AQI
TV9 Network
User
Sign In

By signing in or creating an account, you agree with Associated Broadcasting Company's Terms & Conditions and Privacy Policy.

महाराष्ट्राच्या राजकारणात मोठा ट्विस्ट, महाबैठकीआधीच एकनाथ शिंदे-अमित शाह यांची बैठक, काहीतरी मोठं घडतंय

महाराष्ट्रातील महायुती सरकार स्थापनेसाठी दिल्लीत जोरदार हालचाली सुरू आहेत. एकनाथ शिंदे यांनी मुख्यमंत्रीपदाचा दावा सोडल्यानंतर, अमित शाह यांच्या निवासस्थानी अमित शाह, एकनाथ शिंदे, अजित पवार आणि देवेंद्र फडणवीस यांच्यात बैठक होत आहेत. या बैठकीत मुख्यमंत्रीपदाची घोषणा आणि खातेवाटपाचा निर्णय अपेक्षित आहे. राज्याचे भवितव्य या बैठकीवर अवलंबून आहे.

महाराष्ट्राच्या राजकारणात मोठा ट्विस्ट, महाबैठकीआधीच एकनाथ शिंदे-अमित शाह यांची बैठक, काहीतरी मोठं घडतंय
एकनाथ शिंदे आणि अमित शाह
Chetan Patil
Chetan Patil | Updated on: Nov 28, 2024 | 10:17 PM
Share

महाराष्ट्राच्या राजकारणाच्या पार्श्वभूमीवर दिल्लीत अतिशय मोठ्या हालचाली सुरु आहेत. महाराष्ट्राच्या विधानसभेचा निकाल जाहीर होऊन 5 दिवस झाले आहेत. या निवडणुकीत महायुतीला तब्बल 230 जागांवर यश आलं आहे. असं असलं तरीही महायुतीत मुख्यमंत्रीपदासाठी पेच निर्माण झालेला बघायला मिळाला. अखेर काळजीवाहू मुख्यमंत्री एकनाथ शिंदे यांनी काल मुख्यमंत्रीपदाचा दावा सोडला. पण शिंदेंना गृहखातं हवं असल्याची चर्चा आहे. सत्ता स्थापनेच्या पेचावर तोडगा काढण्यासाठी आज दिल्लीत मोठ्या घडामोडी घडत आहेत. केंद्रीय गृहमंत्री अमित शाह यांच्या निवासस्थानी आज महायुतीच्या राज्यातील प्रमुख नेत्यांची बैठक आयोजित करण्यात आली आहे. त्यामुळे दिल्लीतील हालचालींना वेग आला आहे.

अमित शाह यांच्या निवासस्थानी आज रात्री उशिरा बैठकीचं आयोजन करण्यात आलं आहे. विशेष म्हणजे या बैठकीसाठी राष्ट्रवादी काँग्रेसचे प्रमुख नेते अजित पवार आज सकाळीच दिल्लीत दाखल झाले. तर भाजपचे नेते देवेंद्र फडणवीस हे आज दुपारी दिल्लीत दाखल झाले. यानंतर राष्ट्रवादी काँग्रेसचे खासदार सुनील तटकरे यांच्या निवासस्थानी अजित पवार आणि देवेंद्र फडणवीस यांची बैठक पार पडली. देवेंद्र फडणवीस यांनी या बैठकीत राष्ट्रवादीच्या इतर प्रमुख नेत्यांसोबत चर्चा केल्याची माहिती आहे.

महाराष्ट्राच्या राजकारणात नवा ट्विस्ट

या सर्व घडामोडी सुरु असतानाच महाराष्ट्राच्या राजकारणात ट्विस्ट आणणारी घटना घडताना दिसली. देवेंद्र फडणवीस आणि राष्ट्रवादीच्या नेत्यांची एकीकडे बैठक सुरु असताना रात्रीच्या सुमारास एकनाथ शिंदे हे दिल्लीत दाखल झाले. एकनाथ शिंदे हे दिल्ली  विमानतळाहून थेट अमित शाह यांच्या निवासस्थानी दाखल झाले. त्याआधी अमित शाह यांच्या निवासस्थानी भाजपचे राष्ट्रीय अध्यक्ष जे. पी. नड्डा दाखल झाले होते. नड्डा आणि शाह यांच्यात बैठक सुरु होती. या दरम्यान एकनाथ शिंदे तिथे पोहोचले. यानंतर अमित शाह आणि एकनाथ शिंदे यांच्यात बंद दाराआड चर्चा सुरु असल्याची सूत्रांची माहिती आहे. या बैठकीनंतर अमित शाह यांची एकनाथ शिंदे, देवेंद्र फडणवीस आणि अजित पवार यांच्यासोबत एकत्र बैठक होणार असल्याची माहिती आहे.

