Valentine Day : गुलाबांच्या फुलांनी सजली बाजारपेठ, शेतकऱ्यांसह फुल विक्रेत्यांचे व्यावसायही बहरले

जळगाव : फेब्रुवारी महिना हा प्रेमाचा महिना समजला जातो. सध्या वैलेंटाईन वीक सुरू आहे. प्रेमी युगूल आपले प्रेम व्यक्त करण्यासाठी हा खास आठवडा साजरा करतात. ‘वैलेंटाईन डे’ला या आठवड्याची सांगता होते. एकमेकांवर प्रेम करणारे आपल्या जोडीदाराला भेटवस्तू देतात. प्रेम आणि शुभेच्छा देण्यासाठी गुलाबाच्या फुलांचा मोठ्या प्रमाणात वापर होतो. गुलाबाची फुलं भेट देण्यासाठी तसेच सजावटीसाठी मोठ्या प्रमाणात वापरली जातात. याच कारणामुळे या आठवड्यात गुलाबांच्या फुलाला मोठी मागणी असते. अवघ्या दोन दिवसांवर व्हॅलेंटाईन डे येऊन ठेपला असून ‘व्हॅलेंटाईन डेट’च्या पार्श्वभूमीवर बाजारात गुलाबाच्या फुलांना (Rose Flower Demand) चांगलीच मागणी असल्याचे पाहायला मिळत आहे.

गुलाबाच्या फुलांना मिळतोय समाधानकारक भाव

दररोज 1 हजार ते 2 हजार शेकड्याने गुलाबाची विक्री होते मात्र व्हॅलेंटाईन डे च्या पार्श्वभूमीवर पाच ते सहा हजार शेकडा याप्रमाणे गुलाबाच्या फुलांची विक्री होत आहे. वेगवेगळ्या प्रकारच्या तसेच रंगाच्या फुलांना मोठी मागणी आहे गुलाबाच्या फुलांना समाधानकारक भाव मिळत असल्याने गुलाबाच्या फुलांची शेती करणाऱ्या शेतकऱ्यांमध्येसुद्धा आनंदाचे वातावरण पाहायला मिळत आहे.

गुलाब कोणता लागवड करावा आणि कोणत्या महिन्यात लागवड करावा?

पॉलिहाऊस विना गुलाब शेती करता येणारा गुलाबाचा एक नवा प्रकार आला आहे. याला बोरडेक्स गुलाब म्हणतात. हा एक उत्तम पर्याय आहे. जुन आणि जुलै महिन्यात तसेच जानेवारी आणि फेब्रुवारी महिन्यात गुलाबाची लागवड केली जाते. अडीच बाय पाच फूट अंतरावर एक एकर मध्ये चार हजार रोपे तुम्ही लावू शकता आणि अर्धा एकरमध्ये दोन हजार झाडांची लागवड तुम्ही करू शकता.

गुलाब शेतीसाठी पाण्याचा निचरा होणारी जमीन पाहिजे. एक गुलाबाचे झाड 12 रुपयांना आहे. 25 ते 30 हजार हा अर्धा एकरासाठी खर्च आहे. त्यानुसार तुम्ही लागवड करू शकता.