुष्काळासंदर्भात मोठी घोषणा
Devendra Fadnavis : "केंद्र सरकारचे पैसे उशिरा येतात. पण राज्य सरकार आधी मदत करेल. पिकांचे 23 हजार गावातील सर्वे पूर्ण झाले आहेत. काही पूर्ण होत आहेत. लवकरात लवकर पैसे देण्याचा प्रयत्न आहे. 2001 पासून आतापर्यंत दुष्काळ नोव्हेंबरच्या शेवटी किंवा डिसेंबरच्या सुरुवातीला घोषित झालेला आहे. पण आम्ही नियम बाजूला ठेऊन आधी दुष्काळ जाहीर केला" असं मुख्यमंत्री देवेंद्र फडणवीस यांनी सांगितलं.
मुख्यमंत्री देवेंद्र फडणवीस यांनी आज केंद्रीय गृहमंत्री अमित शाह यांची भेट घेतली. “आपल्याला कल्पना आहे की,गृहमंत्री हे एनडीआरएफचे अध्यक्ष असतात. दुष्काळाच्या संदर्भात एनडीआरएफच्या मदतीसंदर्भात जे काही आपले प्रस्ताव असतात, ते या ग्रुपकडे पाठवले जातात. या बैठकीची अध्यक्षता अमित शाह करतात. म्हणून आपण एनडीआरएफकडे प्रस्ताव पाठवलेला. त्याची कल्पना देण्यासाठी मी आलेलो. मी त्यांना सांगितलं की, महाराष्ट्राच प्रचंड दुष्काळ आहे. पिण्याच्या पाण्याची, चाऱ्याची समस्या आहे” असं मुख्यमंत्री फडणवीस यांनी सांगितलं. “32 जिल्ह्यात दुष्काळ मोठ्या प्रमाणात आहे. जर विचार केला, तर 80 टक्के तालुके दुष्काळप्रभावित आहेत. म्हणून विशेष मदत केंद्र सरकारने महाराष्ट्राला करावी अशी विनंती केली. आम्ही प्रस्ताव पाठवतोय त्यावर केंद्राची टीम तात्काळ यावी अशी विनंती केली” असं देवेंद्र फडणवीस म्हणाले.
“केंद्रीय कृषी मंत्री शिवराज सिंह चौहान यांच्याशी सुद्धा चर्चा केली. ही टीम 8 तारखेपासून महाराष्ट्रात येईल. ही टीम 8 ते 11 विविध भागांमध्ये साधारणपणे दुष्काळी परिस्थिती काय आहे, याची मौका तपासणी करेल. ते आपला रिपोर्ट एनडीआरएफला सादल करतील. त्यांनी पाठवलेला रिपोर्ट आपण पाठवलेले प्रस्ताव यावर एनडीआरएफ निर्णय घेईल. त्या दृष्टीने वेगाने निर्णय होत आहेत” असं मुख्यमंत्री देवेंद्र फडणवीस यांनी सांगितलं.
भारत सरकारने काय आश्वासन दिलं?
“मी विशेष विनंती केली आहे की, दुष्काळी परिस्थिती पाहून विशेष मदत केंद्र सरकारने करावी. गृहमंत्र्यांनी सकारात्मकता दाखवली आहे. नियमात बसवून जास्तीत जास्त मदत भारत सरकार करेल असं आश्वासन दिलेलं आहे” असं देवेंद्र फडणवीस म्हणाले. “दुसरी बैठक राजनाथ सिंह यांच्यासोबत झाली. या बैठकीचा उद्देश नागपूर एअर पोर्टवरील नवीन टर्मिनल बिल्डिंगचा होता. 27 एकर जागा जी आहे, ती एअरफोर्सकडे आहे. ती जागा लवकरात लवकर आपल्याला मिळावीत तर काम वेगाने पूर्ण करता येतील. बैठक सकारात्मक झाली. टर्मिनल तयार करण्यासाठी जागा तात्काळ हँड ओव्हर करतील” अशी माहिती फडणवीसांना दिली.
ट्रिगर 1 बद्दल मुख्यमंत्री काय म्हणाले?
सॅटलाइट इमेजिंगच्या मुद्यावरही मुख्यमंत्र्यांनी उत्तर दिलं. “शिवराज सिंह चौहान म्हणाले की, विविध निकषांपैकी तो एक निकष आहे. तो निकष पूर्ण झाला नाही, तर आम्ही विचार करु. ट्रिगर 1 मध्ये 265 तालुके दिले. या निकषांव्यतिरिक्त काही तालुक्यांसंदर्भात टेक्निकल अडचण होती. पाऊस पडलेला आहे. पण पावसातील खंड यामुळे पिकांचं नुकसान झालेलं आहे. त्यासाठी सुद्ध उपसमिती पाहणी करेल. 20 तालुके असे आहेत ते जरी यादीत आलेले नसले तरी दुष्काळाची मदत केली जाईल” असं मुख्यमंत्री देवेंद्र फडणवीस यांनी सांगितलं.