बैठकीत खातेवाटपही होणार?

महायुतीच्या आजच्या बैठकीत महाराष्ट्राच्या नव्या मुख्यमंत्र्यांच्या नावावर शिक्कामोर्तब होणार आहे. तसेच गृहखात कुणाला द्यायचं? याबाबतही मोठा खुलासा होणार आहे. आजच्या बैठकीत खातेवाटपावर चर्चा होणार असल्याची माहिती आहे. कोणत्या पक्षाला कोणत्या खात्याचं मंत्रिपद द्यावं, ते ठरणार आहे. त्यामुळे या खातेवाटपाकडे आणि मुख्यमंत्रीपदासाठी कुणाचं नाव निश्चित होतं, याकडे संपूर्ण राज्याचं लक्ष आहे.

Follow Us
पुण्यात अमित शाह आणि देवेंद्र फडणवीस यांची भेट? राजकीय वर्तुळात चर्चां
पुण्यात अमित शाह आणि देवेंद्र फडणवीस यांची भेट? राजकीय वर्तुळात चर्चांना उधाण!
आंबेगावात कामगारांचं बचावकार्य सुरु असतानाच भाजप नेत्यांकडून धक्कादायक
Solapur : आंबेगावात कामगारांचं बचावकार्य सुरु असतानाच भाजप नेत्यांकडून श्रद्धांजलीच्या पोस्ट
कर्जतमध्ये टोरेंट प्रकल्पावरून संघर्षाची ठिणगी! 226 शेतकऱ्यांना...
कर्जतमध्ये टोरेंट प्रकल्पावरून संघर्षाची ठिणगी! 226 शेतकऱ्यांना भूसंपादनाच्या नोटिसा; संजय राऊतांचा इशारा
टायगर श्रॉफ प्रकरणाला नवं वळण; गणेश लांडगेच्या कुटुंबीयांचा खुलासा
टायगर श्रॉफ प्रकरणाला नवं वळण; गणेश लांडगेच्या कुटुंबीयांचा मोठा खुलासा, म्हणाले...
महाराष्ट्र एपस्टीन फाईल्सवरून वाद पेटला! दिग्दर्शक स्वरूप सावंतांनी...
महाराष्ट्र एपस्टीन फाईल्स' चित्रपटावरून वाद पेटला! दिग्दर्शक स्वरूप सावंतांनी अखेर मौन सोडलं, थेट केलं मोठं विधान...
अर्शदीप, सिराज अन् अक्षरची कमाल! भारताने न्यूझीलंडविरुद्ध 22 धावांनी..
IND vs NZ: अर्शदीप, सिराज अन् अक्षरची कमाल! भारताने न्यूझीलंडविरुद्ध 22 धावांनी सामना जिंकला
केंद्रीय गृहमंत्री अमित शाह आणि शरद पवार एकाच मंचावर? कारण काय?
केंद्रीय गृहमंत्री अमित शाह आणि शरद पवार एकाच मंचावर? अजित पवारांच्या पुतळ्याच्या अनावरण सोहळ्यात शरद पवारांना निमंत्रण
कर्जाचे हप्ते थकल्याने मायक्रो फायनान्स कंपनीने शेतमजुराचे घर सील...
कर्जाचे हप्ते थकल्याने मायक्रो फायनान्स कंपनीने शेतमजुराचे घर सील, दुष्काळी परिस्थितीमुळे जीवन विस्कळीत
500 कोटींच्या ऑडिओ क्लिपवरून मनोज जरांगे आक्रमक; थेट बड्या नेत्यांना इ
Manoj Jarange Patil : 500 कोटींच्या ऑडिओ क्लिपवरून मनोज जरांगे आक्रमक; थेट बड्या नेत्यांना इशारा
खासदार शोधा रे, शोधणाऱ्याला बक्षीस... रवी राणा असं का म्हणाले?
खासदार शोधा रे, शोधणाऱ्याला बक्षीस... रवी राणा असं का म्हणाले? अमरावतीतील राजकाणात मोठ्या घडामोडी