Hingoli | अज्ञात वाहनाच्या धडकेत पोलिस भरतीची तयारी करणाऱ्या दोन तरूणांचा जागीच मृत्यू, हिंगोली शहरातील धक्कादायक घटना!

अनिल आणि गणेश पोलिस भरतीची तयार सोबतच करत असल्याचे कळते आहे. दोघेही व्यायाम करण्यासाठी वसमत शहरातील कवठा रोडवर जात असत. सकाळी पहाटे जाऊन रनिंग आणि इतर पोलिस भरतीचे व्यायाम करायचे. अनिल आणि गणेश दोघेही अत्यंत मेहनती तरूण होते. मात्र, काळाने त्यांची स्वप्नपूर्ण होण्याच्या अगोदरच घाला घातला आहे.

Hingoli | अज्ञात वाहनाच्या धडकेत पोलिस भरतीची तयारी करणाऱ्या दोन तरूणांचा जागीच मृत्यू, हिंगोली शहरातील धक्कादायक घटना!
Image Credit source: tv9
रमेश चेंडके

| Edited By: शितल मुंडे, टीव्ही 9 मराठी डिजीटल

Jul 02, 2022 | 12:39 PM

हिंगोली : हिंगोली (Hingoli) जिल्हात एक धक्कादायक घटना उघडकीस आलीयं. पोलीस भरतीचा सराव करत असतांना अज्ञात वाहनाने उडवल्याने दोन तरुणांचा मृत्यू (Death) झाला आहे. यामुळे संपूर्ण परिसरात हळहळ व्यक्त केली जातंय. अनिल आमले व गणेश गायकवाड अशी मृत्यू झालेल्या दोन तरुणांची नावे आहेत. हे दोन्ही तरूण केल्या काही वर्षांपासून पोलिस (Police) भरतीची तयारी करत होती. मात्र, काळाने घावा घालत या दोन्ही तरूणांचे स्वप्न भंग केले. अनिल आमले आणि गणेश गायकवाड हे दोघे मित्र होते.

अनिल आमले आणि गणेश गायकवाड तरूणांचा जागीच मृत्यू

वसमत शहरातील रहिवाशी असलेले अनिल आमले व गणेश गायकवाड हे दोघे नेहमीप्रमाणे आज पोलिस भरतीचा सराव करण्यासाठी गेले होते. शहरा लगत असलेल्या खंदारे पेट्रोल पंपजवळ या दोघांना अज्ञात वाहनाने धडक दिली या धडकेत दोघेही जागीच ठार झाले आहेत. दरम्यान जवळपास असलेल्या नागरिकांनी या घटनेची माहिती पोलिसांना दिली आणि मृतदेह वसमतच्या शासकीय उपजिल्हा रुग्णालयात पाठवले.

दोन्ही तरूण पोलिस भरतीचा सराव करत होते

अनिल आणि गणेश पोलिस भरतीची तयारी सोबतच करत असल्याचे कळते आहे. दोघेही व्यायाम करण्यासाठी वसमत शहरातील कवठा रोडवर जात असत. सकाळी पहाटे जाऊन रनिंग आणि इतर पोलिस भरतीचे व्यायाम करायचे. अनिल आणि गणेश दोघेही अत्यंत मेहनती तरूण होते. मात्र, काळाने त्यांची स्वप्नपूर्ण होण्याच्या अगोदरच घाला घातला आहे.

हे सुद्धा वाचा

अज्ञात वाहनाने उडवल्याने तरूणांचा मृत्यू

पोलिस भरतीसाठी तयारी करत असलेले अनिल आणि गणेश भल्या पहाटे वसतम शहरातील कवठा रोडवर व्यायामासाठी जात होते. तेथे ते दररोजच व्यायाम करायचे. मात्र, आज सकाळी एका अज्ञात वाहनाने त्यांना धडक देऊन उडवले. आज सकाळी 5 वाजताच्या सुमारास ही घटना घडलीयं. या धडकेमध्ये दोन्ही तरूणांचा जागीच मृत्यू झाला आहे. पोलीस आता अज्ञात वाहनाचा शोध घेत आहेत.

Follow us on

Related Stories

Most Read Stories

Click on your DTH Provider to Add TV9 MARATHI

राज्य चुनें