गोंदियात बेमुदत उपोषणाचा तिसरा दिवस, सारखेच मजूर एकाचवेळी दोन ठिकाणी कामावर कसे?

गोंदिया : जिल्ह्यातील गोरेगाव तालुक्यातील बबई येथे (Babai in Goregaon taluka) ग्रामपंचायतीच्या गलथान कारभाराविरुद्ध येथील दोन नागरिकांनी बेमुदत उपोषण सुरू केले आहे. बबई येथे दोन मोबाईलचे टॉवर (Mobile Tower) लावण्यात आले. मात्र या दोन टॉवर पैकी एका टॉवर कंपनीकडून आतापर्यंत कोणतीही वसुली करण्यात आली नाही. तर एका मोबाईल टॉवरला नाहरकत प्रमाणपत्र नाकारूनही गावात मोबाईल टॉवर लावण्यात आले आहेत. यात मोठा भ्रष्टाचार झाल्याचा आरोप केला आहे. तसेच रोजगार हमीच्या दोन कामावर 12 मजूर दोन्ही ठिकाणी एकाच दिवशी हजेरी पटावर दाखविण्यात आले आहेत. विविध कामांत झालेल्या भ्रष्टाचार उघड करूनही आतापर्यंत चौकशी करण्यात आली नाही. दोषींवर कारवाई कण्यात यावी, या मागणीसाठी झनक बिसेन (Jhanak Bisen) आणि भिवराम बिसेन हे दोघे उपोषणावर बसले आहेत. भ्रष्टाचार करणाऱ्यांवर कारवाई होणार नाही तोपर्यंत उपोषण सुरू राहील, अशी भूमिका उपोषणकर्त्यांनी घेतली आहे. आता प्रशासन या प्रकरणी कोणती भूमिका घेते हे पाहणे गरजेचे आहे.

तक्रारीची दखल का नाही

चौदाव्या वित्त आयोगाच्या कामात गैरव्यवहार झाला आहे. त्याची चौकशी करण्यात यावी, यासाठी उपोषण करत असल्याचं उपोषणकर्त्यांच म्हणण आहे. अनुप कटरे या व्यक्तीचे दुकान गोरेवात नाही. पण, अनुप कटरे या नावाने दुकान दाखवून खोटी बिलं उचलण्यात आली आहेत, अशीही तक्रार मुख्य कार्यकारी अधिकारी यांच्याकडे करण्यात आली आहे. कागदपत्र नसताना टॉवर उभा केला, असा प्रश्न आहे. कागदपत्र दिले नसल्याने टॉवर उभारण्याची परवानगी दिली नसल्याचं बबईच्या ग्रामसेवक एस. बी. लिल्हारे यांनी सांगितलं.

क्रीडा विज्ञान, व्यवस्थापनात पदवी अभ्यासक्रम! विद्यापीठ अनुदान आयोगाची मान्यता, क्रीडामंत्री सुनील केदार यांची माहिती

नागपुरातील सुप्रसिद्ध ‘परम का ढाबा’च्या संचालकांची आत्महत्या, 36 व्या वर्षी टोकाचं पाऊल

यवतमाळातील आयता गावात गॅस सिलेंडरचा स्फोट, मायलेकीचा होरपळून मृत्यू!