माझा सर्जा-राजा उपाशी, बैलजोडीची काळजी, कोव्हिड सेंटरमधून शेतकऱ्याचं पलायन

यवतमाळ : यवतमाळ जिल्ह्यात मारेगाव इथे कोव्हिड19 सेंटरमधून पळून गेलेला रुग्ण सापडला आहे. पोलिसांनी मोठ्या शिथाफिने या रुग्णाला शोधलं. मात्र या रुग्णाचं पळून जाण्याचं कारण ऐकून सर्वजण अवाक् झाले. (Yavatmal corona positive farmer)

संबंधित रुग्ण हा शेतकरी आहे. या शेतकऱ्यावर कोव्हिड सेंटरमध्ये उपचार सुरु आहेत. या शेतकऱ्याचं कुटुंब क्वारंटाईन आहे. मात्र आपल्या माघारी घरी असलेली बैलजोडी उपाशी असेल, या कळवळ्यातून हा शेतकरी कोव्हिड सेंटरमधून काल पळून गेला होता.

मारेगाव येथून काल हा कोरोनाबाधित शेतकरी रुग्ण कोविड सेंटरमधून पळाला होता. आपला लाडका सर्जा-राजा घरी एकटा आहे, त्याला कोणी चारा-पाणी देईल का या विवंचनेत हा शेतकरी होता. सतत हा विचार त्याला अस्वस्थ करुन जात होता. या विवंचनेतून काल सकाळी हा रुग्ण कोव्हिड सेंटरमधून आपल्या गावी जाण्यासाठी निघाला.

मात्र पोलीस आपल्या शोधात असल्याची कुणकुण लागल्याने हा शेतकरी रुग्ण लपून बसला. त्यानंतर तो गावी जाण्याच्या तयारीत असताना, पोलिसांनी त्याला शोधून काढलं. महत्त्वाचं म्हणजे गेल्या 24 तासात हा शेतकरी कुणाच्याही संपर्कात आला नाही. त्याने स्वत:ला इतरांपासून लांब ठेवलं. मात्र ज्यांच्यावर आपलं आयुष्य आहे, त्या मुक्या जनावरांना उपाशी कसं ठेवायचं, या एकाच प्रश्नाने हा शेतकरी स्वत:च्या जीवाची पर्वा न करता, कोव्हिड सेंटरमधून निघाला होता.

(Yavatmal corona positive farmer)

संबंधित बातम्या 

Yavatmal Corona | जेवणामध्ये अळ्या आढळल्याची कोरोना रुग्णांची जिल्हाधिकाऱ्यांकडे तक्रार

Yavatmal Corona Update | यवतमाळमध्ये 22 कोरोनामुक्त नागरिकांना डिस्चार्ज